2 Bità 1:16 - The New Testament in the Babanki language

¹⁶ Ənyʉ̀ vyi a yès ə shə̀ʼtə̀ a ghə̀ŋ kumə məvi ə Bobo vəghəŋ Yesò Klistò nə̀ kədyoʼkə wenkə diʼ nyʉ̀ mu yès yen li to no fa yès a ngəŋsə. A ko diʼ mətitì mə zɨmə a wù ə tofə ə tsen shə̀ʼtə̀.

2 Bità 1:16 ပူးပေါင်းရင်းမြစ်များ

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Matìyò 16:28

Mà gàʼà à ghə̀ŋ nəmwèʼè la viʼi vətsenvə diʼ a shèn luwèn a vəwenə ko lə pfʉ no a mpfen əzaʼa fa tʉʼ a vəwenə lu yen Wàyn Wìʼ ghə̀ bwènə̀ vì anə̀ fòyn.”

Matìyò 17:1

A sə ndiʼ a bàm mətsi ntʉfə, Yesò lyɨ̀ Bità nə̀ lèmə̀ wen ə Jems nə̀ Joyn wenə̀ vəwenə kuʼ a kwi pfen dyèfə a wìʼ ko ndiʼ tsu.

Matìyò 24:27

Wàyn Wìʼ lu vì tò a ndayn ando ghʉ nə̀ mwànə̀ ghə̀ bàŋə a kàŋ no tsèm.”

Matìyò 24:3

Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”

Matìyò 28:18

Yesò vìtə̀ boʼsə vəwenə mù gàʼ la “Nyìngòŋ ku li adyòʼ à mò no tsèm a kàŋ bènə̀ a nse la mà nsoʼo viʼi.

Ŋwàʼlə̀ Mak 13:26

Adìʼ a zhʉ a ghèn a və lu yen Wàyn Wìʼ ghə̀ shiʼi a tì mbòʼsə kiʼ adyòʼ kanəghə nə̀ bayn ə̀ ghoʼoghə.

Ŋwàʼlə̀ Mak 14:62

Yesò bwènsə̀ gàʼ la, “Mà dìʼi wen. Ghə̀ŋ lu yen Wàyn Wìʼ ghə̀ ŋwʉʼ a shyə kwoŋ toghə Nyìngòŋ a kəshi kə adyòʼ à tsèm, shiʼì vì a tì mbòʼsə a kàŋ.”

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Ŋwàʼlə̀ Luk 9:43

No viʼi vətsèm tsu sə diʼ nə̀ kaynə kùmə̀ adyòʼ Nyìngòŋ. Viʼi sə bu kayntə nyʉ̀ tsèm a Yesò nè, Yesò gàʼ à ndzɨ̀mtə̀sə bàm wen la,

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 17:2

byìʼì ando wù kù li kədyòʼ a wen a kətʉ̀ viʼi vətsèm ndiʼ ghə̀ nè, viʼi a wù kù a wen kiʼi ntsìnə̀ yi a ghə̀ ko lu mè.

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

1 Kolìntyàns 1:17

Yesò ə ko ntɨm mo la mà vi əku mu a viʼi. Ghə̀ ntɨm la mà vi ə shə̀ʼtə̀ ntɨm ə jùŋ, shə̀ʼtə̀ ko ndiʼ nə̀ ətof ə viʼi. Ma nshə̀ʼtə̀ ali, ndi kə pfʉ ə wen a kəntò a le kədyòʼ kì a ghə̀ kiʼi.

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

1 Kolìntyàns 1:7

Kə ne li la kə ghə̀ŋ ne wutə̀ no tèbe a kəku kə kò kì a kəzhwì kə Nyìngòŋ kə ku ando ghə̀ŋ kəʼtə la Bobo vəghəŋ Yesò Klistò bwenə vì.

