1 Timotì 1:4 - The New Testament in the Babanki language

⁴ Gaʼa la kə viʼi a venə ə nchòsə̀ ə zhʉ vəwenə jèʼ mò mətitì mə zɨmə kùmə̀ vətiʼi vəwenə. Kənyʉ̀ a kenkə ə nè, viʼi pfènə̀ ətʉ ə vəwenə tò kədyàŋ, bè taʼsə la kə viʼi byɨmə ə ne ə shwèʼè yi a Nyìngòŋ ə kəŋ. Wìʼ zi ghə̀ ne tò shwèʼ a ghenə a zhʉ a ghə̀ kiʼ byɨmə a Nyìngòŋ.

1 Timotì 1:4 ပူးပေါင်းရင်းမြစ်များ

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

Efisyàns 3:2

Ma kɨli la ghə̀ŋ zhʉ̀ li ando Nyìngòŋ ə ndiʼ ətyɨm ə jùŋə a mò ə ku shwèʼ a ghenə la mà ne a ghə̀ŋ, a ghə̀ŋ njùŋ.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Timotì 4:7

Nyɨŋsə wenə wu fa bàm ə mətitì mə zɨmə mi a mə ko diʼ a nkàyn ashɨ ə̀ Nyìngòŋ. Myəʼsə wenə wu ə ntsi a jisə Nyìngòŋ.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

2 Timotì 2:22

Nyɨŋ bwènə̀ fa əbàm ə təmwòmsə̀ yi a tə ku ngəʼ à mbvòʼò wìʼ li ə mwòmsə̀ ə ne nyʉ̀ tɨməvə, ə byɨmə à Klistò ə kòŋ viʼi bè tsi nə̀ mbwaʼmə. Wù ne nyʉ̀ a venə no ə tsèm we viʼi vyi a və jɨ̀mə̀ à Bobo nə̀ tətyɨm tə laynə tə.

2 Timotì 2:23

Kə wù nə̀ nzhʉtə ə gàʼ kə kəndzɨ̀ŋtə̀ yi a ghə̀ ko shyèʼè no kənyʉ̀. Wù kɨ la əgaʼa a ghenə ə vi tò nə̀ ntaŋ.

2 Timotì 4:4

Vəwenə nə̀ ghʉsə kənyʉ̀ ki a kə diʼì nəmwèʼè ə nə̀ bòŋsə zhʉtə mətitì mə zɨmə.

Taytùs 1:1

A nyòʼo mò ə Bol ə nyòʼo ŋwàʼlə̀ ghèn. Mà dìʼ wù shyèʼ ə̀ Nyìngòŋ be diʼ wù ntɨm ə̀ Yesò Klistò. Və̀ ntsùʼ mo ə̀ tɨ̀m la mà gyamtə nè la byɨmə viʼi vi a Nyìngòŋ ə ntsuʼ li ə nto, ə be nè la vəwenə nkɨ jì nəmwèʼè yì a ghə̀ nè la viʼi ntsi a ji yì a Nyìngòŋ ə kəŋə.

Taytùs 1:14

kò vəwenə mbe zhʉ mətitì mə nzɨmə̀ ə̀ vəjew ko mbe ghʉ kətʉ a təsoʼ a viʼi a və tensə̀ nəmwèʼè ə ku.

Taytùs 3:9

Kə a kwen a bèsə̀ nyʉ̀ a və ko kiʼ ətof, ə̀ be ə ntaŋtə təzhiʼ tə vətìʼ və vəghəŋ və mbì. Kə a kwen a ntaŋ nə̀ əsoyn kùmə̀ ə̀soʼ. Ənyʉ̀ kədyàŋ kədyàŋ avenə ko gyàmtə̀ wìʼ no kənyʉ̀ kətsenkə.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

2 Bità 1:16

Ənyʉ̀ vyi a yès ə shə̀ʼtə̀ a ghə̀ŋ kumə məvi ə Bobo vəghəŋ Yesò Klistò nə̀ kədyoʼkə wenkə diʼ nyʉ̀ mu yès yen li to no fa yès a ngəŋsə. A ko diʼ mətitì mə zɨmə a wù ə tofə ə tsen shə̀ʼtə̀.