1 Tèsàlonyà 5:6 - The New Testament in the Babanki language

⁶ Ando kənyʉ̀ na ki ə sə diʼ alə, vəghəŋ ə kodiʼ ə nə̀ dèmə̀ bʉnə to nə̀ viʼi vətsenvə, vəghəŋ ə diʼ ə nə̀ boŋsə nyʉ̀ʼ, bvɨtə be ghaʼa təwen tə vəghəŋ,

1 Tèsàlonyà 5:6 ပူးပေါင်းရင်းမြစ်များ

Matìyò 13:25

Tʉʼ lə jɨ kətsi kətsenkə viʼi beynkə no vətsèm, wù kəbàyn ə wen tsen nyoʼtə dyʉ̀ wè kəfʉ̀ʼ tsu, mù lù.

Matìyò 24:42

Ando kə diʼì a lì, ghə̀ŋ ŋwʉʼ bvʉ̀tə̀ byìʼàndo ghə̀ŋ ko kɨ̀ kətsi kì a Bobo ghə̀ŋ ə lu vì.

Matìyò 25:13

Yesò gàʼ a lì mù gàʼ la, Ghə̀ŋ sə ŋwʉʼ lì, ghə̀ŋ ntsi kə̀ʼə̀ byìʼàndo ghə̀ŋ ko kɨ̀ kətsi ko zhʉ yi a Wàyn Wìʼ lu bwènə̀ vì.”

Matìyò 25:5

Lɨm wùwì ayì tàŋ a məvì, ngòynsə ki shì zìtə̀ sə myə̀ʼə̀ nə̀ mbəynsə.

Matìyò 26:38

Ghə̀ mù gàʼà vəwenə la, “Nyʉ̀ tsenəvə ku ngəʼ à mò à kwòʼtə̀ no nànto mu və zì və zhwi mo. Ghə̀ŋ ŋwʉʼʉ to a shèn mbvʉ̀tə̀ mà vi.”

Ŋwàʼlə̀ Mak 13:37

Kənyʉ̀ kèn a ma gàʼà à ghə̀ŋ lə ə dyʉ̀ à viʼi vətsèm. Ghə̀ŋ mbvʉ̀tə̀.”

Ŋwàʼlə̀ Luk 12:37

Ti shyèʼ sətsen bwənə pfwo kwetə viʼi shyèʼ wen bu sàŋlə sə diʼ à vəwenə. Ma gàʼ a ghə̀ŋ la no nkàyntə̀ wen à nè la vəwenə ŋwʉʼ a kəshi kə kəzhɨ, ghə̀ shɨtə wenə wen ə chòsə̀ fozhɨvə à vəwenə.

Ŋwàʼlə̀ Luk 12:39

Ghə̀ŋ kɨ la, ti ngə̀ŋ tu nkɨ zhʉ a tsòŋ a vì à wen a ngə̀ŋ, mu ghə̀ ko zì ghə̀ moʼtə la ghə̀ vi ə kwaʼ ngə̀ŋ wen.

Ŋwàʼlə̀ Luk 21:36

Ghə̀ŋ ŋwʉʼ no məzhʉ̀ tsèm bvʉ̀tə tò bvʉ̀tə be jɨ̀mə̀ la Nyìngòŋ ku kədyòʼ ghə̀ŋ cho fa tyì nyʉ̀ no tsèm a və lu nfʉ̀ tò nə̀ bwaʼmə ə tɨmə a kəshi kə nsoʼ ashɨ Wàyn Wìʼ.”

Ŋwàʼlə̀ Luk 22:46

Ghə̀ bèm a vəwenə la “Ghə̀ŋ bʉnə̀ byìʼì ghò? Ghə̀ŋ lu ə jɨ̀m ndì nè la kə mwòmsə̀ a vì ghə̀ŋ.”

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

1 Kolìntyàns 16:13

Ghə̀ŋ tsɨŋ təwen ətəŋtə əto a ghə̀ŋ a byɨmə. Ghə̀ŋ nkiʼ ətyɨm ə to ghə̀ kə ghə̀ŋ a fwaynə tebè kəfo.

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Filìbàyns 4:5

Ghə̀ŋ ə ntsi ntsìnə̀ bwaʼmə à viʼi vətsèm. Əzhʉ boʼsə ə Bobo bwenə vì.

Kòlòsyàns 4:2

Ghə̀ŋ ne njɨ̀mə̀ to jɨ̀mə̀, kə ghə̀ŋ a bwaʼ, ku kəzòŋ a Nyìngòŋ.

1 Tèsàlonyà 4:13

Vəlemə, yes ə kəŋ la ghə̀ŋ kɨ kənyʉ̀ ki a kə diʼi nəmwèʼè kumə viʼi vyi a və pfʉkə li. Yes ə kəŋ la ghə̀ŋ kɨ kənyʉ̀ na kènkə ndi kə ghə̀ŋ na di to nə̀ viʼi vətsenvə vyi a və ko kiʼ kwoʼtə la viʼi lu lù fa pfʉ.

1 Tèsàlonyà 5:10

Ghə̀ npfʉ̀ byìʼì vəghəŋ ndi vəghəŋ nə̀ vəwenə lu ndiʼ to muʼ azhʉ̀ a ghə̀ bwenə vi, kò vəghəŋ ndiʼ və to, ko və pfʉkə li.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

1 Timotì 2:15

Alì Nyìngòŋ lu bwòŋsə no te wùwì ko a ghə̀ bwi vunə, a zhʉ a ghə̀ nkwiʼ ətyɨm ə faŋ ə nto tò to a wen a byɨmə bè kòŋ viʼi vətsenvə bè tsi ntsìnə̀ yi a ghə̀ ko kiʼ məghàm. Ghə̀ diʼ ə ne ənyʉ̀ a venə nə̀ ətof.

1 Timotì 2:9

Mà be kəŋ la ki ə ndzènsə̀ ə lafə, kə a ndiʼ əlaf ə yi a ghə̀ zì ghə̀ nkù ngəʼ ashɨ ə viʼi. Kə vəwenə ə nyùʼù chòsə̀ ətʉ, we chòsə̀ mpfɨŋsə ko təfo tə ŋwòʼətə. Kə vəwenə ə lafsə təwen tə vəwenə nə̀ ndisə shi a əko yi ə to chòsə̀.

1 Timotì 3:11

Ki vi a və shyèʼ a ngə̀ŋ Nyìngòŋ be diʼ nkiʼ ntsìnə̀ ə jùŋ, ko vəwenə gaʼa kùwòŋ, ali dìʼ tò a vəwenə a ətof, ne no te ghò tò nəmwèʼè.

1 Timotì 3:2

Kətʉ a ken diʼ ndiʼ wìʼ a viʼi ko ghàmə̀ wen, ghə̀ diʼ ə nkiʼ tò wùwì ə mùʼ, kɨ ə ghaʼ wenə wen, bwaʼsə tyɨm wen, zhʉmə, tùʼmə̀ nə̀ viʼi ghayn, bè kɨ ə ziʼi viʼi və byɨməvə no a nkàyn.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Taytùs 2:12

Adìʼ əbòŋə tyɨm ə̀ Nyìngòŋ aghenə a ghə̀ dìʼsə̀ vəghəŋ la vəghəŋ ghʉsə ntsìnə̀ yì a Nyìngòŋ ə ko kòŋ bènə̀ koŋə fo nse, ə ntsi nə̀ mbwaʼmə̀, tsi ntsìnə̀ tɨmə be tsi a ji a Nyìngòŋ ə kəŋə a mbi ashyə̀.

Taytùs 2:6

Wù diʼ be dìʼsə mbvòʼò wìʼ to ndə̀ŋndəŋ əjì la vəwenə nghaʼa təwen tə vəwenə.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.

Kəmwetə 16:15

Mà zhʉ ando wìʼ ə gàʼà la, “Ghə̀ŋ zhʉtə a! mà vì a nə̀ tsòŋ. Əsaŋlə ne ə ndiʼ à wìʼ a ghə̀ ŋwʉʼ no a əzhʉ ə̀ kò bvʉ̀tə̀ nə̀ ndisə à wen a wen ndi kə ghə̀ ne jèʼ kənàʼ ntsuʼ a ntìntìn ə̀ viʼi.”

Kəmwetə 3:2

Ghə̀ŋ lukə lì fa mbəynsə ntùʼmə̀ nə̀ əbyɨmə tyetə yi a ghə̀ŋ bù kiʼi, a bwen a lì mu ghə̀ŋ a myètə pfʉkə byìʼàndo mà yen li la əshwèʼ ghəŋə ko kwʉ̀ʼ a shɨ Nyìngòŋ ghom.