1 Timotì 1:19 - The New Testament in the Babanki language

¹⁹ Shɨtə ghaʼ əbyɨmə ə wu à Yesò Klistò, ə nkiʼ kwoʼtə ə laynə ghə̀. Viʼi vətsenvə tensə li ə ne kənyʉ̀ ki a kwòʼtə ə laynə ghə̀ a ghenə ə diʼi, ə maʼa əbyɨmə ə vəwenə.

1 Timotì 1:19 ပူးပေါင်းရင်းမြစ်များ

Matìyò 6:27

A lè diʼ no ndò fà ghə̀ŋ a ntìntìn a ghə̀ zì ghə̀ kwʉʼsə ngʉʼsə wen a mbyi fambwo ghə̀ kaynə mbyi a?

1 Kolìntyàns 11:19

Kəgəsə kə yi ndiʼ ndiʼ a ghə̀ŋ a ntìntìn, ndi və nshɨtə yenə kɨ nkàyntə̀ viʼi Nyìngòŋ.

Gàlesìyà 5:4

Ghə̀ŋ vyi a ghə̀ŋ kəŋ ə nti akayn ashɨ Nyìngòŋ ə byìʼì ando ghə̀ŋ ghʉ Əsoʼ ghenə, kɨ la ghə̀ŋ gə̀sə̀ li təwen ətəŋtə fa Klistò. Ghə̀ŋ tyenli ətyɨm ə jùŋə ghə̀ yi a Nyìngòŋ ə diʼi li a ghə̀ŋ.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 3:9

Vəwenə ə diʼ tɨmə a nəmwèʼè a və diʼ li kumə ə byɨmə nə̀ tyɨm ə muʼ.

1 Timotì 6:12

Mwòmsə̀ shwèʼ no nə̀ kədyòʼ kə ə ghaʼ byɨmə ə wu to nə̀ wìʼ yi a ghə̀ nyɨŋ kənyɨŋ ə zhɨ ndi wù lu kiʼi ntsìnə̀ yi a ghə̀ ko lu mè. Wokèn ə diʼ ntsìnə̀ yi a Nyìngòŋ ə ndzàŋ wù la wù kiʼi, ando wù ə tɨmə ashɨ viʼi ə gàʼ a ndayn la wù byɨmə li à Klistò no nə̀ ətyɨm ə wu no tsèm.

1 Timotì 6:21

Byìʼì ando vəwenə sə ə diʼ la vəwenə ə tofə ə lè jì ə sə dìʼ ko və mbè mbyɨmə əziʼi yi a ghə̀ diʼ nəmwèʼè byìʼì Klistò. Bobo ə diʼi ətyɨm ə jùŋə wen à ghə̀ŋ.

1 Timotì 6:9

Əmwòmsə̀ ə ne vi à viʼi vyi a və nyɨŋ fa a bàm ə əko. Vəwenə ə fəŋ a mwòmsə̀ a ghèn, kətam kə ghaʼ vəwenə, və faŋ ə nkəŋ tò əfo a venə, lu kaʼ pfʉ to bàm ə ko alì və be byɨsə vəwenə to byɨsə,

2 Timotì 2:18

Vəwenə ə ziʼi la Nyìngòŋ sə dìʼ mu ghə̀ lusə li vəghəŋ fa pfʉ. Əziʼi a ghenə ə diʼ no əziʼi ə ndzɨŋ. Ghə̀ ne li la viʼi vətsenvə tyen la və ko bè mbyɨmə à Klistò.

2 Timotì 4:4

Vəwenə nə̀ ghʉsə kənyʉ̀ ki a kə diʼì nəmwèʼè ə nə̀ bòŋsə zhʉtə mətitì mə zɨmə.

Taytùs 1:9

Ghə̀ diʼ nshɨ̀tə̀ ghaʼa ntɨm ə jùŋ yì ando və ndìʼsə̀. Ghə̀ dìʼ be ziʼi viʼi nə̀ nyʉ̀ vyi a Nyìngòŋ ə kəŋə, be dìʼì à viʼi a və tyenə ziʼi aghenə la vəwenə nè li ə nshwè.

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Kəmwetə 3:3

Ghə̀ŋ bwensə̀ kwòʼtə̀ ənyʉ̀ vyi a və ndìʼsə̀ ghə̀ŋ tsu bènə̀ ə̀vi a ghə̀ŋ ə̀ nzhʉ. Ghə̀ŋ kwitə tətyɨm ə təŋtə fà ghə̀ŋ ə mbyɨsə nè ənyʉ̀ a vyi. Ghə̀ŋ sətsèn ə̀ fàŋ ke lùkə̀, mà bvʉ̀tə̀ vì à ghə̀ŋ tò nə̀ tsòŋ kèn la ghə̀ŋ a kɨ zhʉ a mà vì.

Kəmwetə 3:8

Mà kɨ təshyèʼ ə təŋtə. Ghə̀ŋ yen a! mà bòʼò li əchʉ ngə̀ŋ ə nghʉsə à ghə̀ŋ a wìʼ ko zì ghə̀ shwin. Mà kɨ la ghə̀ŋ ə ko tùʼù kiʼ kədyòʼ alì ə nghʉ ə̀soʼ ə ghomə kèn la ghə̀ŋ ə tyen li mò.