1 Timotì 4:13 - The New Testament in the Babanki language

¹³ Wù mwòmsə ndzàŋ Ŋwàʼlə̀ Nyìngòŋ à viʼi, shə̀ʼtə̀ ntɨm ə jùŋ, be ziʼi viʼi ə zaʼa fa zhʉ mà vì.

1 Timotì 4:13 ပူးပေါင်းရင်းမြစ်များ

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Shwèʼ 6:4

Və a nè a lì yès mu nkiʼ zhʉ njɨ̀mə̀ be shə̀ʼtə̀ tò ntɨm ə jùŋ.”

Lumans 12:8

Wìʼ ə nkɨ ə tyɨftə viʼi, ghə̀ ə̀ tyɨftə to tyɨftə; wìʼ nkɨ ə ku fo ə gyàmtə̀ viʼi, ghə̀ nku, kə ghə̀ a nghə̀ʼ. Wìʼ a ghə̀ tisə viʼi diʼ ə ne shyèʼ to nə̀ ətyɨm ə wenə no tsèm, yi a ghə̀ tuʼmə nə̀ viʼi ə nshyèʼ to nə̀ saŋlə.

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

1 Kolìntyàns 14:3

Alì a wìʼ yi a ghə̀ shə̀ʼtə̀ nyʉ̀ mu və lù fa Nyìngòŋ, ghə̀ gàʼà a viʼi ə gyàmtə̀ la vəwenə nə̀ kiʼi ətyɨm ə to ghə̀, be kiʼi tyɨm əzhʉtəghə.

1 Kolìntyàns 14:6

Mà sətsèn vi a ghə̀ŋ luwen, a vəlemə vwomə ə ngàʼà a ghə̀ŋ a təgàʼ tə kədyàŋ, ko ghə̀ŋ zhʉ kɨ, se na ndiʼ no ghò? A bwen la mà vì nə̀ kənyʉ̀ kə a Nyìngòŋ diʼi laynsə a mò, kò mà vi ə ne la ghə̀ŋ nkiʼ ətof, kò mà vi ə shə̀ʼtə̀ ntɨmə Nyìngòŋ, kò ə ziʼi ghə̀ŋ.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

1 Timotì 4:6

Wù sətsèn ə mbèsə̀ ənyʉ̀ a venə a mà gàʼa lə à viʼi və byɨməvə, wù ne ndiʼ tò no wù ə shwèʼ ə jùŋ à Yesò Klistò. Wù sətsen ghaʼ ə ndìʼsə̀ nəmwèʼè a ghèn, ghə̀ gyàmtə̀ wù ə ne la byɨmə ə wu ə to.

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Taytùs 2:15

Dìʼsə̀ nyʉ̀ venə, tyɨftə vəwenə be kəŋkə̀ vəwenə nə̀ àdyoʼ no tsèm a wu kiʼì a vəwenə a kətʉ. Kə a mòʼtə la wìʼ à chàs wù!