1 Tèsàlonyà 5:23 - The New Testament in the Babanki language

²³ Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

1 Tèsàlonyà 5:23 ပူးပေါင်းရင်းမြစ်များ

Ŋwàʼlə̀ Luk 1:46

Mèli zìtə̀ sə̀ temə təpfem a Nyìngòŋ gàʼa la: Tyɨmə ghomə ku ghoʼsə a Bobo.

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

Lumans 15:5

Nyìngòŋ yi a ghə̀ ku ətyɨm ə to ghə̀ nə̀ ə wensə a ghə̀ŋ ə ne la ghə̀ŋ ntsi to nə̀ Yesò Klistò, diʼ to a kənyʉ̀ kə mùʼ a ghə̀ŋ a kwòʼtə,

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

1 Kolìntyàns 14:33

Byìʼàndo Nyìngòŋ ə ko kòŋ la viʼi ənè nyʉ̀ to mpfen. Ghə̀ kəŋ la viʼi nə̀ tsi nə̀ mbwaʼmə. A diʼ to lə a ntsèntə̀sə viʼi Nyìngòŋ diʼi ndiʼ no tèbe fe.

2 Kolìntyàns 5:19

Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 1:6

Ma be ku alə̀ byìʼì ando ma kɨli nəmwèʼè la shyèʼ ə jùŋghə ghenə a Nyìngòŋ ə zìtə̀ a ghə̀ŋ a ntìntìn lə dyʉ̀ to nə̀ mbì ə zàʼa fa kətsi yi a Yesò Klistò lù bwenə vì.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

Kòlòsyàns 1:22

ali Nyìngòŋ ə sə diʼ luwen mu ghə̀ ne li ghə̀ŋ bwensə vi a wen, byìʼì əpfʉ̀ ə kətsoʼ kə wen yì a Wàyn wenə əpfʉ ndi ghə̀ŋ tɨmə ashɨ Nyìngòŋ laynə, ko ghə̀ŋ le kiʼ ə mbyɨ ə tsèn ko wu ki kənyʉ̀ a wìʼ zi ghə̀ gham wu tsu.

1 Tèsàlonyà 2:19

Ma ə kəŋ ə vi a ghə̀ŋ byìʼì ando à diʼ ghə̀ŋ a ghə̀ŋ nè la yes ə kiʼ əkwoʼtə be nè yes saŋlə, diʼ lù fʉ naynə kumə kəfo kì a yes ə lu ə kiʼi azhʉ̀ a Bobo vəghəŋ Yesò bwenə li nvi. A kəfo na kì kə ə diʼ to no ghə̀ŋ?

1 Tèsàlonyà 3:11

Yes ə jɨ̀mə̀ la Nyìngòŋ ə vəghəŋ, ə Ti fa wen a ngeŋ wenə Bobo vəghəŋ Yesò nè la kə kənyʉ̀ kə taʼsə la kə yo wen vi yen ghə̀ŋ.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

1 Tèsàlonyà 4:3

Nyìngòŋ ə kəŋ la ghə̀ŋ ntsi ntsìnə̀ yì a ghə̀ kəŋ, ghə̀ le kəŋ la, kə wìʼ fa ghə̀ŋ nə̀ tsi nə̀ wì wìʼ kò wenə lɨmə wìʼ no faphen,

1 Tèsàlonyà 5:22

ə yen nə̀ ki a kodiʼ nəmwèʼè, ghə̀ŋ tensə.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Hibùlù 2:11

Yesò, a ghə̀ ne la viʼi ndiʼ nə̀ laynə ashɨ Nyìngòŋ wenə viʼi na venə ə tsèntə ndiʼ to vunə Nyìngòŋ. A le kənyʉ̀ ki a Yesò toŋtə vəwenə la vəlemə, ko kətʉ̀ kə wen kə lu ndiʼi.

Hibùlù 4:12

Kənyʉ̀ kə Nyìngòŋ kə diʼ alə̀ diʼ tosə kə tsi, kiʼi kədyòʼ be lyɨmə chò no tèbe nyi ə ngwoləŋ ə kò. Kə sù wìʼ, kə kwen zàʼa a wen a tyɨm ə dyʉ̀ kum kəzhwì kə wen, ə be chò no fa wen zhʉŋ ə kwoŋ. Kənyʉ̀ kə Nyìngòŋ kə diʼi Laynsə əkwoʼtə ə wìʼ.

Jems 1:4

Ghə̀ŋ tuʼmə la əghaʼa tyɨm ghə̀ŋ aghenə shyèʼ əshyèʼ wen ə zaʼa fa kəmwètə̀ ndi ghə̀ŋ ə nlansə̀ diʼ viʼi və juŋəvə a nyʉ̀ tsèm kò a ndiʼ la ghə̀ŋ ə̀ gho kəfo.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 3:14

Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.