1 Tèsàlonyà 4:11 - The New Testament in the Babanki language

¹¹ Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.

1 Tèsàlonyà 4:11 ပူးပေါင်းရင်းမြစ်များ

Ŋwàʼlə̀ Mak 13:34

Kə lu ndiʼ to nə̀ wìʼ a ghə̀ sə ndyʉ̀ a jèʼ nghʉ viʼi shwèʼ wen la və nlye fo wen, no mə ndò kiʼ kətʉ kə shwèʼ wen a ghə̀ ku. Ghə̀ mù gàʼ à wìʼ a ghə̀ ti a chʉ mbàyn la ghə̀ ntùʼtə̀ lyè.

Shwèʼ 18:3

wenə̀ vəwenə sə tsi be tsèntə nè təshyèʼ a muʼu byìʼàndo vəwenə mbe tasə fo tò nə̀ Bol nə̀ gwʉsə nyamsə, shɨ̀tə̀ təto tsu.

Shwèʼ 20:35

Ma diʼì li à ghə̀ŋ tò a jisə a jisə la ghə̀ŋ diʼi nshwèʼè nə̀ kədyoʼkə to nə̀ mò ndi vəghəŋ ngyàmtə̀ viʼi a və bwaʼa. Vəghəŋ sə ngyàmtə̀ a lì, vəghəŋ nkwòʼtə̀ kənyʉ̀ kì a Bobo vəghəŋ Yesò ngaʼà tò nkàntə̀ wen la, Saŋlə diʼ à wìʼ yì a ghə̀ ku chò ando ghə̀ diʼ à wìʼ yì a ghə̀ shi tò shi.

Lumans 12:11

Kə ghə̀ŋ ne bwaʼa. Ghə̀ŋ ə ghàblə̀, shyèʼ a Bobo no nə̀ tətyɨm ə təŋtə no tətsèm.

Lumans 15:20

Mà tuʼtə kòŋ to ə shə̀ʼtə̀ ntɨm ə jùŋ ashi a viʼi ko təmə ə zhʉ̀ kənyʉ̀ tsu kumə Yesò. Ma ko kòŋ ə bè ə shə̀ʼtə̀ a kəshi mu viʼi sə kɨ kənyʉ̀ tsu kumə Yesò, kə kə ne diʼi la ma shyèʼè a kəshi ə wù kədyàŋ.

1 Kolìntyàns 4:12

Yès ə shyèʼè li shyèʼè to ghə to no nə̀ avu a yèsə. A zhʉ a viʼi telə yès, yès sə boŋsə jɨ̀mə̀ la Nyìngòŋ ə mbwàʼsə vəwenə bwàʼsə, a zhʉ a və ku ngəʼ a yès, yès ə sə wensə to wensə.

2 Kolìntyàns 5:9

A le kənyʉ̀ ki a vəghəŋ ə mwomsə no nànto ə nè nyʉ̀ vyi a və bòŋ a Bobo, kò vəghəŋ diʼ a wèn ashə̀, kò vəghəŋ kə be kiʼ ə wèn a ghenə.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

1 Timotì 2:2

Ghə̀ŋ ə njɨ̀mə̀ à təfòyn tə, nə̀ viʼi vyi a və tisə viʼi ndi vəghəŋ ə ntsi to no nə̀ mbwaʼmə bè jèʼè tò a jisə jùŋsə sə tsèm shisə a Nyìngòŋ ə kəŋ la və ə njèʼè fa tsu, tsi ntsìnə̀ ə jùŋ ashɨ ə̀ viʼi.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

1 Bità 3:4

Əboŋ na yi ə boŋsə diʼ ə ndiʼ a ghə̀ŋ a ntsìnə̀sə. Tənki tə bòŋ nà tèntə ə diʼ bòŋ kəzhwì, məbwaʼmə, ə ko nə̀ musɨ, be kuʼmə ashɨ Nyìngòŋ.

1 Bità 4:15

Kə wìʼ ə fa ghə̀ŋ a yenə ngəʼ mu ghə̀ zhwi wìʼ, kò byìʼì ando ghə̀ tsoŋ, kò byìʼì ando ghə̀ nè kənyʉ̀ kə kəbyɨkə, kò ando ghə̀ ten əchʉ̀ wen a wìʼ a kənyʉ̀.