1 Timotì 2:4 - The New Testament in the Babanki language

⁴ Nyìngòŋ ə kəŋ la viʼi və tsèm bwoŋ, bè kəŋ la viʼi və tsèm kɨ kənyʉ̀ ki a kə diʼ nəmwèʼè.

1 Timotì 2:4 ပူးပေါင်းရင်းမြစ်များ

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Ŋwàʼlə̀ Mak 16:15

Ghə̀ mù gàʼ à vəwenə la, “Ghə̀ŋ dyʉ̀ a təshyə tə mbi no tətsèm ə̀ shə̀ʼtə̀ ntɨm jùŋə̀ à viʼi vətsèm.

Ŋwàʼlə̀ Luk 1:77

əku tof la viʼi vəwenə bwoŋ diʼi à vəwenə la yi lyesəli ku mbyɨsə vəwenə.

Ŋwàʼlə̀ Luk 14:23

Alì ti shyèʼ wen be gàʼ à wen la, ‘Fʉ dyʉ̀ a ntə̀ʼ a məjìtə mə təsɨm bènə̀ a woŋ a wù a yen ngi tsu tò nə̀ venə ə nè vəwenə vi ndi ngə̀ŋ ghom lwin.

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 17:17

Kənyʉ̀ kyəkə gaʼa to nəmwèʼè. Lyɨ vəwenə, vəwenə ndiʼ to a wù, chò fa wù kənyʉ̀ yì a kə diʼi nəmwèʼè.

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

1 Timotì 4:10

Vəghəŋ ə soynə bè shwèʼè nə̀ kədyòʼ ə kiʼi ntsìnə̀ a ghenə byìʼì ando vəghəŋ ə ghʉ kwòʼtə à Nyìngòŋ yi a ghə̀ tsi. A dìʼ wen a ghə̀ mbwòŋsə̀ viʼi və tsèm, bè bwòŋsə viʼi vyi a və byɨmə a wen.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

2 Timotì 3:7

Ki a venə mwòmsə̀ ə nkɨ kənyʉ̀ kə fikə, alì kenla vəwenə tɨmə nzhʉ kənyʉ̀ kùmə̀ əziʼi yi a ghə̀ diʼì nəmwèʼè.

Taytùs 1:1

A nyòʼo mò ə Bol ə nyòʼo ŋwàʼlə̀ ghèn. Mà dìʼ wù shyèʼ ə̀ Nyìngòŋ be diʼ wù ntɨm ə̀ Yesò Klistò. Və̀ ntsùʼ mo ə̀ tɨ̀m la mà gyamtə nè la byɨmə viʼi vi a Nyìngòŋ ə ntsuʼ li ə nto, ə be nè la vəwenə nkɨ jì nəmwèʼè yì a ghə̀ nè la viʼi ntsi a ji yì a Nyìngòŋ ə kəŋə.

Taytùs 2:11

Kə diʼ alə̀ byìʼàndo Nyìngòŋ ə diʼ li boŋə tyɨm ə wen a ghə̀ ə nvi ə bwòŋsə̀ viʼi vətsèm.

Hibùlù 10:26

Vəghəŋ sətsen ə kɨ kənyʉ̀ ki a kə diʼi nəmwèʼè ali be faŋ ə ne to mbyɨ, kɨ to no la à diʼi mbyɨ, mu kəku kə tsen kə be andiʼ a kə zi kə shʉ̀ mbyɨsə vəghəŋ.

Jems 3:14

A sətsèn ghə̀ŋ ə nkiʼ kənghə̀ʼ kə byɨkə a ghə̀ŋ a tətyɨm nə̀ kənywi, kə ghə̀ŋ a nkuʼsə̀ təwen təŋtə zhò ndzɨ̀ŋsə la ghə̀ŋ kiʼi tof.

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

2 Joyn 1:1

A nyòʼò mò ə chəʼ ngə̀ŋ ə̀ Nyìngòŋ nyòʼò ŋwàʼlə̀ ghèn à wùwì yì a Nyìngòŋ ə ntsuʼ li wenə vunə wen a mà kòŋə̀ no nəmwèʼè. A ko kòŋə̀ tò mò, viʼi vətsèm a və kɨ nəmwèʼè ə bè kòŋə̀ vəwenə,

Kəmwetə 14:6

Fà yì a bàm, mà bè yèn ətsɨ̀ŋ ngə̀ŋ ə̀ Nyìngòŋ tsen ghə̀ tàynə̀ chò no fa kàŋ kiʼ ətɨm ə jùŋ a ghə̀ ə diʼì tò nəmwèʼè no mətsi ntsèm əshə̀ʼtə̀ à viʼi vyi a və diʼì a nse. Ghə̀ dìʼ əshə̀ʼtə̀ ntɨm ayì à viʼi təloʼ tətsèm nə̀ à ngwàʼsə sə̀tsèm, nə̀ à viʼi təgàʼ tətsèm bènə̀ à no ndò a ghə̀ tsi a nse.