1 Timotì 1:20 - The New Testament in the Babanki language

²⁰ Hymenùs nə̀ Alèksandà ə diʼ viʼi vətsenvə a ntìntìn ə̀ viʼi a venə. Mà sə diʼ mu ma ku li vəwenə à Satan la ghə̀ ku ngəʼ à vəwenə ndi vəwenə ziʼi ətof ko ndiʼ la vəwenə bè a nziʼi nyʉ̀ ndzɨŋsə byìʼì Nyìngòŋ.

1 Timotì 1:20 ပူးပေါင်းရင်းမြစ်များ

Matìyò 18:17

Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Shwèʼ 19:33

Viʼi vətsenvə nyenə tò la Alèksandà kìʼ kənyʉ̀ əgàʼ byìʼàndo Vəjew ngàʼà la ghə̀ cho ə̀ tɨ̀mə a mbì. Alèksandà tsòʼsə̀ kəvu kə wen a kàŋ ə̀ nè la viʼi chɨmə, mù zìtə̀ əgàʼ ədìʼ la à ko yì zìtə̀ Vəjew nzìtə̀ ngəʼ aghèn,

1 Kolìntyàns 11:32

Nyìngòŋ sətsèn ə̀ soʼo vəghəŋ, a andiʼ jì ziʼi vəghəŋ ndi kə və lu soʼ ə byɨsə vəghəŋ nə̀ viʼi mbyi amuʼ.

2 Kolìntyàns 10:6

Ghə̀ŋ ne diʼi a yès no zhʉ̀ko la ghə̀ŋ sə zhʉ, to fa Klistò, yès mu ku ngəʼ a viʼi a ghə̀ŋ a ntìntìn a və ko zhʉ fa Wen.

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.

2 Tèsàlonyà 3:15

Alì kə ghə̀ŋ na nè nyʉ̀ a wen alə̀ ando ghə̀ŋ nè a viʼi kəbàyn ghə̀ŋ, ghə̀ŋ ə boŋsə ku kətyiftə a wen to ando ghə̀ŋ kù a lèmə̀ ghə̀ŋ.

1 Timotì 5:15

Mà gàʼà alə byìʼì ando ki mphʉ vətsenvə sə dìʼ mu vəwenə kaʼkə li ə sə dzɨ̀mtə̀ dyʉ̀ tò nə̀ Satan.

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

2 Timotì 2:17

Viʼi vətsenvə vyi a və gaʼa əgaʼa a ghenə ə diʼ Hymenùs wenə Filitùs. Əgàʼ ə vəwenə ə diʼ to nə̀ chʉ kəshi kì a kə nə̀ mpfiʼi njò əwen ə̀ wìʼ.

2 Timotì 3:2

Viʼi lu ə ntùʼmə̀ tò nə̀ təwen tə vəwenə, kòŋ ə ko no a nànto, ghaŋsə əwen, ko və lu lyɨ la wùtsen ə diʼ kəfo. Vəwenə lu ə telə̀ viʼi, bè to kətʉ fà vətìʼ vəwenə nə̀ vəlì vəwenə. Vəwenə ko lu nku kəzòŋ à wìʼ byìʼì no kənyʉ̀ kə tyetəkə kətsenkə a wìʼ ə ne à vəwenə, ko mfwàynə̀ Nyìngòŋ.

Hibùlù 12:5

Kə ghə̀ŋ lyesə gaʼa yì a Nyìngòŋ ə ngàʼa ə lɨ̀msə̀ ghə̀ŋ. Ghə̀ toŋtə ghə̀ŋ la vunə wen ə gàʼ la: “Wàyn ghom, Bobo sə ku ngəʼ a wù, tisə wù tisə, wù ntuʼtə̀ zhʉ̀tə. Ghə̀ zhʉsə nghòmə wù to nə̀ Tiʼi wù, kə wù bwaʼ.

Kəmwetə 13:1

Fà yì a bàm, mà yen nyàm ghə̀ fʉ̀ ə̀ kuʼ ə̀ vì fa tì ə̀mu mə nghoʼomə̀, kiʼ ətʉ sòmbo. Nə̀ ndoŋsə la əwùm. No ə̀ ndoŋ kò ə̀ nkìʼ ə̀sòʼ ə təfòyn, no kətʉ kə kò kə kiʼ əzhiʼ a ghə̀ telə̀ Nyìngòŋ.

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.