1 Tèsàlonyà 5:9 - The New Testament in the Babanki language

⁹ Vəghəŋ diʼ ə nə̀ alə byìʼì ando Nyìngòŋ ə ko wʉ vəghəŋ ashə ə ku ngəʼ a vəghəŋ. Ghə̀ nè alə ndiʼ Bobo vəghəŋ Yesò Klistò bwoŋsə vəghəŋ.

1 Tèsàlonyà 5:9 ပူးပေါင်းရင်းမြစ်များ

Matìyò 26:24

Wàyn wìʼ ne pfʉ ando və ə̀ nyòʼò li a ŋwàʼlə̀ Nyìngòŋ. Alì ngəʼ ghoʼo ne ndiʼ à wìʼ yì a ghə̀ baʼlə wen! kə mbòŋsə̀ ə̀ nzì kə mbòŋtə̀ a zhʉ a və nko bwì wìʼ ayì no nə̀ mpfen.”

Shwèʼ 1:20

“Byìʼè və nyoʼo li a ŋwàʼlə̀ Salms la, ‘Ngə̀ŋ wen faŋ tò zɨm, kə wìʼ lu ntsi tsu,’ bè nyòʼ la, ‘Wù kədyàŋ lyɨ kəshi kə wen nshwèʼè.’”

Shwèʼ 1:25

ndi ghə̀ lyɨ kəshi kə wù ntɨm wù ə nè shwèʼ yi a Judàs tə mòʼtə̀ ə̀ dyʉ̀ à wen a kəshi kə ngə̀ŋ.”

Shwèʼ 13:48

Viʼi tɨm nè zhʉ̀ kənyʉ̀ akì sə saŋlə no nànto be bwomsə̀ ntɨm jùŋ Bobo. Viʼi a Nyìngòŋ ntsuʼ li la vəwenə lù kiʼi bwòŋ a ghə̀ ko lu mè byɨmə à Bobo Yesò.

Lumans 11:30

A ghə̀ŋ viʼi ətɨm, ghə̀ŋ nko zhʉ Nyìngòŋ, ali luwen ə sə diʼ mù ghə̀ kusə li nshinsə a ghə̀ŋ byìʼì ando viʼi Jus tyen li ə zhʉ fa wen.

Lumans 11:7

Kə lə diʼi la viʼi Islel və ghoʼovə ə ghʉ li kəfo kì a vəwenə və tsèm tə kəŋ no nànto ə kiʼi, à kiʼi to təshɨ tə viʼi alə̀ ando Nyìngòŋ ə tsùʼtə. Viʼi no və ghoʼo tosə li tətyɨm ə zhʉ̀ fa Nyìngòŋ.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Tèsàlonyà 3:3

be nè la kə wìʼ fa ghə̀ŋ na faŋ ko ghə̀ be ə choʼsə Yesò byìʼì ngəʼ yì a viʼi ə ku a wen. Nò ghə̀ŋ ə kɨ la ngəʼ na sensə diʼ vi a vəghəŋ.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

1 Timotì 1:16

Nyìngòŋ ə diʼi li kusə shinsə à mò byìʼì ando ma ə ndiʼ fòyn ənyʉ̀ ə byɨvə. Ghə̀ ne alə̀ ndi Yesò Klistò diʼi mwetə əwen ə wen ə ne ə mà ə ndiʼ a nə̀ kəchwitə à viʼi vətsenvə ndi vəwenə yen kənyʉ̀ ki a ghə̀ ne à mò ə byɨmə à wen ndìʼ lu kiʼi ntsìnə̀ yi a ghə̀ ko lə mè.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

1 Bità 2:8

Və be ə nyòʼo a Ŋwàʼlə̀ Nyìngòŋ la: “A diʼi ngùʼ, viʼi kaŋtə tsu, a diʼ təwu, diʼ ə nè la viʼi ə foŋkə”. Viʼi ə kaŋtə tsu byìʼì ando vəwenə ko zhʉ tebè ntɨmə Nyìngòŋ, a diʼ kənyʉ̀ ki a Nyìngòŋ ə ghʉ̀ li la vəwenə nè.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 2:3

Ndìʼsə̀sə sə ndzɨŋ a sensə ə bàŋbàŋ a ko, diʼ ne ə mò mətitì mə zɨmə, lobtə to ghə̀ŋ, shi əfo ə vəŋə. Ali Nyìngòŋ ə nzìtə̀ li sə baʼtə̀ ə byɨbsə vəwenə no fa kəghaf kədyəkə. Nyìngòŋ ko bʉnə!

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.