1 Timotì 4:4 - The New Testament in the Babanki language

⁴ byìʼì no te ghò yi a Nyìngòŋ shɨtə ə diʼ a nkàyn. Viʼi ə ko diʼ ə tensə no kəmùʼ a zhʉ a vəwenə nə̀ sə ə zhɨ, və nə̀ jɨ̀mə̀ ku kəzòŋ à wen.

1 Timotì 4:4 ပူးပေါင်းရင်းမြစ်များ

Shwèʼ 10:15

Gɨ̀ ayì bè gìsə̀ gàʼ à wen la, “Ma sətsèn ghʉ̀ la kəfo kə laynə wù ko diʼi gàʼ la soʼ loʼ ghə̀ŋ ko byɨmə.”

Shwèʼ 15:29

Kə ghə̀ŋ à zhɨ̀ fozhɨvə a və moʼò li a nə̀ kəku à vənyìngòŋ; kə ghə̀ŋ a nyʉ mənlyuŋ kò pfiʼ nyàm a və sɨŋsə̀ sɨŋsə; kə ghə̀ŋ a tsi nə̀ ki ko nə̀ lʉmə, a ko kiʼ ghə̀ŋ. Ghə̀ŋ a ndiʼ tò a nkàyn a zhʉ a ghə̀ŋ sətsèn ghʉ̀ nyʉ̀ venə a yès ə gàʼà lə̀. Ghə̀ŋ faŋ lì.

Shwèʼ 21:25

Yes ntɨm li ŋwàʼlə̀ à viʼi tɨm vi a və sə diʼ viʼi vəbyɨməvə la, yès ghʉ li la kə wìʼ fà tsu a nzhɨ kəfo a kə sə diʼ mu və moʼò li a nə̀ kəku à vənyìngòŋ, bè gàʼ la kə vəwenə a nlo mənlyuŋ kò pfiʼ nyàm a və sɨŋsə̀ sɨŋsə, bènə̀ la kə wìʼ fa tsu lù tsì nə̀ wùwì kò nə̀ wulɨm a ko diʼ ghə̀ wen.”

Lumans 14:14

Ma kɨli nəmwèʼè la kəfo kə zhɨkə kə tsenkə ko diʼ a kə ko laynə kʉʼʉ. Ma kɨ alə̀ byìʼì ando ma byɨmə a Bobo Yesò. Alì, wìʼ sətsèn ə yen la kəfo kə ko diʼ laynə, mu kə li ko laynə a wen.

Lumans 14:20

Kə ghə̀ŋ a byɨbsə shwèʼè yì a Nyìngòŋ ə sə diʼ mù ghə̀ nè li byìʼì kənyʉ̀ kə əfo ə zhɨvə. Əfo ə zhɨvə no tsèm ə laynə kwʉ̀ʼʉ̀ ə və zhɨ̀ ali kə ko bòŋ la wìʼ zhɨ̀ kəfo, kə nè wu ə tsen nè mbyɨ.

Lumans 14:6

Wìʼ yi a ghə̀ yenə la kətsi kətsenkə ə kuʼmə chò kə tsenkə ə ne alə̀ ə kuʼsə Nyìngòŋ tsu. Wìʼ a ghə̀ zhɨ to fo ə tsèm ə ku kùʼsə a Nyìngòŋ byìʼì ando ghə̀ zhʉ sə nzhɨ, ghə̀ ku kəzòŋ a Nyìngòŋ. Wìʼ a ghə̀ ko bamə fo ə tsevə ə ne alə̀ be ə ku kùʼsə a Nyìngòŋ byìʼì ando ghə̀ zhʉ sə nè ali, ghə̀ ku kəzòŋ a Nyìngòŋ.

1 Kolìntyàns 10:23

Viʼi vətsenvə nə̀ gàʼa la vəghəŋ ə kiʼi kədyòʼ ə ne no tèbe ghò, alì a ko diʼ nyʉ̀ ə tsèm a və gyàmtə̀ vəghəŋ. Viʼi vətsenəvə nə̀ gàʼa la vəghəŋ ə kiʼi kədyòʼ ə ne no tèbe ghò, ali a ko diʼ nyʉ̀ ə tsèm a və bòŋ.

1 Kolìntyàns 10:25

Ghə̀ŋ mpfiʼi no tèbe nki nyàm ə kò a və baʼlə a nguʼ ə nyàm. Ghə̀ŋ sə phiʼi, kə ghə̀ŋ a kayntə kənyʉ̀ kumə nyàm ayi, əghʉ̀ nyʉ̀ a ghə̀ŋ kwòʼtə.

1 Kolìntyàns 10:26

Ŋwàʼlə̀ Nyìngòŋ gàʼ la, “Nse ghèn diʼ alə̀, a kiʼi Bobo, nə̀ no tèbe nə̀ ghò yi a ghə̀ diʼi tsu.”

1 Kolìntyàns 10:30

Mà sətsèn ə zhɨ̀ əfo ə zhɨvə, ku kəzòŋ a Nyìngòŋ, ko və lu ə ndiʼ ə ghamə mo kumə kəfo kì a ma zhɨ, a diʼ ali ma zhɨ, ku kəzòŋ.

1 Timotì 4:3

Viʼi a venə ə ziʼi viʼi la kə vəwenə ə bè lam bè gàʼa la vəwenə ə bamə tənkì tə fozhɨvə tə tsentə. Alì mu Nyìngòŋ shɨtə əfo a venə la viʼi və byɨməvə ə a və kɨ li nəmwèʼè, və nku kəzòŋ à wen və zhɨ̀,