1 Timotì 5:10 - The New Testament in the Babanki language

¹⁰ viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

1 Timotì 5:10 ပူးပေါင်းရင်းမြစ်များ

Matìyò 25:17

Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ.

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Ŋwàʼlə̀ Luk 7:38

Ando ghə̀ ndyʉ̀ lì, ghə̀ dyʉ̀ tɨmə a mbyɨ̀ Yesò mù sə dì, məshɨ chòmkə a aghʉ Yesò, ghə̀ laŋtə ə tsə̀ʼ nə̀ nyɨŋsə kətʉ wen, ə ghaʼtə aghʉ wen bè zuʼ nə̀ mənzhiʼ mə lèmtə mə myì.

Ŋwàʼlə̀ Luk 7:44

Ghə̀ bè kaʼsə wenə wen sə ki wùwì ayì ə gàʼ a Simon la, “Wù yenli wùwì ghèn? Mà yì vì a wù a ngə̀ŋ kènla wù kuli mu la mà shʉ̀ aghʉ ghomə tsu, alì ghə̀ shʉ li aghʉ ghomə nə̀ məshɨ bè tsə̀ʼ nə̀ nyɨŋsə kətʉ wen.

Shwèʼ 10:22

Viʼi vi gàʼ la, “Yès diʼ a shèn mù à tɨ̀m Kòneliyòs, kətʉ kə vəsugyèʼ ntɨmə yes. Ghə̀ dìʼ wù kənyʉ̀ kə tɨməkə, fànə̀ Nyìngòŋ, no Vəjew no vətsèm be gumlə̀ wen. Ntsɨ̀ŋ ngə̀ŋ Nyìngòŋ ŋwoʼo tsen tə gàʼ à wen la, ghə̀ tɨm ntɨm ə̀ dzàŋ wù wu vi à wen a ngə̀ŋ ə̀ shə̀ʼtə̀ kənyʉ̀ à wen.”

Shwèʼ 22:12

“Wutsen ntsi tsu gumlə̀ Nyìngòŋ be tsi ando soʼ vəghəŋ ə kəŋə, Vəjew no vətsèm ngumlə̀ wen, zhiʼ wen ndìʼ Ananyàs.

Shwèʼ 6:3

Yès ə̀ mu sə gàʼà à ghə̀ŋ a vəlèmə̀ vyesə la, ghə̀ŋ tsuʼ viʼi sòmbo fà ghə̀ŋ a ntìntìn a və kiʼ ntsìnə̀ tofə, kəzhwì kə ŋwoʼəkə be tomsə̀ vəwenə ndi yès ku shwèʼ aghenə à vəwenə.

Shwèʼ 9:36

Andìʼ a Joba, wùwì byɨmə tsen diʼ tsu a zhiʼ wen ndìʼ Tabita, andiʼ a gaʼa Glis zhiʼ a ghenə diʼ Dokas, kənàʼ ki diʼ “ngo.” Ghə̀ nè tò nyʉ̀ jùŋvə məzhʉ tsèm be ku gyàmtə̀ à viʼi kəmfem.

Shwèʼ 9:39

Bità wenə̀ vəwenə lù dyʉ̀ zaʼa tsu, və lyɨ̀ wen ghə̀ kuʼ a tì ngə̀ŋ kàŋ ayì. Ki mpfʉ no vətsèm fa ntə̀ʼ ayì zhùŋtə̀ kàʼa wen mù sə̀ dì, dìʼì ndisə tin shìsə bènə̀ gwʉ̀nə̀ vi a Dokas ntasə̀ a vəwenə à wen.

Lumans 12:13

Ghə̀ŋ ə gətə fozhɨvə ə ghə̀ŋ ku viʼi və byɨməvə vi a və ko kiʼ. Ghə̀ŋ myəʼsə ə shisə viʼi və a ghə̀ŋ a loʼ.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

1 Timotì 2:10

Vəwenə ə bòŋsə ne a diʼ ənyʉ̀ ə jùŋvə ndi diʼ la vəwenə diʼ ki və byɨməvə.

