1 Timotì 1:18 - The New Testament in the Babanki language

¹⁸ Wàyn ghom Timotì, ma gàʼà à wù la wù diʼ ə kwoʼtə ə nyʉ̀ vyi a nshə̀ʼtə̀sə ghoʼkəsə ə ngàʼ li byìʼì wù. Lyɨ̀ ənyʉ̀ a venə a nə̀ əfo əghòŋ ə̀ wù ə shɨtə soynə nshə̀ʼtə̀sə ndzɨŋsə tsu.

1 Timotì 1:18 ပူးပေါင်းရင်းမြစ်များ

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

1 Kolìntyàns 9:7

A diʼ sugyèʼ ə kò a ghə̀ shyèʼ be bwènsə̀ loʼ wen ə wen a? A zizi a nshyèʼ ndò shyèʼ əsɨm, ko diʼ ə lo ashɨ fo vyi a və fʉ̀ fa sɨm na ghèn a? A diʼi ntsɨ̀ŋ nyamsə ə kò a ghə̀ ko kamə ə zhwin ə nyàm ə nyʉ a?

Filìbàyns 2:22

No nkàntə̀ ghə̀ŋ ə kɨ əshwèʼ Timotì. Ghə̀ shyèʼè li yo wen ənè la viʼi byɨmə ntɨm ə jùŋ to ndə̀ŋndəŋ ji a wàyn nə̀ shyèʼè à tìʼ wen.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

1 Timotì 4:4

byìʼì no te ghò yi a Nyìngòŋ shɨtə ə diʼ a nkàyn. Viʼi ə ko diʼ ə tensə no kəmùʼ a zhʉ a vəwenə nə̀ sə ə zhɨ, və nə̀ jɨ̀mə̀ ku kəzòŋ à wen.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

2 Timotì 4:7

Ma shwèʼè li nkwʉʼ tò no a nkàyn. Ma shwèʼ li ə zaʼa a kəlyɨŋ yi a və kəŋ, bè shɨtə ghaʼ əbyɨmə ə ghomə.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.

Filimùyn 1:10

Ma sensə la wù diʼi tyɨm ə jùŋ ghə̀ a Onesimùs a ghə̀ sə diʼ a mò to nə̀ wàyn ə ghom. Ando mà diʼ a ngə̀ŋ nfɨŋ a shə lə ghə̀ tə vi ma gyàmtə̀ wen ghə̀ byɨmə Yesò.