2 Bità 1:1 - The New Testament in the Babanki language

¹ A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 1:1 ပူးပေါင်းရင်းမြစ်များ

Matìyò 4:18

Yesò sə jèʼè fa mbyɨ̀ mu Galìlì a kətsi kətsen kə ə yen vəlemə vətsen və bò, à diʼ Simùn yì a və be dzàŋ nə̀ Bità wenə Andɨ̀lò, vəwenə mòʼò dyʉ̀ nə̀ məlàm mə vəwenə mù kutə̀ shʉsə à mù diʼ shwèʼ vəwenə.

Ŋwàʼlə̀ Luk 1:47

Kəzhwì kom bè saŋlə̀ a Nyìngòŋ ə mbwòŋsə̀ ghomə.

Ŋwàʼlə̀ Luk 11:49

Byìʼì la, wìʼ yì a və dzàŋ la, ‘Tof Nyìngòŋ’ ngàʼa la, ‘Ma ne tɨm nshə̀ʼtə̀ sə ghoʼkəsə nə̀ viʼi ntɨm à vəwenə, à vəwenə a zhwilə vətsevə, be tsuʼ aghʉ və tsen və.’

Joyn 1:42

Ghə̀ gàʼ ali ə lyɨ̀ Simon ə dyʉ̀ nə̀ wen a Yesò. Yesò ə yenə wen ə gaʼa a wen la “A diʼ wù Simon ə wàyn Joyn, ali və a toŋtə wù luwen la Sefàs.” Sefàs nə̀ Bità diʼ to zhiʼ ə mùʼ, ghə̀ diʼ la, “əghu.”

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 20:21

Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.”

Shwèʼ 15:14

Simon gàʼ li laynsə la Nyìngòŋ diʼì li la ghə̀ tùʼmə̀ nə̀ viʼi ə tɨm a ji la ghə̀ tsuʼ li viʼi wen fà vəwenə a ntìntìn.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 1:12

Kənyʉ̀ ki a ma gaʼa diʼ la mà vi, ə vəghəŋ və tsèm tsentə se kənyʉ̀. Mà vi, ə lɨ̀msə̀ ghə̀ŋ a ghə̀ŋ əbyɨmə, ghə̀ŋ be boŋ lɨ̀msə̀ mò a mo əbyɨmə.

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

1 Kolìntyàns 15:9

Byìʼàndo ma ko diʼi no tebe wìʼ a ntìntìn ə̀ viʼi ntɨm, ko ma kʉʼʉ li və ntoŋtə mò la wù ə ntɨm byìʼì ando ma ə nfaŋ li ə sə ku ngəʼ to ku a tsèntə̀sə viʼi Nyìngòŋ.

1 Kolìntyàns 9:1

Ma diʼ no wù ə ntɨm, diʼ fa mo a ngəŋ. Kə lə diʼ la ma nkò ə yen Yesò ə Bobo vəghəŋ mu? Ghə̀ŋ bwin kəvu kəshyèʼ mò ashɨ Bobo?

2 Kolìntyàns 4:13

Və nyòʼò li a Ŋwàʼlə̀ Nyìngòŋ la, “Ando mà byɨmə, ma diʼ ə shə̀ʼtə.” Yès be byɨmə a Nyìngòŋ ə be sə shə̀ʼtə̀ kənyʉ̀ kə wen.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Gàlesìyà 2:8

Nyìngòŋ a ghə̀ ne la Bità ə ndiʼ wù ntɨm a viʼi Jus diʼ to wen yi a ghə̀ ne la mà ə ndiʼ wù ə ntɨm a viʼi a ko diʼi viʼi Jus.

Efisyàns 3:5

A diʼ nyʉ̀ ko andiʼ la Nyìngòŋ ndiʼi li a viʼi ambì. Nyìngòŋ ə lyɨ kəzhwì kə Ŋwoʼkə ə wen ə nè la kə diʼ laynsə nyʉ̀ venə a viʼi ə ntɨm ə wen nə̀ nshə̀ʼtə̀sə.

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

Efisyàns 4:5

Vəghəŋ kiʼi to Bobo ə mùʼ, vəghəŋ əbyɨmə to kənyʉ̀ kə mùʼ, vəghəŋ nshi mu to a kwi kənyʉ̀ kə mùʼ.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

2 Timotì 1:5

Mà bu kwòʼtə̀ ə nkàyntə̀ byɨmə yi a wù kiʼi à Klistò, a diʼ tò əbyɨmə yi a Lowis ə lì ə lì wù wenə Yunis ə li wù nkiʼ. Mà kɨ la wù kiʼi tò əbyɨmə a yi.

Taytùs 1:1

A nyòʼo mò ə Bol ə nyòʼo ŋwàʼlə̀ ghèn. Mà dìʼ wù shyèʼ ə̀ Nyìngòŋ be diʼ wù ntɨm ə̀ Yesò Klistò. Və̀ ntsùʼ mo ə̀ tɨ̀m la mà gyamtə nè la byɨmə viʼi vi a Nyìngòŋ ə ntsuʼ li ə nto, ə be nè la vəwenə nkɨ jì nəmwèʼè yì a ghə̀ nè la viʼi ntsi a ji yì a Nyìngòŋ ə kəŋə.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

1 Bità 1:1

A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Bità 2:7

A diʼ a ghə̀ŋ vi a ghə̀ŋ byɨmə li, ngùʼ na ghèn ə boŋ no nànto, ali a diʼ a viʼi vyi a və ko byɨmə mu: “Ngùʼ na yì a viʼi kə mbwom nə̀ ə temə maʼa kaʼkə li a ngùʼ bù ə ngə̀ŋ.”

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

2 Bità 1:4

A diʼ a ji na ghèn a Nyìngòŋ ə lwinsə li kənyʉ̀ kə ghʉkə kikə a ghə̀ ə nghʉ̀ la ghə̀ lu ku kəku kə jùŋ kə kə kaynəkə, la kə gyamtə vəghəŋ la vəghəŋ nyɨŋ fʉ̀ fa nyʉ̀ ə byɨvə yi a njòsə wensə ə vi nə̀ wenəvə a mbi ashə və byɨbsə viʼi, ə boŋsə tsi ntsìnə̀ Nyìngòŋ.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.