1 Kolìntyàns 2:1

A ndiʼ to ando mà nvi ə yen ghə̀ŋ a vəlemə vwomə ə shə̀ʼtə̀ kənyʉ̀ kì a kə diʼ nəmwèʼè kumə Nyìngòŋ, ma nko ngàʼà ə gàʼà ə jùŋə ghə̀, ko andiʼ la ma ngàʼà tebè to nə̀ wù ə ŋwàʼlə̀.

1 Kolìntyàns 2:4

Ma ko nziʼi be shə̀ʼtə̀ ntɨm ə jùŋ nə̀ ətof ə mu ghə̀ lù fa wìʼ, a diʼ ətof ə ten wìʼ tenə la ghə̀ byɨmə kənyʉ̀, ali ma nshə̀ʼtə̀, kə diʼi mwetə kədyòʼ kə kəzhwì kə Kəŋwoʼkə.

1 Kolìntyàns 5:4

Ghə̀ŋ zhùŋtə̀ no zhʉ̀ko, kəzhwì ə kòmkə sə diʼ a ghə̀ŋ a ntìntìn. Ghə̀ŋ be zhùŋtə̀, ghə̀ŋ lyɨ̀ kədyòʼ kì a Bobo Yesò ə ku li a vəghəŋ,

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Filìbàyns 3:21

Ghə̀ nè ə lyɨ kədyòʼ kì a kə nè la ə̀fo ə̀ tsèm ə ndiʼ à wen ə tyi əsoʼ ə kwitə wèn ə vəghəŋ ghenə a ghə̀ diʼ ə lu pfʉ lə̀, ghə̀ kaʼkə ndiʼ tò nə̀ əwèn ə̀ ŋwoʼghə wen.

1 Tèsàlonyà 2:19

Ma ə kəŋ ə vi a ghə̀ŋ byìʼì ando à diʼ ghə̀ŋ a ghə̀ŋ nè la yes ə kiʼ əkwoʼtə be nè yes saŋlə, diʼ lù fʉ naynə kumə kəfo kì a yes ə lu ə kiʼi azhʉ̀ a Bobo vəghəŋ Yesò bwenə li nvi. A kəfo na kì kə ə diʼ to no ghə̀ŋ?

2 Tèsàlonyà 2:9

Wù nyʉ̀ ə byɨvə na ghèn lu vi nə̀ kədyoʼkə, mu a ku Satan ə kumə nè nyʉ̀ ə kaynə və ə tsenəvə, diʼi nchwisə ndzɨŋ sə tsensə a viʼi.

1 Timotì 1:4

Gaʼa la kə viʼi a venə ə nchòsə̀ ə zhʉ vəwenə jèʼ mò mətitì mə zɨmə kùmə̀ vətiʼi vəwenə. Kənyʉ̀ a kenkə ə nè, viʼi pfènə̀ ətʉ ə vəwenə tò kədyàŋ, bè taʼsə la kə viʼi byɨmə ə ne ə shwèʼè yi a Nyìngòŋ ə kəŋ. Wìʼ zi ghə̀ ne tò shwèʼ a ghenə a zhʉ a ghə̀ kiʼ byɨmə a Nyìngòŋ.

1 Timotì 4:7

Nyɨŋsə wenə wu fa bàm ə mətitì mə zɨmə mi a mə ko diʼ a nkàyn ashɨ ə̀ Nyìngòŋ. Myəʼsə wenə wu ə ntsi a jisə Nyìngòŋ.

Taytùs 1:14

kò vəwenə mbe zhʉ mətitì mə nzɨmə̀ ə̀ vəjew ko mbe ghʉ kətʉ a təsoʼ a viʼi a və tensə̀ nəmwèʼè ə ku.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

Ŋwàʼlə̀ Jud 1:14

Enòk, a ghə̀ vi a bàm ə ngwaʼ viʼi ntʉfə ə zìtə̀ fa chʉʼ Adàm. Ghə̀ ngaʼa li byìʼì, viʼi venə la “Ghə̀ŋ yen a, Bobo lu vi wenə ətsɨŋsə wen sə laynəsə, sə diʼ to kədə̀ŋ,

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.