2 Bità 1:4 - The New Testament in the Babanki language

⁴ A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

2 Bità 1:4 ပူးပေါင်းရင်းမြစ်များ

Lumans 9:4

Vəwenə diʼ viʼi Islel vi a Nyìngòŋ ə lyɨ̀ a wenə a vunə ə diʼ əbayn ə wen a vəwenə, ə zhɨ̀ məkàyn wenə vəwenə ə be ku Əsoʼ ə wen a vəwenə. A diʼ vəwenə vi a Nyìngòŋ ə ndiʼi ji ə jùŋ yì a vəwenə ə diʼ ə nə̀ kuʼsə wen fa tsù, vəwenə be kiʼi ənyʉ̀ a Nyìngòŋ əghʉ a vəwenə.

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 6:17

A le kənyʉ̀ ki a Bobo ə gàʼa la: “Ghə̀ŋ fʉ̀ vi fa a ntìntìn ə viʼi və byɨvə ə nti nəkwoŋ. Kə ghə̀ŋ kumə kəfo kì a kə ko diʼ kəfo kə ŋwoʼkə, ndi mà shisə ghə̀ŋ,

Gàlesìyà 3:16

Nyìngòŋ ə nghʉ li kənyʉ̀ ken a Ablaham wenə ngwaʼ wen. Ŋwàʼlə̀ Nyìngòŋ ko gàʼ la və ku a wenə vunə və ghoʼo və. Ŋwàʼlə̀ Nyìngòŋ tòŋtə to wàyn ə mùʼ, wàyn na ghèn diʼ Klistò.

Gàlesìyà 6:8

Wìʼ ə sətsen ə wè to kəfo kì a kə fwomə a njòsə wèn ə wen, a ghə̀ lù pfì əpfʉ̀. Wìʼ ə sətsen ə wè kəfo kì a kəzhwì kə ə kəŋə la ghə̀ nè, ghə̀ lu pfì ntsìnə̀ yì a ghə̀ ko lu mè.

Efisyàns 4:13

Ə zàʼa ando vəghəŋ vətsèm lù tsèntə ndiʼ to a kənyʉ̀ kə mùʼ a vəghəŋ əbyɨmə ə be kɨ byìʼì wàyn Nyìngòŋ. Ndi vəghəŋ ə kwʉ̀ʼ mwetə a ji a Klistò diʼ.

Kòlòsyàns 3:10

ə boŋsə ghaʼa ntsìnə̀ ə fi. Ghə̀ŋ diʼ viʼi və fi və a Nyìngòŋ bwom ə sə ne la ghə̀ŋ fɨsə wen a nyʉ̀ yi a ghə̀ŋ ne ndi ghə̀ŋ tuʼ kɨ wen akayn.

Hibùlù 12:10

Və tiʼi və vəghəŋ a nse nə̀ ghòmə vəghəŋ to fəshinə fə zhʉ̀ alə, to fa ji yi a ətof ə vəwenə kwoʼtə, ali a Tiʼi vəghəŋ akàŋ, ghə̀ ghòmə vəghəŋ a ji ə gyamtə vəghəŋ gyamtə ndiʼ vəghəŋ ə nlaynə a nə̀ wen.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 3:13

Alì vəghəŋ ə ŋwʉ̀ʼ luwen, kəʼtə to la əkaŋ ə fìghə nə̀ nse ə fi vi, a no tèbe ghò tsu ə ti a kayn, to ndə̀ŋndəŋ ando Nyìngòŋ ə ghʉ li.

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.