1 Timotì 3:11 - The New Testament in the Babanki language

¹¹ Ki vi a və shyèʼ a ngə̀ŋ Nyìngòŋ be diʼ nkiʼ ntsìnə̀ ə jùŋ, ko vəwenə gaʼa kùwòŋ, ali dìʼ tò a vəwenə a ətof, ne no te ghò tò nəmwèʼè.

1 Timotì 3:11 ပူးပေါင်းရင်းမြစ်များ

Matìyò 4:1

Kəzhwì kəŋwoʼkə mù lyɨ̀ Yesò ə dyʉ̀ nə̀ wen a nsè zɨm ndi Deblə̀ mwòmsə wen tsu.

Joyn 6:70

Yesò ə gàʼ a vəwenə la, “A ghə̀ŋ kɨli la, a tə tsuʼ to no mò tsuʼ ghə̀ŋ venə njʉ̀sə̀ bò, ali wìʼ ə mùʼ diʼ a ghə̀ŋ a ntìntìn, a diʼ Deblə̀.”

Lumans 1:29

Vəwenə ne tənki tə nyʉ̀ ə byɨvə to ə tsèm. Vəwenə tsi to a mbyɨ, kiʼ ashɨ ə bòghə, ətyɨm ə byɨghə, ghəʼə viʼi no nànto. Vəwenə ə zhwi, soynə, lobtə viʼi, kiʼ əkwoʼtə əbyɨghə, gaʼa kùwòŋ,

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

1 Timotì 3:2

Kətʉ a ken diʼ ndiʼ wìʼ a viʼi ko ghàmə̀ wen, ghə̀ diʼ ə nkiʼ tò wùwì ə mùʼ, kɨ ə ghaʼ wenə wen, bwaʼsə tyɨm wen, zhʉmə, tùʼmə̀ nə̀ viʼi ghayn, bè kɨ ə ziʼi viʼi və byɨməvə no a nkàyn.

1 Timotì 6:2

Əkòs vi a və shyèʼ à viʼi, a diʼ viʼi və byɨməvə ə ko diʼ ə nchasə vəwenə byìʼì ando və tìʼ və shyèʼ a vi ə diʼ viʼi və byɨməvə to nə̀ vəwenə. Vəwenə ə diʼ ə mbòŋsə̀ shwèʼ nə̀ kədyòʼ kə byìʼì ando se a yi ə dyʉ̀ à wìʼ, a dìʼ wù ə byɨmə, vəwenə kòŋ wen. Wù dìʼ ə shɨ̀tə̀ ə ziʼi ənyʉ̀ a venə à vəwenə.

2 Timotì 3:3

Vəwenə ko lu nkiʼ əkusə nshinsə, ko və lyèsə ku viʼi, gàʼa ənyʉ̀ ə byɨvə byìʼì viʼi, ko vəwenə ə ghaʼa təwen tə vəwenə, tsi tò nə̀ nyamsə, ko və nkòŋ ə yenə kənyʉ̀ kə jùŋkə.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Taytùs 2:3

Wù bè diʼ əziʼi ki vətovə to a ndə̀ŋndəŋ jì la vəwenə ntsi a nə̀ viʼi a vəwenə ku li tyɨm vəwenə à Nyìngòŋ, kə vəwenə gàʼà ənyʉ̀ byɨvə byìʼì viʼi vətsenvə, kèn la vəwenə nyʉ məlyʉ̀ʼ bomə̀. Vəwenə diʼ ə ndìʼsə̀ tò ənyʉ̀ juŋəvə

Taytùs 3:2

Gàʼa à vəwenə la kə vəwenə à ngàʼà nyʉ̀ byɨvə byìʼì viʼi, la vəwenə mbòŋsə̀ tsi ntsìnə̀ ə bwaʼmə à viʼi vətsèm, ku ndoŋ wenə̀ viʼi vətsèm be tsi ntsìnə̀ shiʼsə̀ wèn.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.