1 Timotì 1:17 - The New Testament in the Babanki language

¹⁷ Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

1 Timotì 1:17 ပူးပေါင်းရင်းမြစ်များ

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Lumans 1:20

Viʼi sə diʼ mù və yen li la kədyòʼ kə ə Nyìngòŋ kə zizi ko lu ə mè, be yen la ghə̀ diʼ to no Nyìngòŋ nəmwèʼè fa chʉʼ a ghə̀ ə nshɨtə mbi. Na venə ə diʼ nyʉ̀, a və ko yenə nə̀ ashɨ, ali kɨ byìʼì əfo vi a ghə̀ shɨtə li. A lə kənyʉ̀ ki a wìʼ zizi ko ghə̀ lu be taŋ laynə fa nsòʼ ando ghə̀ gàʼ la yi ə ko ə kɨ kənyʉ̀ kùm Nyìngòŋ.

Lumans 1:23

Vəwenə lyɨ̀ li əkuʼsə yì a və diʼ ə kuʼsə Nyìngòŋ yi a ghə̀ fàŋ to aghayn mùʼ ə sə boŋsə ku a nshəʼsə mu və shɨtə nə̀ avu, və sə fʉsə̀ viʼi, be fʉsə̀ mənyinə nə̀ nyamsə nə̀ əfo ə ŋaŋləvə.

Lumans 11:36

A shɨtə Nyìngòŋ shɨtə fo ə tsèm, fo a vyi sə diʼ to byìʼì ando ghə̀ kòŋ la və ndiʼ, vì nə̀ əkuʼsə a wen. Əkuʼsə ə dyʉ̀ a Nyìngòŋ to məzhʉ̀ ə tsèm. Amèyn.

Lumans 16:27

Əkuʼsə ə dyʉ̀ a Nyìngòŋ ə, chò fa Yesò Klistò to məzhʉ̀ ə tsèm! A diʼ to wen yi mùʼ a ghə̀ kiʼi ətof ə tsèm. Amèyn.

Lumans 2:10

Nyìngòŋ ə lu nè a vəwenə ali ə ku əghoʼ nə̀ əkuʼsə nə̀ mbwaʼmə no tèbe ando yi a ghə̀ tsi ntsìnə̀ ə jùŋ, zìtə̀ nə̀ viʼi Jus a mbì, kumtə nə̀ viʼi ətɨm.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Kòlòsyàns 1:15

Wìʼ zizi ko ghə̀ lu yen Nyìngòŋ. Wàyn wen diʼ kədèmdèm kə wen. Ghə̀ diʼ kənfɨsə kə Nyìngòŋ. Mibu Nyìngòŋ nsə nè no ghò mu ghə̀ nsə diʼ. Ghə̀ di Wàyn mbì ə Nyìngòŋ.

Hibùlù 11:27

A nè əbyɨmə la Mosìs lù fa lòʼ ə Ijìb, ko ghə̀ fwàynə̀ tebè la fòyn ne fwisətin. Fòyn ə nfwisə li tin a vəwenə ali kò ghə̀ lə fàyn ə sə dyʉ̀ to dyʉ̀, diʼ sə ghə̀ nyenə Nyìngòŋ no tèbe ando viʼi ə nko yenə.

Hibùlù 2:7

Wu ə shɨtə wen ə ghʉ̀ wen a fəshinə fə zhʉ̀ alə, wìʼ sə ngaŋtə ko ghə̀ kwʉʼʉ no to nə̀ ntsɨŋ shəsə, fa yi bàm wù ne la ghə̀ kiʼ əbayn ə ghoʼo ghə̀ ə be ne la və nə̀ gumlə wen to nə̀ fòyn.

1 Bità 5:11

Kədyòʼ kə wen kə faŋ to faŋ to məzhʉ ə tsèm. Amèyn.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

1 Joyn 4:12

Wìʼ ko ntəmə yèn Nyìngòŋ, alì mu vəghəŋ yi ə nkòŋmə̀ təwen tə vəghəŋ, Nyìngòŋ a ndiʼ à vəghəŋ a ntìntìn, əkòŋ ə wen be kwʉ̀ʼ ə̀ mè à vəghəŋ ə ntsìnə̀sə.

Ŋwàʼlə̀ Jud 1:25

Vəghəŋ ə nkuʼsə Nyìngòŋ. A diʼ tò Nyìngòŋ mùʼ a ghə̀ diʼi Nyìngòŋ. A bwòŋsə̀ Nyìngòŋ bwòŋsə̀ vəghəŋ chò fa Yesò Klistò ə Bobo vəghəŋ. Ghoʼsə ndiʼ a Nyìngòŋ nə̀ gumlə. Nyìngòŋ a ghə̀ soʼo vəghəŋ ə diʼ fòyn, kiʼ kədyòʼ to məzhʉ̀ ə tsèm. Nyʉ̀ a venə no tsèm ndìʼ, diʼ luwen, diʼ lu ndiʼ to li no mənzhʉ̀ ntsèm. Amèyn.

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 19:1

Fa bàm ənyʉ̀ venə, mà zhʉ gɨsə sə̀ tosə sətsensə sə̀ kù fʉ̀ fa kàŋ sə à gàʼà ənòyn ə viʼi la, “Vəghəŋ ghoʼsə Nyìngòŋ! Ghə̀ bwòŋsə̀, ŋwòʼə̀ be kiʼ kədyòʼ.

Kəmwetə 19:16

Ndisə shìsə a ghə̀ ə̀ moʼò lì ə̀ ndìʼ mu və nyòʼò li əzhiʼ tsenghə tsu ə̀ bè shiʼi ə̀ nyòʼ à wen əkəbì la, “Fòyn ə̀ təfòyn, nə̀ Bobo ə̀ vəbobo.”

Kəmwetə 19:6

Mà bè zhʉ ando kəfo kə kù tò sə à kù ə gɨsə nòyn ə viʼi, kù to nə̀ təfwan tə a mù, ko to sə à bwankə̀ əghʉ ghoʼghə gàʼà la, “Vəghəŋ ghoʼsə Nyìngòŋ vəghəŋ! Ghə̀ dìʼ Bobo Nyìngòŋ a ghə̀ ə kìʼ àdyoʼ ətsèm soʼo vəghəŋ.

Kəmwetə 7:12

gàʼà la, “Kə diʼ to a lì, mbwaʼmə̀, nə̀ əbayn, nə̀ ətof, nə̀ əku kəzòŋ, nə̀ ə gumlə, nə̀ àdyoʼ diʼ ghə̀ wenə no məzhʉ̀ ntsèm! kə ndiʼ to a lì.”