1 Timotì 6:4 - The New Testament in the Babanki language

⁴ ghə̀ ghaŋsə̀ tò əwen kədyàŋ kədyàŋ, ko ghə̀ lu kɨ no kənyʉ̀, ətyɨm ə wen ko diʼ a nkàyn. Ghə̀ kəŋ ngùmə̀ to ənyʉ̀, bè taŋmə wen ə viʼi byìʼì ətof yi a ghə̀ diʼi a mənyʉ̀tə. Ənyʉ̀ a venə ə vi tò nə̀ kənghə̀ʼ kə nə̀ soynə nə̀ mbaʼsə nə̀ kwoʼtə ə byɨghə byìʼì viʼi,

1 Timotì 6:4 ပူးပေါင်းရင်းမြစ်များ

Shwèʼ 15:2

Bol wenə̀ Balnabas kiʼi ntaŋ fànsə wenə̀ viʼi a vyi byìʼì ziʼi aghenə. Və mù tsuʼ Bol wenə̀ Balnabas bènə̀ viʼi vəbyɨməvə vətsenvə fa Antìyòk la vəwenə kuʼ ə̀ dyʉ̀ a Jelusalèm ə̀ yèn viʼi ntɨm Yesò nə̀ vəchəʼ wenə̀ vəwenə bèsə̀ kənyʉ̀ akènkə.

Shwèʼ 18:15

Ando ghə̀ŋ bòŋsə̀ soʼo nyʉ̀ byìʼì ziʼi tsenghə, nə̀ təzhiʼ tə viʼi bènə̀ soʼo ghə̀ŋ lə̀, à kɨ tò ghə̀ŋ. Mà zì kò mà lə̀ tɨ̀mə ə̀ nsoʼo nki nyʉ̀ à nə̀ venə.”

Shwèʼ 8:9

A nsə ndiʼ a lì wutsen diʼ a ntə̀ʼ ayì, a zhiʼ wen ndìʼ Simon, adiʼ wù shəŋə fənyoʼ, viʼi loʼ a vyi diʼ nə̀ kanə, byìʼì ənyʉ̀ a ghə̀ nè a lì, kuʼsə̀ wenə wen la yì dìʼ no wu ghoʼo.

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Lumans 2:8

Ghə̀ lu soʼ viʼi vyi a və kəŋ to kənyʉ̀ ngeŋsə ə vəwenə, ko və lu zhʉ kənyʉ̀ ki a kə diʼi nəmwèʼè ali kòŋ to ndzɨ̀ŋ. Ghə̀ lu soʼ vəwenə ə diʼ tin ə fwi ə wen a vəwenə.

1 Kolìntyàns 11:16

Sətsèn wìʼ nkəŋ ə ngwùmə̀ kənyʉ̀ na kèn a mà gàʼ lə̀, mu yès ko kiʼi ji tsen ə be lyɨ shə̀ʼtə̀ nyʉ̀ na venə fa tsù, ko andiʼ la no tèbe ngə̀ŋ Nyìngòŋ ə kiʼi.

1 Kolìntyàns 11:18

Mbì kənyʉ̀ a ma kəŋ gàʼà diʼ la, viʼi shə̀ʼtə̀ li a mò la ghə̀ŋ vi zhùŋtə̀ to nə̀ ntsèntə̀ viʼi Nyìngòŋ, ghə̀ŋ sə kiʼ kəgəsə a ghə̀ŋ a ntìntìn, ma byɨmə la nyʉ̀ ə tsenəvə ə diʼ tsu a və gàʼà, a diʼ to no nəmwèʼè.

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

1 Kolìntyàns 3:3

Ghə̀ŋ bo tsi to nə̀ viʼi mbyi. Ghə̀ŋ kɨli la kənghə̀ʼ kə ə diʼ ghə̀ŋ a ntìntìn, ghə̀ŋ nè nyʉ̀ to nə̀ viʼi mbyi be tsi to nə̀ vəwenə.

2 Kolìntyàns 11:20

Ghə̀ŋ moʼtə li viʼi, və sə lyɨ ghə̀ŋ a əkòs, nyàblə̀ nə̀ ghə̀ŋ. Ghə̀ŋ moʼtə li vəwenə sə lobtə ghə̀ŋ, zəʼtə ghə̀ŋ be telə ghə̀ŋ.

Gàlesìyà 5:15

Alì mu ghə̀ŋ sətsen kaʼkə ə ne to nə̀ nyamsə ətòʼ ə mphiʼi təwen, ghə̀ŋ nkɨ la ntsèntə̀ ghə̀ŋ zizi ghə̀ na mè no ə tsèm.

Gàlesìyà 5:26

Kə vəghəŋ na ghaŋsə əwèn, kə vəghəŋ na tyinsə tyinsə vəlemə və vəghəŋ, kə vəghəŋ be lye vəwenə nə̀ ashɨ a byɨghə.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Filìbàyns 1:15

Viʼi vətsenvə əshəʼtə ntɨm ə jùŋ Yesò byìʼì kənghə̀ʼ ə be diʼ la vəwenə ə chò mo ando vəwenə yènə ando shyèʼ ə ghomə əshɨtə dyʉ̀, ali, vətsevə shə̀ʼtə̀ ntɨm a ghèn no nə̀ ətyɨm ə jùŋə̀ ghə̀.

Filìbàyns 2:14

Ghə̀ŋ ə nè ənyʉ̀ tsèm tò achi achi, kə ghə̀ŋ ə dèmkə̀ ko ə ntaŋmə̀.

