1 Tèsàlonyà 5:14 - The New Testament in the Babanki language

¹⁴ Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

1 Tèsàlonyà 5:14 ပူးပေါင်းရင်းမြစ်များ

Matìyò 12:20

Ghə̀ lu nlutə̀ nə̀ viʼi a və bwaʼa kò a ndiʼ la ghə̀ lu ə nyàblə̀ nə̀ viʼi a və ko kiʼ ngyàmtə̀. Ghə̀ a ə nè tò a lì əzaʼa fa zhʉ a ghə̀ a temə ghoŋ wenə̀ mbi ə zhɨ ə mu ghʉ soʼ tɨməghə.

Ŋwàʼlə̀ Luk 22:32

alì ma jɨ̀məli a wù la kə byɨmə wù a fəŋ mè. Zhʉ a wù bwènsə̀li vi a mò wu tomsə vəlèmə̀ vyə”.

Shwèʼ 20:27

byìʼàndo ma ko tə lyòmtə̀ kənyʉ̀ fa ghə̀ŋ byìʼì kənyʉ̀ kì a Nyìngòŋ ə baʼtə̀ ənè.

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

Shwèʼ 20:35

Ma diʼì li à ghə̀ŋ tò a jisə a jisə la ghə̀ŋ diʼi nshwèʼè nə̀ kədyoʼkə to nə̀ mò ndi vəghəŋ ngyàmtə̀ viʼi a və bwaʼa. Vəghəŋ sə ngyàmtə̀ a lì, vəghəŋ nkwòʼtə̀ kənyʉ̀ kì a Bobo vəghəŋ Yesò ngaʼà tò nkàntə̀ wen la, Saŋlə diʼ à wìʼ yì a ghə̀ ku chò ando ghə̀ diʼ à wìʼ yì a ghə̀ shi tò shi.

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

1 Kolìntyàns 4:14

Ma ko nyoʼo tebè nyʉ̀ venə alə̀ ndi diʼsə kətʉ kəŋkə̀, ma boŋsə nyòʼtə̀ ə ziʼi ghə̀ŋ to nə̀ vunə əkòŋ ə mò.

1 Kolìntyàns 8:7

Nò tèbè ali, à ko diʼ viʼi və tsèm a və kɨ kənyʉ̀ a kènkə. Viʼi vətsenvə sə diʼ mù kənyʉ̀ kə vənyìngòŋ na kènkə kɨŋtə li vəwenə, vəwenə sə ə zhɨ̀ əfo ə zhɨvə a və mòʼo Vənyìngòŋ tsu no zhʉ̀ko, vəwenə faŋ ə sə kwòʼtə̀ kənyʉ̀ a kì to kwòʼtə. A lə kənyʉ̀ kì a kə byɨbsə tə kwòʼtə̀ tə vəwenə byìʼì ando ghə̀ bwaʼa.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Efisyàns 4:2

Ghə̀ŋ ə ngumlə̀ təwen ə tyəŋtə, bwaʼmə be wensə, lyesə ku ənyʉ̀ shweləvə byìʼì kòŋ.

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

2 Tèsàlonyà 3:15

Alì kə ghə̀ŋ na nè nyʉ̀ a wen alə̀ ando ghə̀ŋ nè a viʼi kəbàyn ghə̀ŋ, ghə̀ŋ ə boŋsə ku kətyiftə a wen to ando ghə̀ŋ kù a lèmə̀ ghə̀ŋ.

1 Timotì 3:3

A ko diʼ ə ndi wìʼ a ghə̀ nyʉ məlyʉ̀ʼ bomə, ko ghə̀ zəʼtə viʼi, ghə̀ ko ne nyʉ̀ to kəntolə̀, ko ghə̀ diʼ wù kəŋ nsoʼo, ko wù ntaŋ, ashɨ ə wen ə ko diʼ mbò a ko.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Taytùs 1:10

Mà gàʼà alə̀ byìʼàndo viʼi diʼ no vəghoʼo a və ko zhʉ gɨ̀, gàʼà tò əgàʼ zɨmghə be lobtə̀ viʼi. Nyʉ̀ avenə tùʼù nè vəjew vyi ə bwensə li ə sə dzɨ̀mtə̀ Klistò.

Taytùs 1:6

Chəʼ ngə̀ŋ Nyìngòŋ diʼ ndiʼ wìʼ yì a və ko ghàm mə ə wen a nyʉ̀ mu ghə̀ ne li, kiʼ tò wùwì muʼ. A diʼ ndiʼ wìʼ a vunə wen diʼ viʼi vəbyɨməvə, zhʉmə, kènla vəwenə tsi ntsìnə̀ kətolə̀.

Hibùlù 12:12

Ando ghə̀ŋ ə kɨli lə, kə bòŋ la ghə̀ŋ bwensə tosə tətyɨm ə nki dyʉ̀sə to nə̀ mbì. Kə wìʼ na zhwesə akwoŋ.

Hibùlù 13:3

Ghə̀ŋ nkwoʼtə viʼi vyi a və diʼi a ngə̀ŋ nfɨŋ, sə vye vəwenə diʼ amuʼ tsu. Ghə̀ŋ be nkwoʼtə viʼi vyi a və yenə ngəʼ, to sə vye vəwenə yenə ngəʼ a yi amuʼ.