1 Timotì 6:18 - The New Testament in the Babanki language

¹⁸ Gaʼa la vəwenə ə ne ə nyʉ̀ jùŋvə bè dìʼ viʼi və ghoʼkəvə cho fa nyʉ̀ vyi a vəwenə ə nè, mwòmsə̀ ku bè gətə əfo vi a vəwenə ə kiʼi wenə viʼi vətsenvə.

1 Timotì 6:18 ပူးပေါင်းရင်းမြစ်များ

Matìyò 5:42

Wìʼ loyn kəfo fà wù, wù ku, kò ghə̀ choʼo tè choʼo wù ku tò ku.

Ŋwàʼlə̀ Luk 12:21

Yesò mù gàʼà myetə la, “A lè ndo kə diʼi à viʼi vyi a və ghʉ ghoʼo vəwenə à vəwenə ngə̀ŋ ali kò vəwenə lə̀ kwʉʼ ashɨ Nyìngòŋ.”

Ŋwàʼlə̀ Luk 3:11

Ghə̀ gàʼ a vəwenə la “No məndò a ghə̀ kiʼi ndisə sə̀ bò, ghə̀ ku sə̀ mùʼ a wi a ghə̀ ko kiʼ no fa mpfen. No məndo a ghə̀ kiʼi fozhɨvə, ghə̀ boŋ gə̀tə̀ ku viʼi vətsen və”

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Shwèʼ 11:29

Ndzɨ̀mtə̀sə bàm Bobo shì a sə ndiʼ tsu mù ghʉ̀ la no ndò diʼ ntɨmə gyàmtə̀ à viʼi vəbyɨməvə vi a və diʼ a Judiyà.

Shwèʼ 9:36

Andìʼ a Joba, wùwì byɨmə tsen diʼ tsu a zhiʼ wen ndìʼ Tabita, andiʼ a gaʼa Glis zhiʼ a ghenə diʼ Dokas, kənàʼ ki diʼ “ngo.” Ghə̀ nè tò nyʉ̀ jùŋvə məzhʉ tsèm be ku gyàmtə̀ à viʼi kəmfem.

Lumans 12:13

Ghə̀ŋ ə gətə fozhɨvə ə ghə̀ŋ ku viʼi və byɨməvə vi a və ko kiʼ. Ghə̀ŋ myəʼsə ə shisə viʼi və a ghə̀ŋ a loʼ.

Lumans 12:8

Wìʼ ə nkɨ ə tyɨftə viʼi, ghə̀ ə̀ tyɨftə to tyɨftə; wìʼ nkɨ ə ku fo ə gyàmtə̀ viʼi, ghə̀ nku, kə ghə̀ a nghə̀ʼ. Wìʼ a ghə̀ tisə viʼi diʼ ə ne shyèʼ to nə̀ ətyɨm ə wenə no tsèm, yi a ghə̀ tuʼmə nə̀ viʼi ə nshyèʼ to nə̀ saŋlə.

1 Kolìntyàns 16:2

A mbì kətsi a tyi no ngàm kò, no ndo ə ntsuʼ kəfo fa ntìntìn əfo vi a ghə̀ kiʼi ə ghʉ̀, ndiʼ mà lù vì, ko və be diʼ ə mòʼo kəfo moʼo.

2 Kolìntyàns 8:12

byìʼì ando ghə̀ŋ sə nku kəfo, ghə̀ŋ ə nsaŋlə̀ ə ku ki kə a ghə̀ŋ kiʼi, Nyìngòŋ a shì kəku a kì, mu ghə̀ŋ sətsèn faŋ ke kiʼi kəfo, ko Nyìngòŋ a nki kəfo fa ghə̀ŋ.

2 Kolìntyàns 8:9

Ghə̀ŋ kɨli kòŋ ə kaynəghə yì a Bobo vəghəŋ Yesò Klistò tə kòŋ vəghəŋ. Ghə̀ ndiʼ wu ə ghoʼo ə kaʼkə wù kəfem byìʼì ghə̀ŋ ndiʼ kəfem kəwen kə ne, ghə̀ŋ kiʼi əghoʼ ə Nyìngòŋ.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Hibùlù 13:16

Kə wìʼ na faŋ ke nè njùŋ a lèmə̀ wen, gətə kəfo kì a ghə̀ kiʼi ə ku wù ə tsen. Ənyʉ̀ a venə diʼ a Nyìngòŋ to nə̀ kəku, kə nè la ghə̀ nsaŋlə.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

1 Bità 3:11

Wìʼ na ghèn ə diʼ ə maʼa ə ntsìnə̀ ə byɨ ə ntsi ntsìnə̀ ə jùŋ. Ghə̀ diʼ ə kəŋ ji ə tsi to nə̀ mbwaʼmə,

1 Joyn 3:17

Wìʼ sətsèn ə nkiʼ fo mbi venə no tsèm ə yèn lèmə̀ wen a ghə̀ ghò, alì ə̀ tyèn la ghə̀ ko kusə nshinsə à wen, əkòŋ ə Nyìngòŋ à ndiʼ à wen a ji kò?

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.