2 Bità 1:17 - The New Testament in the Babanki language

¹⁷ A ndiʼ ando tiʼi wen, ə Bobo Nyìngòŋ kùʼsə wen ə ne la ghə̀ kiʼi əbayn ə ghoʼo ghə̀, yès yen. Yès ə zhʉ li ando Nyìngòŋ ghə̀ŋ a ghə̀ kiʼi kədyòʼ no kə tsèm ə gaʼa ə gàʼa la, “Ghèn diʼ wàyn əkòŋ ə mò, ma saŋlə kumə wen no nəkwoŋ.”

2 Bità 1:17 ပူးပေါင်းရင်းမြစ်များ

Matìyò 12:18

“Ghèn dìʼ wìʼ yì a mà tsuʼ li la ghə̀ shyèʼ à mò. Mà kòŋ wen, ghə̀ nè mà saŋlə̀. Mà a ku kəzhwì kom à wen ə ghə̀ nshə̀ʼtə̀ à viʼi tɨm ando mà a soʼ viʼi a ji tɨmə.

Matìyò 17:3

Tò a zhʉ ayì Mosìs wenə̀ Elijà fʉ̀ à vəwenə a kə̀ʼ sə̀ gàʼà wenə və Yesò.

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Ŋwàʼlə̀ Mak 1:11

Gɨ̀ tsen fʉ̀ fa kàŋ gàʼà la, “Wù dìʼ wàyn kòŋ mò. Mà saŋlə̀ byìʼì wù nəkwoŋ.”

Ŋwàʼlə̀ Mak 9:7

Mbòʼ shiʼi tò a zhʉ ayì chiʼtə vəwenə, gɨ̀ fʉ̀ fa tsu gàʼà la, “Ghèn dìʼ wàyn kòŋ mò. Ghə̀ŋ nzhʉ fà wen.”

Ŋwàʼlə̀ Luk 10:22

Ando Yesò ngàʼ alì, ghə̀ mù gàʼ à ndzɨ̀mtə̀sə bàm wen la,“Tìʼ ghom kuli fo tsèm à mò. Wìʼ ko zì ghə̀ lə̀ kɨ wìʼ a wàyn diʼi wen a bwen tò tìʼ wen. Wìʼ ko zì ghə̀ kɨ wìʼ a tìʼ diʼ wen bwen tò wàyn, nə̀ viʼi vyi a wàyn tsuʼli ə dìʼ tìʼ wen à vəwenə.”

Ŋwàʼlə̀ Luk 3:22

Kəzhwì kəŋwoʼkə shiʼi a wen kətʉ, kəʼə to nə̀ kəlàto, gɨ fʉ̀ fa kaŋ gàʼà la “Wu diʼ wàyn kòŋ mo, ma saŋlə byìʼì wu nə̀ kwoŋ.”

Joyn 10:15

to ndə̀ŋndəŋ ando Tìʼ ghom ə kɨ mo, ma be kɨ wen. Ma tu ma ə pfʉ̀ byìʼì byisə shomsə.

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

Joyn 14:11

Ghə̀ŋ byɨmə ando mà gàʼa la, yo Tìʼ diʼ to kənyʉ̀ kə mùʼ, a bwen ali, ghə̀ŋ byɨmə lì to no byìʼì nyʉ̀ ə kaynəvə vyi a ghə̀ŋ yèn li.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 17:21

Ma jɨ̀mə̀ a Tìʼ ghom la vəwenə tsèntə ndiʼ to a kənyʉ̀ kə mùʼ no və tsèm to ndə̀ŋndəŋ ando yowù diʼ to a kənyʉ̀ kə mùʼ. Nè vəwenə faŋ a yowù ndiʼ viʼi mbyi venə byɨmə la à tɨm wù tɨm ə mo.

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Joyn 3:35

Tìʼ ə kòŋ Wàyn wen mu ku kədyòʼ a wen la ghə̀ ə̀ soʼo no əfò ə tsèm a mbyi.

Joyn 5:20

Fa mbwo Tìʼ ə kòŋə wàyn wen, ghə̀ diʼ li no nyʉ̀ tsèm a ghə̀ nè a wen. Ghə̀ ə diʼi nyʉ̀ kaynəvə a wen a və chò na kenkə.

Joyn 5:26

Nyìngòŋ diʼ wìʼ yì a ghə̀ ku ə ntsìnə̀, ndə̀ŋndəŋ a ghə̀ be ne la wàyn wen be ndiʼ wìʼ yì a ntsìnə̀ ə lu fa wen.

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Joyn 6:39

Wìʼ yi a ghə̀ tɨmə mo ko kəŋ la no wìʼ ə mùʼ a ghə̀ ku li a mò le. Ghə̀ kəŋ la mà lu bwensə lùsə vəwenə fa pfʉ a kətsi kə bàm.

Lumans 15:6

ndi ghə̀ŋ ə tsentə ə nkuʼsə Nyìngòŋ, ə Tìʼ Bobo vəghəŋ Yesò Klistò, to a chʉ̀ ə mùʼ.

2 Kolìntyàns 1:3

Vəghəŋ ə nkuʼsə Nyìngòŋ ə Tìʼ Bobo vəghəŋ Yesò Klistò. Ghə̀ kusə shɨnsə a viʼi, be bwaʼsə tətyɨm tə viʼi.

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

2 Joyn 1:3

Tìʼ wenə Wàyn wen ə Yesò Klistò, a diʼ boŋə tyɨm, nə̀ kusə nshinsə bènə̀ mbwaʼmə à vəghəŋ, a vəghəŋ tsi a tyì nəmwèʼè benə̀ ə̀kòŋ.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.