1 Tèsàlonyà 5:21 - The New Testament in the Babanki language

²¹ Ghə̀ŋ boŋsə kaʼtə no nyʉ̀ ə tsèm ə yen la, və le lù to no fa Nyìngòŋ ə lo. Ghə̀ŋ yen to kə nəmwèʼè kə ghə̀ŋ a byɨmə,

1 Tèsàlonyà 5:21 ပူးပေါင်းရင်းမြစ်များ

Ŋwàʼlə̀ Luk 12:57

“Byìʼì ghò a ghə̀ŋ yenə kò ghə̀ŋ lu kɨ fà ghə̀ŋ ngəŋsə kənyʉ̀ kə tɨmə kə ənè a?

Joyn 15:4

Ghə̀ŋ faŋ a mò ndi mà be faŋ a ghə̀ŋ. Ando ntam ə fəkoʼ zizi ko ghə̀ lu kumə ashɨ fa ngeŋ, ghə̀ diʼ ə ndiʼ a fəkoʼ mibu ghə̀ a kumə ashɨ. Kə le diʼ to ndə̀ŋndəŋ ando ghə̀ŋ zizi ko ghə̀ŋ lu kumə ashɨ, a bwen la ghə̀ŋ fàŋ a mo wen.

Joyn 8:31

Yesò ə ngaʼa li a viʼi Jus vyi a və byɨmə a wen la, “Ghə̀ŋ sətsen ghaʼ ziʼi ə ghomə mu ghə̀ŋ lutə diʼ to no ndzɨ̀mtə̀sə bàm ə mo.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 12:9

Ghə̀ŋ sə nkòŋ viʼi, ghə̀ŋ ə nsùtə̀ kòŋ no nkayn, kə ghə̀ŋ a lobtə lobtə. Ghə̀ŋ ə mbàynə̀ mbyɨ, shɨtə ghaʼ ə nyʉ̀ ə jùŋə və.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Kolìntyàns 2:11

A diʼ to kəzhwì kəŋwoʼkə kì a kə diʼ a wìʼ a wèn a kə kɨ mwetə wìʼ ayi. Kə le diʼ to ndə̀ŋndəŋ ando wìʼ zizi ko ghə̀ lu kɨ kənyʉ̀ kì a kə diʼ a kwòʼtə Nyìngòŋ, a bwen to Kəzhwì kə Nyìngòŋ.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

Efisyàns 5:10

Ghə̀ŋ mwomsə ziʼi ə kɨ be ne nyʉ̀ vyi a və nè Bobo ə saŋlə.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 3:16

No tè be ali, vəghəŋ diʼ ə nè tò a ənyʉ̀ vyi a Nyìngòŋ ə ndiʼì li à vəghəŋ, vəghəŋ sə̀ nè fa ambì.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.

1 Tèsàlonyà 5:15

Kə wìʼ fa ghə̀ŋ nə̀ bwensə mbyɨ nə̀ mbyɨ, ghə̀ŋ mwomsə ə nè nyʉ̀ ə jùŋə və a ghə̀ŋ təwen, be nè a viʼi və tsèm.

1 Tèsàlonyà 5:22

ə yen nə̀ ki a kodiʼ nəmwèʼè, ghə̀ŋ tensə.

2 Tèsàlonyà 2:15

Yès sə gaʼa a ghə̀ŋ a vəlemə la, ghə̀ŋ ghaʼ əbyɨmə ə ghəŋə, kə ghə̀ŋ a byɨmə la wìʼ ə nè, ghə̀ŋ moʼtə ziʼi nəmwèʼè yì a yès ə nziʼi a ghə̀ŋ lì ə be nyòʼ a ghə̀ŋ a ŋwàʼlə̀ lì.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

2 Timotì 3:6

Viʼi vətsenvə ə diʼ a ntìntìn nə̀ vəwenə, jèʼè kwenə a aloʼ ə̀ viʼi, lobtə ki vyi a və ne li nchosə nyʉ̀ ə byɨvə ə sə kiʼ tətyɨm tə bwaʼa tə. Vəwenə ne li, ki a venə ə sə tsi tò a vəwenə a tyì soʼ.

2 Timotì 4:14

Alèksandà a ghə̀ tì kəlàm tə mwòm kənyʉ̀ à mò wen kə fànsə̀ no nànto. A ne loʼ to Bobo loʼ wen byìʼì kənyʉ̀ a kì.

Hibùlù 10:23

Vəghəŋ ghaʼ kənyʉ̀ ki a vəghəŋ ə kɨ la kə diʼ nəmwèʼè ə to tsu kə vəghəŋ be a nə̀ʼkə̀, byìʼì ando Nyìngòŋ ə ghʉ̀ no ghò, ghə̀ ne to ali.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.

Kəmwetə 2:25

Mà gàʼà tò la ghə̀ŋ ə nshɨ̀tə̀ nè tò kənyʉ̀ a ghə̀ŋ tə nè əzaʼa azhʉ a mà bwènə̀ vì.

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.

Kəmwetə 3:3

Ghə̀ŋ bwensə̀ kwòʼtə̀ ənyʉ̀ vyi a və ndìʼsə̀ ghə̀ŋ tsu bènə̀ ə̀vi a ghə̀ŋ ə̀ nzhʉ. Ghə̀ŋ kwitə tətyɨm ə təŋtə fà ghə̀ŋ ə mbyɨsə nè ənyʉ̀ a vyi. Ghə̀ŋ sətsèn ə̀ fàŋ ke lùkə̀, mà bvʉ̀tə̀ vì à ghə̀ŋ tò nə̀ tsòŋ kèn la ghə̀ŋ a kɨ zhʉ a mà vì.