1 Timotì 6:2 - The New Testament in the Babanki language

² Əkòs vi a və shyèʼ à viʼi, a diʼ viʼi və byɨməvə ə ko diʼ ə nchasə vəwenə byìʼì ando və tìʼ və shyèʼ a vi ə diʼ viʼi və byɨməvə to nə̀ vəwenə. Vəwenə ə diʼ ə mbòŋsə̀ shwèʼ nə̀ kədyòʼ kə byìʼì ando se a yi ə dyʉ̀ à wìʼ, a dìʼ wù ə byɨmə, vəwenə kòŋ wen. Wù dìʼ ə shɨ̀tə̀ ə ziʼi ənyʉ̀ a venə à vəwenə.

1 Timotì 6:2 ပူးပေါင်းရင်းမြစ်များ

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Lumans 11:17

Ghə̀ŋ viʼi ətɨm diʼ alə̀ to nə̀ təntam tə fəkoʼ a fə tə kuʼ, və kwàʼtə̀ vi ə zhùŋtə̀, ə sə kwi a fəkoʼ a və we. Ghə̀ŋ sə diʼ luwen, zhɨ̀ əfo ə zhɨvə vi a fəkòʼ fə zhɨtəfə na fenfə ə zhɨ̀, be boŋ kiʼi aghaŋ yi a fə kiʼi.

Lumans 8:29

Nyìngòŋ ə ghʉ la viʼi na vi a ghə̀ nsə diʼ mu ghə̀ tsuʼtə li və fəsə Wàyn wen. Ghə̀ ghʉ̀ alə ndiʼ Wàyn wen diʼ wàyn ə mbì a ntìntìn ə vəlemə a və diʼ no kədə̀ŋ.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Efisyàns 1:15

A lə kənyʉ̀ ki a ma sə ku kəzòŋ a Nyìngòŋ, byìʼì ghə̀ŋ a mò a jɨ̀m to məzhʉ̀ ə tsèm fa chʉʼ a mà nzhʉ əbyɨmə a ghə̀ŋ kiʼi a Bobo vəghəŋ Yesò Klistò, nə̀ kòŋ yì a ghə̀ŋ kiʼi a viʼi Nyìngòŋ no vətsèm.

Efisyàns 3:6

Kənyʉ̀ kə kaynəkə a kì a və ə mo fa ambì ə diʼ la, viʼi ə ətɨm vyi a və byɨmə ntɨm ə jùŋ lu tsèntə zhɨ̀ fòyn ə Nyìngòŋ wenə viʼi Islel ə be tsèntə diʼ əbàs to a ntìntìn əwèn ə mùʼ, be diʼ lù tsèntə ə kiʼi mbwaʼsə yì a Nyìngòŋ ə ghʉ li chò fa a Yesò Klistò.

Kòlòsyàns 1:2

Ŋwàʼlə̀ ghèn diʼ a ghə̀ŋ viʼi Nyìngòŋ vi a və diʼ a loʼ Kòlosè. Ghə̀ŋ diʼ vye və Klistò a kənyʉ̀ kə mùʼ, dzɨ̀mtə̀ wen no akayn. Nyìngòŋ ə Tìʼ vəghəŋ diʼi ətyɨm ə jùŋə wen a ghə̀ŋ, ə kù mbwaʼmə a ghə̀ŋ.

Kòlòsyàns 1:4

Yès ə ku kəzòŋ a Nyìngòŋ byìʼì ando yès əzhʉ li la ghə̀ŋ byɨmə li a Yesò Klistò be sə kòŋ viʼi Nyìngòŋ no və tsèm.

Kòlòsyàns 4:1

Ghə̀ŋ ghaʼa viʼi vyi a və shwèʼè a ghə̀ŋ a jisə jùŋsə a vətiʼ və əshwèʼ, be ku əfo vi a vəwenə diʼ ə kiʼ. Ghə̀ŋ kɨ la ghə̀ŋ be kiʼi tìʼ shwèʼè akàŋ.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

1 Timotì 4:11

Ziʼi ənyʉ̀ a venə ə chòsə̀ a soʼ la no tə ndo ə ne kənyʉ̀ ki a wù gàʼà.

1 Timotì 5:1

Mà gàʼà à wù la kə wù ne kaʼsə gaʼa à wu ə to a kədyòʼ. Wù sə ngàʼà, wù ə lyɨ̀ wen to nə̀ tìʼ wù. Wù sə ə ne kənyʉ̀ à wìʼ, a wu diʼ wuto fa wen, wu ə lyɨ̀ wen tò nə̀ lèmə̀ wù.

Taytùs 2:1

Fà wu ə Taytùs, wù diʼ ndìʼsə̀ viʼi nə̀ nyʉ̀ juŋəvə vi a və nè la viʼi ə ntsi a nkàyn

Taytùs 2:15

Dìʼsə̀ nyʉ̀ venə, tyɨftə vəwenə be kəŋkə̀ vəwenə nə̀ àdyoʼ no tsèm a wu kiʼì a vəwenə a kətʉ. Kə a mòʼtə la wìʼ à chàs wù!

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

2 Bità 2:10

Nyìngòŋ ə baʼtə̀ ngəʼ viʼi vətsenvə nəkwoŋ, a yi viʼi vyi a və tensə kədyòʼ kə Nyìngòŋ, ə sə nè to nyʉ̀ kəməŋ vi a njòsə wèn ə̀ vəwenə sə kòŋ. Ndìʼsə̀sə ə dzɨŋ na sensə ə ko fwaynə tebè kəfo, ko və zhʉtə tebè kənyʉ̀ fa wìʼ. Vəwenə ko gumlə tebè ətsɨŋsə Nyìngòŋ akàŋ, boŋsə telə səwensə telə.

Ŋwàʼlə̀ Jud 1:8

Viʼi venə a və nyoʼtə ə kwen a ghə̀ŋ a ntìntìn lə̀ ə be ne tò ali. Vəwenə gaʼa la vəwenə yenə nyʉ̀ a jòmsə, byìʼì jòmsə a sènsə vəwenə sə nè mbyɨ nə̀ wenə vəwenə, tensə kədyoʼkə Nyìngòŋ, telə ətsɨŋsə Nyìngòŋ a sə diʼ akàŋ.