1 Timotì 4:8 - The New Testament in the Babanki language

⁸ Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

1 Timotì 4:8 ပူးပေါင်းရင်းမြစ်များ

Matìyò 12:32

No ndò a ghə̀ gàʼà kənyʉ̀ kə byɨkə byìʼì Wàyn Wìʼ, mu Nyìngòŋ zì ghə̀ maʼa mbyɨ wen ayì alì mu wìʼ sətsèn gàʼ kənyʉ̀ kə byɨkə byìʼì kəzhwì kəŋwoʼəkə, kò Nyìngòŋ lù bè màʼà mbyɨ wen no tè a kəlyɨŋ kèn kò a kəlyɨŋ a kə lu vì.”

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Matìyò 6:33

Ghə̀ŋ cho ambì ə mwòmsə to ə ndiʼ nti a nkayn to nə̀ viʼi vyì a və ntsi ati əsoʼ ə Nyìngòŋ, ə ndi ghə̀ ne ku kwùʼsə̀ fo a venə no ə tsèm a ghə̀ŋ.

Ŋwàʼlə̀ Mak 10:30

a ghə̀ ne fàŋ ke kiʼi məbəŋ, nə̀ vəlèmə̀ və wen, nə̀ vəlèmə̀ və wen ki, nə̀ və mpfi, nə̀ vunə, nə̀ təsɨm tə wen a ghàyn ghɨ no tè be a mbi layn, alì və bè tsuʼ aghʉ wen. Kətsi lə vì a ghə̀ a kiʼi bwòŋ a ghə̀ ko lə mè.

Ŋwàʼlə̀ Luk 5:38

Və diʼi wye məlyʉ̀ʼ mə mfimə̀ a vəsaʼ və fivə.

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

1 Kolìntyàns 3:22

Kə le diʼ la, kò à diʼ Bol, kò à diʼ Abolòs kò à diʼ no tèbe Sefàs kò à diʼ mbyi ghèn, kò à diʼ ə ntsi, kò à diʼ əpfʉ̀, kò à diʼ əzhʉ̀ ghèn luwen, kò zhʉ̀ yi a ghə̀ lu vì, əfo a venə no ə tsèm tsèntə kiʼi to ghə̀ŋ.

1 Kolìntyàns 8:8

Əfo ə zhɨvə zizi ko və lu ne la vəghəŋ və Nyìngòŋ ə diʼ a akayn. Vəghəŋ ə tyen kə zhɨ ko vəghəŋ lu le tebè kəfo, ə zhɨ tebe zhɨ ko və lu se tebè kəfo.

1 Timotì 4:7

Nyɨŋsə wenə wu fa bàm ə mətitì mə zɨmə mi a mə ko diʼ a nkàyn ashɨ ə̀ Nyìngòŋ. Myəʼsə wenə wu ə ntsi a jisə Nyìngòŋ.

1 Timotì 6:3

No ndo a ghə̀ sətsen ə nziʼi nyʉ̀ ko a ndiʼ ənyʉ̀ vyi a mà ku à wù ko ənyʉ̀ vyi a və ziʼi byìʼì Bobo vəghəŋ Yesò Klistò, bè ntensə jì shi a və ziʼi la viʼi və byɨməvə ə ntsi fatsu mu,

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

1 Timotì 6:6

Kə dìʼ nəmwèʼè la kənyʉ̀ kə Nyìngòŋ zi kə ne la wìʼ ə ndìʼ wù ə ghoʼo, kiʼi ənyʉ̀ ə jùŋ və a wen tyɨm, ko ghə̀ kiʼ ashɨ ə kəmbàŋbàŋ.

2 Timotì 3:5

Vəwenə lu ə nfɨsə̀ viʼi vyi a və ghoʼsə Nyìngòŋ, alì ken la vəwenə əzhʉ fa wen no fa mpfen. Kə wù ə nkiʼ kənyʉ̀ kətsenkə ə ne we nkì ə viʼi a venə.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.