1 Timotì 5:5 - The New Testament in the Babanki language

⁵ Nkàyntə̀ wùwì mphʉ yi a ghə̀ ko kiʼ wìʼ la ghə̀ ə ntùʼmə̀ nə̀ wen ə diʼ mu ghə̀ ghʉ li kwoʼtə əwen tò a Nyìngòŋ ə sə jɨ̀mə̀ tò jɨ̀mə̀, loyn nə̀ ə gyàmtə̀ fa wen nətʉʼ nə̀ nə̀nchwì.

1 Timotì 5:5 ပူးပေါင်းရင်းမြစ်များ

Ŋwàʼlə̀ Luk 18:1

Yesò bè mò tò mu ngàyn tsen à ndzɨ̀mtə̀ sə bàm wen ə ziʼi vəwenə la vəwenə diʼi jɨ̀mə̀ tò məzhʉ tsèm, kò ve lù bwaʼa.

Ŋwàʼlə̀ Luk 18:7

A lè a zì a bòŋsə faŋ Nyìngòŋ ke zhʉ̀tə di viʼi wen a və di a wen nə̀nchwì nə̀ nəntʉʼʉ a? Ghə̀ lè zì ghə̀ mu bʉʼsə kətʉ kə wen tò bʉʼsə à vəwenə a?

Ŋwàʼlə̀ Luk 2:37

lɨm ə wen pfʉ. Ghə̀ kwi a nə̀ wùwì pfʉ sə̀ diʼ ngwʉʼ njʉ̀sə̀ kaʼ a məwum fwomə, ŋwʉʼ tò ngə̀ŋ Nyìngòŋ, ghoʼsə Nyìngòŋ, bamə chʉ be jɨ̀mə̀ nə̀nchwì jɨ̀mə̀ nətʉʼʉ.

Shwèʼ 26:7

à be diʼ tò məkàyn mì a ngwàʼsə təloʼ tə viʼi vəghəŋ venə njʉ̀sə̀bò sə ghoʼsə̀ Nyìngòŋ nə̀nchwì nə̀ nəntʉʼʉ kɨ la vəwenə lu kiʼi. A bè dìʼ tò byìʼì kwòʼtə̀ aghenə a mbè a Vəjew ə ghàmə̀ mò.

Shwèʼ 6:1

A sə ndiʼ a mətsì mə ntsenə̀ ando viʼi və byɨməvə nghoʼo dyʉ̀ tò nə̀ mbì, vi a və ngàʼà gaʼa Glis zìtə̀ sə taŋmə̀ wenə̀ vi a və ngàʼà gaʼa Hibùlù. Viʼi vi a və ngàʼà gaʼa Glis lì ə̀ ntaŋmə̀ gàʼà la və ngə̀tə̀ fo no məntsi ntsèm ku və ki mpfʉ a və ndiʼì a vəwenə a ntìntìn kò və lu nkwʉ̀ʼʉ̀.

Shwèʼ 9:39

Bità wenə̀ vəwenə lù dyʉ̀ zaʼa tsu, və lyɨ̀ wen ghə̀ kuʼ a tì ngə̀ŋ kàŋ ayì. Ki mpfʉ no vətsèm fa ntə̀ʼ ayì zhùŋtə̀ kàʼa wen mù sə̀ dì, dìʼì ndisə tin shìsə bènə̀ gwʉ̀nə̀ vi a Dokas ntasə̀ a vəwenə à wen.

Shwèʼ 9:41

Bità gyàmtə̀ tsòʼsə̀ wen ghə̀ lù tɨ̀mə mù dzàŋtə̀ viʼi vəbyɨməvə vyi bènə̀ ki mpfʉ vyi ə̀ dìʼ à vəwenə la ghə̀ diʼ tò to.

Lumans 1:12

Kənyʉ̀ ki a ma gaʼa diʼ la mà vi, ə vəghəŋ və tsèm tsentə se kənyʉ̀. Mà vi, ə lɨ̀msə̀ ghə̀ŋ a ghə̀ŋ əbyɨmə, ghə̀ŋ be boŋ lɨ̀msə̀ mò a mo əbyɨmə.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

1 Kolìntyàns 7:32

Ma kəŋ la kə kənyʉ̀ kə fɨŋsə ghə̀ŋ. Wìʼ yi a ghə̀ ko lam ə ghʉ̀ kətʉ̀ ə nè nyʉ̀ a Bobo, mwomsə ə ne la Bobo ə saŋlə.

1 Kolìntyàns 7:34

Ghə̀ ne ko ghə̀ be ə kiʼ əkwoʼtə ə mùʼ. Wùwì yi a ghə̀ ko lam kò wàyn ə wùwì a ghə̀ ko lam ə lɨ̀mtə̀ a nyʉ̀ ə Bobo diʼ nə̀ laynə a wen a wèn be diʼ nə̀ laynə a kəzhwì, ali wùwì lamə ghʉ̀ kətʉ to nyʉ̀ ə mbyi a və a nè la lɨm ə wen ə nsaŋlə.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

1 Timotì 2:1

Kənyʉ̀ kə to kə a ntìntìn ənyʉ̀ venə a ma gàʼà lə diʼ la, ghə̀ŋ ə njɨ̀mə̀ no à viʼi və tsèm, jɨ̀mə̀ la Nyìngòŋ gyàmtə̀ ə ku əfo vyì a vəwenə ə kəŋ. Ghə̀ŋ ə ku kəzòŋ à wen kùmə̀ ənyʉ̀ ə jùŋvə vi a ghə̀ nè à viʼi.

1 Timotì 5:16

A sətsen no te wùwì ə byɨmə ə ko, nkiʼ ki mphʉ a wen ngwaʼ ə ngə̀ŋ, ghə̀ ə ntùʼmə̀ nə̀ vəwenə. Kə ghə̀ kuʼsə kəbyèʼè akì a kətʉ nə̀ viʼi və byɨmə, ndìʼ ngə̀ŋ Nyìngòŋ ə tùʼmə̀ tò nə̀ ki mphʉ vi a və ko kiʼi viʼi a və ə ntùʼmə̀ nə̀ vəwenə.

1 Timotì 5:3

Ghə̀ŋ ə tùʼmə̀ nə̀ ki mphʉ vi a və ko kiʼ viʼi la və ə ntùʼmə̀ nə̀ vəwenə.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

1 Bità 3:5

A le ji yì a ki ətʉʼ mughə vyi a və ə choʼsə Nyìngòŋ ə ntsi fa tsù mu bòŋ a və lɨmə və vəwenə. Vəwenə gumlə vəlɨm və vəwenə.