1 Tèsàlonyà 3:3 - The New Testament in the Babanki language

³ be nè la kə wìʼ fa ghə̀ŋ na faŋ ko ghə̀ be ə choʼsə Yesò byìʼì ngəʼ yì a viʼi ə ku a wen. Nò ghə̀ŋ ə kɨ la ngəʼ na sensə diʼ vi a vəghəŋ.

1 Tèsàlonyà 3:3 ပူးပေါင်းရင်းမြစ်များ

Ŋwàʼlə̀ Luk 21:12

Nyʉ̀ a venə lu sə nchò mu və ghaʼtəli ghə̀ŋ a loʼ ntsentə və Jus ə be wye ghə̀ŋ a mpfɨŋ. Və lu kyè ghə̀ŋ ə dyʉ̀ nə̀ ghə̀ŋ a shɨ təfòyn tə bènə̀ viʼi a və soʼ tò byìʼì mò.

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Shwèʼ 2:25

A diʼ ando fòyn Devìt ə̀ ngaʼà li byìʼì Yesò la, ‘Mà nyenə Bobo Nyìngòŋ à mò a shɨ tò məzhʉ̀ ntsèm, ghə̀ diʼ à mò a shyə kwoŋ toghə, ndi kə no kəfo kətsenkə à nə̀ʼsə̀ mò.

Shwèʼ 21:11

Ghə̀ vì shì kətəŋ kə Bol ə̀ kwìʼ aghʉ wen nə̀ avu wen tsu tò fà wen a ngə̀ŋ ə̀ gàʼ la, “Kəzhwì kə ŋwòʼəkə gàʼ la, a lè ando Vəjew vi a və diʼì a Jelusalèm ne kwiʼ wìʼ yì a ghə̀ kiʼì kətəŋ kènkə ə ku wen à tɨmə.”

Shwèʼ 21:13

alì Bol bwènsə̀ gàʼ la, “Ghə̀ŋ ə nè ghò lə̀? Byìʼì ghò a ghə̀ŋ ə ku ngəʼ à mò a tyɨm a? Mà ko kə̀ʼtə̀ ə və kwiʼ mò tò kwiʼi a Jelusalèm, mà kə̀ʼtə̀ əpfʉ tè pfʉ byìʼì Bobo Yesò.”

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Lumans 5:3

Vəghəŋ ə nsaŋlə̀ to saŋlə a ntìntìn ngəʼ yi a vəghəŋ ə yenə byìