1 Timotì 6:10 - The New Testament in the Babanki language

¹⁰ Viʼi vi a və kòŋ əko ə zaŋsə kwenə a mbyɨ. Viʼi vətsenvə nyɨŋ li nchosə fa ayi abàm, ə maʼa əbyɨmə vəwenə ə sə kiʼi ngəʼsə ghoʼo sə a vəwenə tətyɨm.

1 Timotì 6:10 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 6:19

“Kə ghə̀ŋ ə bàʼtə ə ghʉ əghoʼ a ghə̀ŋ a loʼ a nsè a shə̀. A diʼ kəshi mu nkasə zizi sə lo ə fo a vyi, tsenə və baŋ ə byɨf, mu vətsoŋ zi ə və bè kwaʼ ngə̀ŋ ə kwen tsoŋ.

Ŋwàʼlə̀ Mak 4:19

alì nyʉ mbi bènə̀ kòŋ yi a viʼi kòŋə̀ ghoʼ bènə̀ kòŋ a viʼi kòŋə̀ fo mbi tsenəvə mù sə tàʼsə̀ vəwenə kò andìʼ la gàʼ ayi a kumə ashɨ a vəwenə a ntsìnə̀sə.

Kòlòsyàns 3:5

Ghə̀ŋ maʼa nyʉ̀ ə byɨvə no ətsèm. Kə wìʼ ə tsi nə̀ wùwì a kodiʼ wi wen kò nə̀ wulɨm a kodiʼ lɨmə wen. Ghə̀ŋ maʼa ətsìnə̀sə kəfwaʼlə. Kə ghə̀ŋ kiʼi əkwoʼtə a ghə kòŋə̀ ə nè mbyɨ. Ghə̀ŋ maʼa ashɨ bòghə byìʼì ando ashɨ bòghə diʼi la ghə̀ŋ gumlə əfo ə nse, a kodiʼ Nyìngòŋ.

1 Timotì 3:3

A ko diʼ ə ndi wìʼ a ghə̀ nyʉ məlyʉ̀ʼ bomə, ko ghə̀ zəʼtə viʼi, ghə̀ ko ne nyʉ̀ to kəntolə̀, ko ghə̀ diʼ wù kəŋ nsoʼo, ko wù ntaŋ, ashɨ ə wen ə ko diʼ mbò a ko.

1 Timotì 6:21

Byìʼì ando vəwenə sə ə diʼ la vəwenə ə tofə ə lè jì ə sə dìʼ ko və mbè mbyɨmə əziʼi yi a ghə̀ diʼ nəmwèʼè byìʼì Klistò. Bobo ə diʼi ətyɨm ə jùŋə wen à ghə̀ŋ.

1 Timotì 6:9

Əmwòmsə̀ ə ne vi à viʼi vyi a və nyɨŋ fa a bàm ə əko. Vəwenə ə fəŋ a mwòmsə̀ a ghèn, kətam kə ghaʼ vəwenə, və faŋ ə nkəŋ tò əfo a venə, lu kaʼ pfʉ to bàm ə ko alì və be byɨsə vəwenə to byɨsə,

2 Timotì 3:2

Viʼi lu ə ntùʼmə̀ tò nə̀ təwen tə vəwenə, kòŋ ə ko no a nànto, ghaŋsə əwen, ko və lu lyɨ la wùtsen ə diʼ kəfo. Vəwenə lu ə telə̀ viʼi, bè to kətʉ fà vətìʼ vəwenə nə̀ vəlì vəwenə. Vəwenə ko lu nku kəzòŋ à wìʼ byìʼì no kənyʉ̀ kə tyetəkə kətsenkə a wìʼ ə ne à vəwenə, ko mfwàynə̀ Nyìngòŋ.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

Taytùs 1:11

Wù diʼi chiʼtə təchʉ̀ tə vəwenə byìʼàndo vəwenə kwenə à wìʼ a kəbəŋ vəwenə byɨ̀sə no nyʉ̀ ətsèm nə̀ ziʼi byɨghə aghenə. Vəwenə dìʼsə̀ viʼi nə̀ nyʉ̀ a vəwenə a və ko yi ndiʼ ndìʼsə̀ tò byìʼàndo vəwenə kəŋ kiʼi ko.

Jems 5:19

Vəlèmə̀ vwomə, wìʼ fà ghə̀ŋ sətsèn dyʉ̀ kəghaf fa nəmwèʼè, wutsen ne la ghə̀ bwènə̀ vì tsu,

Ŋwàʼlə̀ Jud 1:11

Ngəʼ ə ghoʼo ə diʼ a vəwenə a kətʉ! Vəwenə ə tsi tò ntsìnə̀ yì a Keyn ə ntsi ə zhwi lèmə̀ wen. Vəwenə ə nyɨŋə to fa bàm əko ando Balàm ə nyɨŋə. Vəwenə nto kətʉ ə tyen ə zhʉ Nyìngòŋ to nə̀ Kolà, ghə̀ sə diʼ ə byɨbsə vəwenə to ando ghə̀ ə mbyibsə Kolà.

Kəmwetə 18:13

Wìʼ ko be a zen làməndà, njʉ̀sə̀, kələŋ mənzhiʼ mənlèmətə̀mə a və dzàŋə̀ nə̀ miyif bènə̀ flankincense, məlyʉ̀ʼ, məzhiʼ, kəbayn kə kukə, nyamsə mbuluʼ nə̀ byisə njɨ̀, təlyəŋ nə̀ nkansə shisə, nə̀ əkòs a diʼì Wùmə̀nsòŋ.