1 Timotì 1:16 - The New Testament in the Babanki language

¹⁶ Nyìngòŋ ə diʼi li kusə shinsə à mò byìʼì ando ma ə ndiʼ fòyn ənyʉ̀ ə byɨvə. Ghə̀ ne alə̀ ndi Yesò Klistò diʼi mwetə əwen ə wen ə ne ə mà ə ndiʼ a nə̀ kəchwitə à viʼi vətsenvə ndi vəwenə yen kənyʉ̀ ki a ghə̀ ne à mò ə byɨmə à wen ndìʼ lu kiʼi ntsìnə̀ yi a ghə̀ ko lə mè.

1 Timotì 1:16 ပူးပေါင်းရင်းမြစ်များ

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 23:43

Yesò bwènsə̀ gàʼ a wen la “Nəmwèʼè, nəmwèʼè, ma shə̀ʼtə̀ à wù la wù a ndiʼ yowù layn a kəshi kəbwòŋ Nyìngòŋ.”

Ŋwàʼlə̀ Luk 7:47

Byìʼ alì mà gàʼ à wù la, kòŋ ghoʼghə yi a ghə̀ dìʼì à mò diʼ la Nyìngòŋ lyesəli nku byɨsə wen no sətsèm, alì wìʼ yì a və lyesə ku wen to tyetə be diʼi kòŋ tò tyetə.”

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Joyn 6:54

A zhɨ no ndò zhɨ əwenə ghomə be nyʉ mənlyuŋ mwomə, mu ghə̀ lu kiʼi bwoŋ yi a ghə̀ ko lu mè, a li ma be lùsə wen fa pfʉ a kətsi kə bàm,

Shwèʼ 13:39

Kə be dìʼì la no ndò à ghə̀ lyesə wen, ghə̀ à bwòŋsə̀ wen fà wen a nyʉ̀ byɨvə a soʼ Mosìs nko zì ghə̀ bwoŋsə.

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

1 Kolìntyàns 7:25

Ma gàʼ kənyʉ̀ luwen kumə viʼi vyi a və ko tɨmə ə lamkə. Ma ko kiʼi əsoʼ mu ghə̀ lù fa Bobo, ma gàʼà to kənyʉ̀ kì a ma kwòʼtə to nə̀ wìʼ a Bobo kusə shinsə ə ne ghə̀ kʉʼʉ la və nchoʼsə̀ wen.

2 Kolìntyàns 4:1

Ando Nyìngòŋ ə kusə li shinsə a yès nku shyèʼ ghənə la yès ə nè, yès zizi ko və lu be bwaʼ ə nè.

Efisyàns 1:12

Ghə̀ ntsùʼ alə ndiʼ yès vyi a yes ə mbyɨmə Yesò a ambì nə̀ ji yi a yes tsi nè viʼi və tsevə bwomsə Nyìngòŋ byìʼì kədyòʼ kì a ghə̀ kiʼi li.

Efisyàns 1:6

Kə lə diʼi la vəghəŋ diʼ ə nku kùʼsə a Nyìngòŋ byìʼì ətuʼmə ə kaynəghə yì a ghə̀ diʼi li a vəghəŋ chò fa a wàyn ə kòŋ ə wen. A kòŋ to wen ə nè alə.

Efisyàns 2:7

Nyìngòŋ ne alə ndiʼ lu diʼ tùʼmə̀ ə kaynəghə wen a ghə̀ ə ko kiʼi ə shəʼmə, nə̀ kòŋ wen a vəghəŋ chò fa Yesò Klistò no tʉʼ ko a ghə̀ lu vì.

2 Tèsàlonyà 1:10

A lu ndiʼ ando ghə̀ vi a kətsi na yi, viʼi Nyìngòŋ və tsèm ndiʼ nə̀ əkaynə, ku əkuʼsə a wen. No ghə̀ŋ lu bè boŋ diʼ a ntìntìn ə viʼi na venə byìʼì ando ghə̀ŋ byɨmə li nyʉ̀ vyi a yès tə ə shə̀ʼtə̀ a ghə̀ŋ.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

1 Bità 3:20

ayi əzhwi viʼi a və ko zhʉtə tebè Nyìngòŋ ali Nyìngòŋ be wensə to wensə ə zàʼa fa a tʉʼ yi ando Nuwà mbwòm kəbaŋ. A ndiʼ a tʉʼ na yi, viʼi bwòŋ ati kəbaŋ na yi a kə nə̀ lyəʼə a kwi a mù, ndiʼ to fwomə.

2 Bità 3:15

Ghə̀ŋ ə kɨ la Bobo vəghəŋ ə ghaʼa tyɨm alə̀, ku ji a ghə̀ŋ ndi ghə̀ŋ bwòŋ. Lèmə̀ vəghəŋ Bol yi a vəghəŋ ə kòŋ tə ə nyòʼ to nyʉ̀ a venə a ghə̀ŋ nə̀ ətof mu à ku Nyìngòŋ a wen.

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.