1 Timotì 3:16 - The New Testament in the Babanki language

¹⁶ Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Timotì 3:16 ပူးပေါင်းရင်းမြစ်များ

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Matìyò 28:2

A sə tsèn ntsɨ̀ŋ Bobo shiʼi vì fa kàŋ shi nə̀ʼ no ŋàŋ. Ghə̀ dyʉ̀ a chʉ sè Yesò bùŋsə ngùʼ yì fa tsu lyisə kuʼ ŋwʉʼʉ à yi kətʉ.

Matìyò 3:16

Yesò shi mu ə sə fʉ kuʼ tò kuʼu fa mù alə̀, kaŋ boʼmə̀, ghə̀ yen kəzhwì kə Nyìngòŋ, kə shiʼi vì ə bvʉ̀ à wen kətʉ diʼ tò nə̀ kəlàto.

Matìyò 4:11

Deblə̀ lù fà a wen a mbyɨ̀ no a zhʉ kò, ntsɨ̀ŋsə Nyìngòŋ sə vì mù sə lyè wen.

Ŋwàʼlə̀ Mak 1:13

ə̀ tsì tsu mətsi məwum nkàʼ, Satan mwòmsə̀ wen, ghə̀ be tsi dyʉ̀ tò a shi a nyamsə toʼ sə ntsi tsu, alì ntsɨ̀ŋsə ngə̀ŋ Nyìngòŋ sə nlye wen.

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Ŋwàʼlə̀ Mak 16:5

Vəwenə sə nkwenə dyʉ̀ a tì sè ayì, ə yèn wàyndyə nkuŋ tsen, ghə̀ ŋwʉʼ a shə kwoŋ toghə vəwenə, mu ghə̀ mòʼ ndisə fəfə sə. Təchʉ̀ tə vəwenə tə zɨm.

Ŋwàʼlə̀ Luk 2:32

Bayn yì a ghə̀ a diʼ jì wu a viʼi a və ko kɨ Nyìngòŋ, be vì nə̀ kuʼsə a viʼi vyə a loʼo Islel.”

Ŋwàʼlə̀ Luk 20:44

A lè sətsèn ndiʼ mu Devìt ndzàŋ wen nə̀ Bobo, ghə̀ bè a ndiʼ wàyn Devìt a le lo?”

Ŋwàʼlə̀ Luk 22:43

Ntsɨŋ ngə̀ŋ Nyìngòŋ shiʼi a wen fa kàŋ, ə ku kədyòʼ a wen.

Ŋwàʼlə̀ Luk 24:4

Vəwenə bu kaynə kənyʉ̀ kènkə a sə tsen lyʉmə və bò, a və əmoʼ ndisə a sə baynə ŋwàŋtə̀ tɨmə a vəwenə mbyɨ.

Ŋwàʼlə̀ Luk 24:51

ando ghə̀ mbwàʼsə̀ vəwenə ghə̀ lu mòʼtə̀ vəwenə və lyɨ wen kuʼsə̀ a kàŋ.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 13:3

Yesò nkɨ la Tìʼ əku li kədyòʼ a yi to akwi əfo ə tsèm, kɨ la ghə̀ lù fa ben Nyìngòŋ, diʼ ə bwenə ə dyʉ̀.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 16:28

Mà tə lù fa ben nə̀ Tìʼ mibu vi a mbyi, bwenə dyʉ̀ a ben nə̀ Tìʼ.”

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 20:12

ə yen ətsɨŋsə Nyìngòŋ mu sə mòʼo li ndisə sə fɨfəsə, sə nyʉ̀ʼ akəshi yi a kəmpfʉ kə Yesò kə tə nyəŋ tsu. Ntsɨŋ Nyìngòŋ tsèn ə nyʉ̀ʼ akəshi yi a kətʉ kə wenkə ndiʼ tsu, ghətsen ə nyʉ̀ʼ akəshi yi a ghʉ wen ndiʼ tsu.

Joyn 6:62

Ghə̀ŋ sətsen yen, Wàyn Wìʼ ghə̀ bwenə lù dyʉ̀ akàŋ, akəshi yi a ghə̀ tə ndiʼ tsu fa ambì, ghə̀ŋ a nè ghò?

Shwèʼ 1:19

Viʼi Jelusalèm no vətsèm zhʉ kənyʉ̀ akì mù sə̀ dzàŋə̀ kəshi kə nse akì à vəwenə a gaʼa loʼ la, “Akeldama” à diʼ la, “Sɨm ə mənlyuŋ.”

