1 Timotì 6:9 - The New Testament in the Babanki language

⁹ Əmwòmsə̀ ə ne vi à viʼi vyi a və nyɨŋ fa a bàm ə əko. Vəwenə ə fəŋ a mwòmsə̀ a ghèn, kətam kə ghaʼ vəwenə, və faŋ ə nkəŋ tò əfo a venə, lu kaʼ pfʉ to bàm ə ko alì və be byɨsə vəwenə to byɨsə,

1 Timotì 6:9 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 19:22

Andìʼ a zhʉ a wàyn wùlɨm a yì nzhʉ, kənyʉ̀ akì ghə̀ lù kò ghə̀ be nsaŋlə̀ byìʼàndo ghə̀ nkìʼ ghoʼ no ghoʼo.

Matìyò 26:15

ə̀ bèm à vəwenə la, “Mà lè sətsèn gyàmtə̀ ghə̀ŋ əkù Yesò à ghə̀ŋ, ghə̀ŋ à kù gho à mò a?” Vəwenə taŋtə ko kəkas məwum ntaʼ ə̀ kù à wen.

Matìyò 6:19

“Kə ghə̀ŋ ə bàʼtə ə ghʉ əghoʼ a ghə̀ŋ a loʼ a nsè a shə̀. A diʼ kəshi mu nkasə zizi sə lo ə fo a vyi, tsenə və baŋ ə byɨf, mu vətsoŋ zi ə və bè kwaʼ ngə̀ŋ ə kwen tsoŋ.

Ŋwàʼlə̀ Mak 4:19

alì nyʉ mbi bènə̀ kòŋ yi a viʼi kòŋə̀ ghoʼ bènə̀ kòŋ a viʼi kòŋə̀ fo mbi tsenəvə mù sə tàʼsə̀ vəwenə kò andìʼ la gàʼ ayi a kumə ashɨ a vəwenə a ntsìnə̀sə.

Ŋwàʼlə̀ Luk 12:21

Yesò mù gàʼà myetə la, “A lè ndo kə diʼi à viʼi vyi a və ghʉ ghoʼo vəwenə à vəwenə ngə̀ŋ ali kò vəwenə lə̀ kwʉʼ ashɨ Nyìngòŋ.”

Ŋwàʼlə̀ Luk 21:35

Kə le bvʉ̀tə vì tò vì à viʼi vətsèm a nse a shen.

Shwèʼ 8:20

Bità bwènsə̀ gàʼ à wen la, “Məntùŋ myə̀, wenə̀ ko wu ayi, byìʼàndo wù kwòʼtə la wù zì wù zen kəfo a, à kù Nyìngòŋ nə̀ ko!

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

1 Timotì 1:9

Vəghəŋ diʼ kɨ la əsoʼ a ghənə nko vi a viʼi və jùŋvə, soʼ a ghenə nvì a viʼi vyi a və kwàʼa ə soʼ, nə̀ əvi a və to kətʉ, nə̀ viʼi vyi a və ko gumlə Nyìngòŋ, nə̀ vi a və nè ənyʉ̀, ə byɨvə, nə̀ vi a və ko jɨ̀mə̀ a Nyìngòŋ nə̀ vi a və telə Nyìngòŋ, nə̀ viʼi vyi a və zhwi vətiʼi vəwenə kò vəlì vəwenə nə̀ vi a və zhwi viʼi vətsenvə.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

1 Timotì 6:10

Viʼi vi a və kòŋ əko ə zaŋsə kwenə a mbyɨ. Viʼi vətsenvə nyɨŋ li nchosə fa ayi abàm, ə maʼa əbyɨmə vəwenə ə sə kiʼi ngəʼsə ghoʼo sə a vəwenə tətyɨm.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

2 Timotì 2:26

Vəwenə sə dìʼ mu və fəŋ li a kətam nə̀ Deblə̀ ə sə ə ne ə shwèʼ ə wen, alì mu Nyìngòŋ zi ghə̀ ne tə tof tə vəwenə bwenə vi, vəwenə nyɨŋ fʉ̀ fa kətam a ghèn.

Taytùs 2:12

Adìʼ əbòŋə tyɨm ə̀ Nyìngòŋ aghenə a ghə̀ dìʼsə̀ vəghəŋ la vəghəŋ ghʉsə ntsìnə̀ yì a Nyìngòŋ ə ko kòŋ bènə̀ koŋə fo nse, ə ntsi nə̀ mbwaʼmə̀, tsi ntsìnə̀ tɨmə be tsi a ji a Nyìngòŋ ə kəŋə a mbi ashyə̀.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.