Filìbàyns 2:3

Kə ghə̀ŋ a nkwòʼtə̀ tò byìʼì təwen ə təŋtə, kə wìʼ a ə nè kənyʉ̀ ə kuʼsə wèn ə wen. Ghə̀ŋ ə mbòŋsə̀ kiʼ ə shiʼsə wèn à ghə̀ŋ ə ntìntìn be lyɨ̀ la viʼi vətsenvə chò ghə̀ŋ.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

2 Tèsàlonyà 2:4

Wù byɨ na ghèn lu fʉ ə soyn Vənyìngòŋ və tsenəvə no tèbè nə̀ gho ə tsen yi a viʼi ə gumlə, ə diʼ la ghə̀ to chò Vənyìngòŋ na vi. Ghə̀ lu dyʉ̀ kwen nyʉ̀ʼmə a ngə̀ŋ Nyìngòŋ ə ghoʼo ə gàʼa la à diʼ to no wen diʼ Nyìngòŋ.

1 Timotì 1:4

Gaʼa la kə viʼi a venə ə nchòsə̀ ə zhʉ vəwenə jèʼ mò mətitì mə zɨmə kùmə̀ vətiʼi vəwenə. Kənyʉ̀ a kenkə ə nè, viʼi pfènə̀ ətʉ ə vəwenə tò kədyàŋ, bè taʼsə la kə viʼi byɨmə ə ne ə shwèʼè yi a Nyìngòŋ ə kəŋ. Wìʼ zi ghə̀ ne tò shwèʼ a ghenə a zhʉ a ghə̀ kiʼ byɨmə a Nyìngòŋ.

1 Timotì 1:7

Vəwenə ə kòŋ ə ndiʼ ndìʼsə̀sə tə soʼ ə Nyìngòŋ, alì ken la vəwenə kɨ no tə ənyʉ̀ vyi a vəwenə ə gàʼa, a li vəwenə kwoʼtə la vəwenə kɨ li kənyʉ̀ a vəwenə nè.

1 Timotì 3:6

A diʼ ə ndi wìʼ a ghə̀ ko byɨmə to fəkʉ̀ʼ, a bwen a lì ghə̀ ə ghaŋsə əwen, ə Nyìngòŋ ku ngəʼ à wen to ando ghə̀ nku à Deblə̀.

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

2 Timotì 2:23

Kə wù nə̀ nzhʉtə ə gàʼ kə kəndzɨ̀ŋtə̀ yi a ghə̀ ko shyèʼè no kənyʉ̀. Wù kɨ la əgaʼa a ghenə ə vi tò nə̀ ntaŋ.

2 Timotì 3:4

Vəwenə mbaʼlə̀ viʼi nə̀ ə gaʼa ə vəwenə, shenə nè kənyʉ̀ ko və kwòʼtə̀, chasə viʼi vətsenvə. Vəwenə ko lu nkòŋə̀ Nyìngòŋ, bòŋsə kòŋ tò nyʉ̀ njòsə wen.

Taytùs 3:9

Kə a kwen a bèsə̀ nyʉ̀ a və ko kiʼ ətof, ə̀ be ə ntaŋtə təzhiʼ tə vətìʼ və vəghəŋ və mbì. Kə a kwen a ntaŋ nə̀ əsoyn kùmə̀ ə̀soʼ. Ənyʉ̀ kədyàŋ kədyàŋ avenə ko gyàmtə̀ wìʼ no kənyʉ̀ kətsenkə.

Jems 1:19

Ghə̀ŋ kɨ kènkə a vəlèmə̀ və kòŋə̀ mò: Ghə̀ŋ ntùʼù zhʉtə̀ kənyʉ̀ a mà gàʼà no a nkàyn, kə ghə̀ŋ a zàŋsə̀ gàʼà, kə ghə̀ŋ a zàŋsə̀ fwisə tin.

2 Bità 2:12

Alì ndìʼsə̀sə ə dzɨŋ a sensə ə dèmə̀ nè to nyʉ̀ to nə̀ nyamsə ətòʼ, a və shɨtə to la viʼi ə nku zhwilə. Vəwenə ə tsəʼsə nyʉ̀, ko və kɨ. Nyìngòŋ ə lu byɨbsə vəwenə to nə̀ ə nyamsə ətòʼ a sensə.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

Ŋwàʼlə̀ Jud 1:10

Alì viʼi venə ə sə gàʼà nyʉ̀ byɨvə kumə nyʉ̀ vyi a vəwenə ə zhʉ, ko və lu kɨ. Vəwenə kwoʼtə ənyʉ̀ to nə̀ nyamsə tətòʼ, a diʼ nyʉ̀ a venə a və byɨsə vəwenə.

Ŋwàʼlə̀ Jud 1:16

Viʼi a venə faŋ li sə dèmkə̀ to dèmkə̀, be ghàmə̀ viʼi vətsenvə to ghàmə̀. Vəwenə ə nè to nyʉ̀ vyi a təkwòʼtə̀ tə vəwenə tə diʼ, a ghoʼtə to gaʼa ə ghaŋsə əwen a vəwenə a təchʉ̀. Vəwenə ə lobtə viʼi gaʼa gaʼa ə jùŋ ghə̀ ə kiʼi kəfo a vəwenə kəŋ.

Kəmwetə 3:17

Ghə̀ŋ ə gàʼà la ghə̀ŋ kiʼi ə ko be diʼ mu ghə̀ŋ ə ghoʼ li ə̀ nkwʉʼ kèn la ghə̀ŋ ə bè gho kəfo. Ghə̀ŋ alì kò ghə̀ŋ lu kɨ la nəmwèʼè dìʼ la ghə̀ŋ dìʼ nji əfo, diʼ tò a nshinsə a nshinsə, femə, diʼ ənfyɨf, be diʼ tò ənàʼ à ntsuʼ.