1 Tèsàlonyà 5:8 - The New Testament in the Babanki language

⁸ Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

1 Tèsàlonyà 5:8 ပူးပေါင်းရင်းမြစ်များ

1 Kolìntyàns 13:13

Luwen, nyʉ̀ venə ə tàʼ, à lə əbyɨmə nə̀ kənyʉ̀ kì a vəghəŋ ə ki kəʼtə kəwenkə, kɨ nəmwèʼè la və lu ndiʼ, nə̀ kòŋə ə diʼ mu və faŋ li to nəmwèʼè ali no kənyʉ̀ ki a kə to chò a ntìntìn nyʉ̀ a ghèn diʼ əkòŋ.

2 Kolìntyàns 6:7

Nyìngòŋ ə ku li kədyòʼ a yès, yès sə shə̀ʼtə̀ to kənyʉ̀ ki a kə diʼi nəmwèʼè a viʼi. Əfo ghòŋ vi a yès ə soynə nə̀ wenəvə be kɨŋtə təwen ə tyestə tsu diʼ ando yès ə tsi a jisə tɨməsə.

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

Efisyàns 6:11

Ghə̀ŋ lyɨ̀ əfo ghòŋ vyi a Nyìngòŋ ə ku a ghə̀ŋ no ə tsèm ndi kɨ ə sòyn mənàŋ myimə a Deblə̀ ə baʼtə̀.

Efisyàns 6:23

Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

1 Tèsàlonyà 5:5

Byìʼì ando no ghə̀ŋ və tsèm ə tsi ntsìnə̀ ə jùŋə to nə̀ viʼi a və nè nyʉ̀, chwìchwì ə baynə. Vəghəŋ ə ko nè tebè nyʉ̀ alə ando və nè a kəlyomtə kò a kəbəŋ kə fenəkə.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

Hibùlù 6:19

Kəfo kì a vəghəŋ ə ki dyʉ̀sə nə̀ kəwenkə nə̀ ne la vəghəŋ ə nti bvɨtə, be tuʼtə, ne la vəghəŋ ə ntinə chò kəbàs kə ndisə kì a kə ghəsə ngə̀ŋ Nyìngòŋ, kwen zàʼa akəshi kə ŋwoʼkə yi a Nyìngòŋ ə diʼ tsu.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.