1 Timotì 3:7 - The New Testament in the Babanki language

⁷ A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

1 Timotì 3:7 ပူးပေါင်းရင်းမြစ်များ

Ŋwàʼlə̀ Mak 4:11

Ghə̀ bwènsə̀ gàʼ à vəwenə la, “Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə a və diʼì kùmə̀ soʼ fòn Nyìngòŋ, alì və diʼi dìʼsə viʼi vətsenvə tò a ngàynsə

Shwèʼ 10:22

Viʼi vi gàʼ la, “Yès diʼ a shèn mù à tɨ̀m Kòneliyòs, kətʉ kə vəsugyèʼ ntɨmə yes. Ghə̀ dìʼ wù kənyʉ̀ kə tɨməkə, fànə̀ Nyìngòŋ, no Vəjew no vətsèm be gumlə̀ wen. Ntsɨ̀ŋ ngə̀ŋ Nyìngòŋ ŋwoʼo tsen tə gàʼ à wen la, ghə̀ tɨm ntɨm ə̀ dzàŋ wù wu vi à wen a ngə̀ŋ ə̀ shə̀ʼtə̀ kənyʉ̀ à wen.”

Shwèʼ 22:12

“Wutsen ntsi tsu gumlə̀ Nyìngòŋ be tsi ando soʼ vəghəŋ ə kəŋə, Vəjew no vətsèm ngumlə̀ wen, zhiʼ wen ndìʼ Ananyàs.

Shwèʼ 6:3

Yès ə̀ mu sə gàʼà à ghə̀ŋ a vəlèmə̀ vyesə la, ghə̀ŋ tsuʼ viʼi sòmbo fà ghə̀ŋ a ntìntìn a və kiʼ ntsìnə̀ tofə, kəzhwì kə ŋwoʼəkə be tomsə̀ vəwenə ndi yès ku shwèʼ aghenə à vəwenə.

1 Kolìntyàns 10:32

Kə ghə̀ŋ ə ntsi a ji ə ne la viʼi Jus kò viʼi Gɨ̀lìs kò viʼi və byɨməvə Nyìngòŋ fəŋ a mbyɨ.

1 Kolìntyàns 5:12

Nò tèbe fa mpfen, mò to nə̀ wu byɨmə ə̀ ko diʼ ə soʼo viʼi a vəwenə ko diʼ a vəghəŋ a nòyn. Ghə̀ŋ diʼ ə nsoʼo to viʼi vyi a və diʼi a vəghəŋ a nòyn.

2 Kolìntyàns 6:3

Yès ə ko kòŋ ə nè no kənyʉ̀ kə mùʼ ə kə byɨbsə shyèʼ ə yèsə. Ndì kə wìʼ a yen no kənyʉ̀ kəbyɨkə a yès a tyi shwèʼè.

2 Kolìntyàns 8:21

Yès ə ne alə̀ byìʼì ando yès bàʼtə li ə ne to nyʉ̀ a və kwʉ̀ʼ ashɨ Nyìngòŋ benə ashɨ viʼi.

Kòlòsyàns 4:5

Ghə̀ŋ nə̀ tofə a ji yi a ghə̀ŋ tsi fa tsù ghə̀ŋ və viʼi vyi a və ko təmə byɨmə, kə ghə̀ŋ byɨbsə ə zhʉ̀ yi a ghə̀ŋ kiʼi vye vəwenə.

1 Tèsàlonyà 4:12

Ghə̀ŋ sətsen ə nè alə viʼi vi à ko diʼ viʼi və byɨməvə nə̀ gumlə ghə̀ŋ, ghə̀ŋ nə̀ zhɨ̀ to byìʼì kəzhʉʼsə ə kəŋkə̀, ko wu a nki tebè wìʼ.

1 Tèsàlonyà 5:22

ə yen nə̀ ki a kodiʼ nəmwèʼè, ghə̀ŋ tensə.

1 Timotì 3:6

A diʼ ə ndi wìʼ a ghə̀ ko byɨmə to fəkʉ̀ʼ, a bwen a lì ghə̀ ə ghaŋsə əwen, ə Nyìngòŋ ku ngəʼ à wen to ando ghə̀ nku à Deblə̀.

1 Timotì 5:14

Mà lə kəŋ la ki mphʉ vi a və ko dwìn bwènsə̀ lam ə mbwi vunə tùʼmə̀ nə̀ ngwaʼ ngə̀ŋ vəwenə ndi kə viʼi kəbàyn vəghəŋ a kiʼi jì ə ngàʼà ənyʉ̀ ə byɨvə byìʼì vəghəŋ.

1 Timotì 6:9

Əmwòmsə̀ ə ne vi à viʼi vyi a və nyɨŋ fa a bàm ə əko. Vəwenə ə fəŋ a mwòmsə̀ a ghèn, kətam kə ghaʼ vəwenə, və faŋ ə nkəŋ tò əfo a venə, lu kaʼ pfʉ to bàm ə ko alì və be byɨsə vəwenə to byɨsə,

2 Timotì 2:26

Vəwenə sə dìʼ mu və fəŋ li a kətam nə̀ Deblə̀ ə sə ə ne ə shwèʼ ə wen, alì mu Nyìngòŋ zi ghə̀ ne tə tof tə vəwenə bwenə vi, vəwenə nyɨŋ fʉ̀ fa kətam a ghèn.

Taytùs 2:5

Ki vətokəvə avenə diʼ ndìʼsə̀ ki a və bò làm tò lamə la vəwenə nghaʼa təwen tə vəwenə be laynə à vəwenə ntsìnə̀sə, shwèʼè à vəwenə aloʼ, tùʼmə̀ be zhʉmə̀ vəlɨm və vəwenə, ndi kə wìʼ à nkiʼ no kənyʉ̀ kə byɨkə kətsenkə gàʼ byìʼì kənyʉ̀ kə Nyìngòŋ.

Taytùs 2:8

Ə ndìʼsə̀ tò kənyʉ̀ a kə diʼì nəmwèʼè ndiʼi kə viʼi be a nkiʼi kənyʉ̀ əgàʼ byìʼì kəwenkə ndi ətʉ viʼi kəbàyn ə vəghəŋ ndiʼ ando vəwenə ko be a kiʼi kənyʉ̀ kəbyɨkə gàʼ byìʼì vəghəŋ.

3 Joyn 1:12

Viʼi vətsèm ə gàʼà njùŋ byìʼì Demetyòs, nkàntə̀ nəmwèʼè be diʼi njùŋ a wen a ntsìnə̀, mà be gàʼà, wù kɨ la kənyʉ̀ a mà gàʼà byìʼì wen dìʼ nəmwèʼè.