1 Timotì 6:6 - The New Testament in the Babanki language

⁶ Kə dìʼ nəmwèʼè la kənyʉ̀ kə Nyìngòŋ zi kə ne la wìʼ ə ndìʼ wù ə ghoʼo, kiʼi ənyʉ̀ ə jùŋ və a wen tyɨm, ko ghə̀ kiʼ ashɨ ə kəmbàŋbàŋ.

1 Timotì 6:6 ပူးပေါင်းရင်းမြစ်များ

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Ŋwàʼlə̀ Luk 3:14

Vəsugyèʼ boŋ bèm a wen la “Nkàyntə̀ yes a nè gho?” Ghə̀ gàʼ a vəwenə la “Kə ghə̀ŋ be shi kəfo kə wìʼ a kədyòʼ, kə ghə̀ŋ be gàʼ la wìʼ neli kənyʉ̀ kenla ghə̀ nèli, byiʼ ando ghə̀ŋ kəŋ kəfo. Ghə̀ŋ zhɨ tò ko a və loʼo ghə̀ŋ tsu.”

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Filìbàyns 1:21

A diʼ a mò, ma tsi ə nshyèʼè a Klistò, mu mà sətsen pfʉ, kə a boŋsə diʼ akayn.

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

1 Timotì 6:8

Vəghəŋ sətsen ə kiʼi ndisə nə̀ kəfo kəzhɨkə, kə vəghəŋ ə bè ku ngəʼ à vəghəŋ təwen.

Hibùlù 13:5

Kə ghə̀ŋ ne mbaŋbaŋ a bàm ə ko. Ghə̀ŋ nboŋsə saŋlə to saŋlə no tèbè nə̀ ghoʼ yi a ghə̀ŋ kiʼi byìʼì ando Nyìngòŋ ə gàʼa li la, “Mà ko lu moʼtə ghə̀ŋ no faphen.”