1 Tèsàlonyà 3:5 - The New Testament in the Babanki language

⁵ A le kənyʉ̀ ki a ghə̀ŋ tə nè ma tensə Timotì. Mà tə tensə la ghə̀ vi yen la, ghə̀ŋ le tuʼ ə choʼsə Yesò lò byìʼì ando ma zizi ko ma be kwiʼ ətyɨm ə ntsi, ko ma kɨ la à fʉ ghò fʉ ghə̀ŋ lo. Mà tə sə kwoʼtə to la Deblə̀ zizi ghə̀ ə ndiʼ mù ghə̀ mwomsə li ghə̀ŋ, shwèʼè ə yesə əle to kədyàŋ.

1 Tèsàlonyà 3:5 ပူးပေါင်းရင်းမြစ်များ

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Shwèʼ 15:36

Mətsi mə tsènə̀ chò, Bol gàʼ à Balnabas la, “Yowù bwènsə̀ jèʼ ə̀ ghayntə vəlèmə̀ və yowù a ntə̀ʼsə shì a yowù dìʼ mu yowù shə̀ʼtə̀ li ntɨm jùŋ tsu byìʼì Bobo ə yen la byɨmə vəwenə bo to dyʉ̀ tò nə̀ mbì lo.”

1 Kolìntyàns 7:5

Kə wìʼ na tyenə ə tsen kəshi wenə wi wen ko lɨmə wen, a bwen to la à byɨmə ghə̀ŋ vətsèm byìʼì ando ghə̀ŋ kəŋ ə lyɨ̀ əzhʉ a yi ə ne əjɨ̀m. Alì əzhʉ a yi me, ghə̀ŋ bwensə ə ntsi ntsìnə̀ lam, a bwen ali, ə mwòmsə ə Satan a nè, ghə̀ŋ fəŋ byìʼì ando ghə̀ŋ zizi ko ghə̀ŋ lu kɨ ə ghaʼ təwen ə təŋtə.

2 Kolìntyàns 2:11

Ma nè alə̀ byìʼì ando ma ko kòŋ la Satan a kwen a kənyʉ̀ na yi, byìʼì a vəghəŋ ə kɨ li mɨ̀naŋ mə wen.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Gàlesìyà 2:2

Ma nkuʼ tsu byìʼì ando Nyìngòŋ ə diʼi a mò la ma diʼ ə kuʼ. A ndiʼ to ando ma diʼi tsu, ma nyoʼtə gàʼ to fa abàm fa abàm yo viʼi vyi a və ndiʼ tʉtʉ ntsèntə̀sə viʼi vəbyɨməvə a Jelusalèm, ə shətə shə̀ʼtə̀ ntɨm ə jùŋ yì a ma ə nshə̀ʼtə̀ a viʼi a nko diʼ viʼi Jus. Ma ə nshə̀ʼtə̀ ali ndiʼ shyèʼ yì a ma ne luwen nə̀ yi a mà tə nè, kə ghə̀ lə lè to kədyàŋ.

Gàlesìyà 4:11

Ma ə fwàynə̀ la ma tə nghomə̀ to ə wèn a mò a shwèʼ yi a mà tə ne a ghə̀ŋ.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Filìbàyns 2:16

Ghə̀ŋ ə ntsi ando ntɨm ə̀bwòŋ ghèn ə ziʼì la və ntsi ndi à lu ndiʼ a kətsi a Klistò ə bwènə̀ vì, mà ə nsaŋlə̀ la mà ko nshwèʼè kwàʼtə̀ əwen ə ghomə tò kədyàŋ.

Filìbàyns 2:19

Sətsen Bobo Yesò a tomsə mo ə mà tɨm Timotì à ghə̀ŋ to mətsi ghèn ndi ghə̀ bwenə vì ə̀ shyə̀ʼtə̀ soʼgho à mò byìʼì ghə̀ŋ ə̀ nè ma ə nsaŋlə̀.

1 Tèsàlonyà 2:1

Vəlemə, no ghə̀ŋ fa ghə̀ŋ a ngeŋ diʼ ə kɨ la məvi yì a yes ə nvi ə gyàmtə̀ ghə̀ŋ li nko lè kədyàŋ.

1 Tèsàlonyà 3:6

Timotì bwensə li vi luwen ə shə̀ʼtə̀ ntɨmə ə jùŋ a yes la ghə̀ŋ bo choʼsə to Yesò, be kòŋ viʼi vətsenvə. Ghə̀ be ə gàʼ la ghə̀ŋ kwòʼtə̀ yes no zhʉ̀ko, a ghə̀ŋ saŋlə to alə, kòŋ ə yen yes tamə ando yo wen ə kòŋ ə yen ghə̀ŋ.