1 Timotì 3:2

Kətʉ a ken diʼ ndiʼ wìʼ a viʼi ko ghàmə̀ wen, ghə̀ diʼ ə nkiʼ tò wùwì ə mùʼ, kɨ ə ghaʼ wenə wen, bwaʼsə tyɨm wen, zhʉmə, tùʼmə̀ nə̀ viʼi ghayn, bè kɨ ə ziʼi viʼi və byɨməvə no a nkàyn.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

1 Timotì 5:16

A sətsen no te wùwì ə byɨmə ə ko, nkiʼ ki mphʉ a wen ngwaʼ ə ngə̀ŋ, ghə̀ ə ntùʼmə̀ nə̀ vəwenə. Kə ghə̀ kuʼsə kəbyèʼè akì a kətʉ nə̀ viʼi və byɨmə, ndìʼ ngə̀ŋ Nyìngòŋ ə tùʼmə̀ tò nə̀ ki mphʉ vi a və ko kiʼi viʼi a və ə ntùʼmə̀ nə̀ vəwenə.

1 Timotì 5:25

Kə lə dìʼ to ndə̀ŋndəŋ la ando viʼi ə ne njùŋ ghə̀ zaŋsə diʼi a ndayn mu ghə̀ faŋ ke diʼi no te a zhʉ a yi, kə sə to ə və lyomtə njùŋ a yi.

1 Timotì 6:18

Gaʼa la vəwenə ə ne ə nyʉ̀ jùŋvə bè dìʼ viʼi və ghoʼkəvə cho fa nyʉ̀ vyi a vəwenə ə nè, mwòmsə̀ ku bè gətə əfo vi a vəwenə ə kiʼi wenə viʼi vətsenvə.

2 Timotì 1:5

Mà bu kwòʼtə̀ ə nkàyntə̀ byɨmə yi a wù kiʼi à Klistò, a diʼ tò əbyɨmə yi a Lowis ə lì ə lì wù wenə Yunis ə li wù nkiʼ. Mà kɨ la wù kiʼi tò əbyɨmə a yi.

2 Timotì 2:21

A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

2 Timotì 3:17

Ənyʉ̀ a venə ə diʼ ə nè la wù ə shyèʼ ə Nyìngòŋ ə kwʉʼ myetə̀ ə ne no tənkì tə təshwèʼ tə jùŋtə tə tsèm.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Taytùs 2:7

No nkàyntə̀ wù a Taytùs diʼ ndìʼì kəchwitə kə jùŋə kə no tè a gho yì a wù nè. Ghaʼ əziʼi wu ghə̀ to; kə wù lyɨ̀ a dem a dem.

Taytùs 3:1

Kùmtə à viʼi vyə la vəwenə nshiʼsə̀ təwen tə vəwenə à tʉtʉ vəwenə bènə̀ viʼi a və soʼo vəwenə, zhʉ gɨ̀ be bvʉ̀tə̀ ənè shyèʼ jùŋə ghə̀ no mənzhʉ̀ ntsèm.

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Hibùlù 10:24

Vəghəŋ ə diʼ nkɨ kənyʉ̀ kə vəlemə və vəghəŋ, mwomsə ə ne la vəwenə ə nè jùŋ a vəlemə vətsenəvə be kòŋ vəwenə.

Hibùlù 13:2

Kə ghə̀ŋ ne lyesə ə nshɨtə shisə viʼi ghayn a ghə̀ŋ a loʼ byìʼì ando viʼi vətsevə nshɨtə li ə shisə viʼi ali, ko vəwenə kɨ la vəwenə shisə a diʼ ətsɨŋsə ngə̀ŋ Nyìngòŋ.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 4:9

Ghə̀ŋ ə shɨtə shisə vəlemə vəŋə a ghə̀ŋ a loʼ to no nə̀ ətyɨm ə mùʼ, ko ghə̀ŋ dèmkə̀.

3 Joyn 1:12

Viʼi vətsèm ə gàʼà njùŋ byìʼì Demetyòs, nkàntə̀ nəmwèʼè be diʼi njùŋ a wen a ntsìnə̀, mà be gàʼà, wù kɨ la kənyʉ̀ a mà gàʼà byìʼì wen dìʼ nəmwèʼè.