Shwèʼ 10:34

Bità gàʼ la, “Ma kɨ li nəmwèʼè luwèn la Nyìngòŋ ə lyɨ̀ viʼi vətsèm tò ndə̀ŋndəŋ;

Shwèʼ 14:27

Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Lumans 10:12

Nyìngòŋ diʼ Bobo a viʼi və tsèm. Nəkwoŋ ko diʼ fa wù ə Jus nə̀ wù kətɨm. Ghə̀ bwaʼsə no ndò yi a ghə̀ loynə ə gyamtə fa wen.

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

Lumans 3:4

Kə zi ko kə lu ndiʼ ali! byìʼàndo Nyìngòŋ ə gaʼa to nəmwèʼè no tèbe azhʉ̀ a viʼi tsèntə to mbi ə tsèm ə zhò ndzɨ̀ŋ, to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “kənyʉ̀ kə Nyìngòŋ kə diʼ to nəmwèʼè, Nyìngòŋ ə soʼo zhɨ̀ nsòʼ wen wenə viʼi.”

Lumans 8:3

Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

Gàlesìyà 2:8

Nyìngòŋ a ghə̀ ne la Bità ə ndiʼ wù ntɨm a viʼi Jus diʼ to wen yi a ghə̀ ne la mà ə ndiʼ wù ə ntɨm a viʼi a ko diʼi viʼi Jus.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

Efisyàns 6:19

Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

Kòlòsyàns 1:6

Ntɨm ə jùŋ ghèn ə dyʉ̀ no shì ə tsèm a mbi, ghə̀ be vi nə̀ kwitə a viʼi a ntsìnə̀sə. Ntɨm ayi nvi li nə̀ kwitə a ghə̀ŋ ə zìtə̀ fa achʉʼ yi a ghə̀ŋ ə nzhʉ əkɨ nəmwèʼè kumə ətyɨm ə jùŋə Nyìngòŋ.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

2 Tèsàlonyà 1:10

A lu ndiʼ ando ghə̀ vi a kətsi na yi, viʼi Nyìngòŋ və tsèm ndiʼ nə̀ əkaynə, ku əkuʼsə a wen. No ghə̀ŋ lu bè boŋ diʼ a ntìntìn ə viʼi na venə byìʼì ando ghə̀ŋ byɨmə li nyʉ̀ vyi a yès tə ə shə̀ʼtə̀ a ghə̀ŋ.

2 Tèsàlonyà 2:7

A diʼ luwen lə ghə̀ nyoʼtə shyèʼè ə nè la viʼi ə ntensə Nyìngòŋ. Kənyʉ̀ ki a ma gaʼa ə ko na fʉ mwetə tebè a ndayn, a bwen to la Nyìngòŋ ə lyisə li wìʼ yi a ghə̀ ti a ji luwen taʼsə la kə nyʉ̀ na venə fʉ̀.

1 Timotì 3:9

Vəwenə ə diʼ tɨmə a nəmwèʼè a və diʼ li kumə ə byɨmə nə̀ tyɨm ə muʼ.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 7:7

Kə diʼ to no nəmwèʼè la Mèlìkisedèk ə kuʼmə chò Ablaham byìʼì ando à nə̀ lu to wìʼ yi a ghə̀ kuʼmə, ə bwaʼsə ghətsen a ghə̀ ko kuʼmə zaʼa a nə̀ wen.

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.

1 Joyn 1:2

Əbwòŋ a ghèn ə ndiʼi li wen ə wen, yès yen ə mù sə ti a nə̀ viʼi və yenəvə a wen. Yès ə gàʼà a ghə̀ŋ bìʼì əbwòŋ aghenə a ghə̀ ndiʼi wenə Tìʼ ə dìʼ li wen ə wen a yès.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Kəmwetə 17:5

Və̀ nyòʼò li əzhiʼ ə̀ kanəghə tsenghə à wen əchʉ kətʉ la, “Babilòyn, ntə̀ʼ ə ghoʼo. Wù dìʼ əmpfì njèʼtə̀sə sə̀tsèm be diʼ əmpfì ənyʉ̀ byɨvə fansəvə a nse.”

Kəmwetə 17:7

alì ntsɨ̀ŋ ngə̀ŋ ə̀ Nyìngòŋ yì bèm à mò la, “Wù dìʼ nə̀ əkaynə byìʼì ghò? Mà a shə̀ʼtə̀ kənyʉ̀ kə kanəkə à wù byìʼì wùwì ghèn nə̀ nyàm yì a ghə̀ ŋwʉʼ à yi kətʉ, ghə̀ kiʼ ətʉ sòmbo nə̀ ə ndoŋsə wum lə̀.

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.