2 Bità 1:14 - The New Testament in the Babanki language

¹⁴ Ma gaʼa alə̀ byìʼì ando Bobo vəghəŋ Yesò Klistò sə diʼ mù ghə̀ diʼi li nlaynsə a mò la, kəghaf ə komkə ko be dyə̀fə a nse ashen.

2 Bità 1:14 ပူးပေါင်းရင်းမြစ်များ

Joyn 13:36

Yesò əgàʼa ali, Saymun Bità ə bèm a wen la, “Wù dyʉ̀ fe a Bobo?” Ghə̀ bwensə la, “Wù zizi ko wù lu dyʉ̀ akəshi yi a ma dyʉ̀ tsù luwen, ali diʼ ə ne dzɨ̀mtə̀ ə vi.”

Shwèʼ 20:25

Ghə̀ŋ kɨ li la mà tə njèʼè fà ghə̀ŋ a ntìntìn shə̀ʼtə̀ kənyʉ̀ byìʼì kəshi kə fòn Nyìngòŋ. Ma sə gàʼà à ghə̀ŋ luwèn la ghə̀ŋ ko lu be yen mo no mpfen.

2 Kolìntyàns 5:1

Vəghəŋ kɨ la və sətsen ə byɨbsə fəngə̀ŋ fə kətsoʼ kə wèn fenfə a kəzhwì kə vəghəŋ kə tsì tsu a nse ashə lə̀, Nyìngòŋ a ku ngə̀ŋ kəzhwì a vəghəŋ akàŋ ko ndiʼ la və bwom nə̀ avu, ghə̀ diʼ ə tsì ə faŋ.

2 Timotì 4:6

Mà kòŋ la wù ə nè tò alə̀ byìʼì ando ma diʼ mu à faŋ tò fə shitə fə ə zhʉ alə ə Nyìngòŋ lyɨ̀ mò a nə̀ kəku kə. Əzhʉ ə pfʉ ə mò boʼsə li.

2 Bità 1:13

Kə diʼ no nkayn la mà ə ndzə̀ŋtə̀ ə nyʉ̀ a vyi a ghə̀ŋ zaʼa fa kətsi a mà lù pfʉ ndi ghə̀ŋ ə kwoʼtə.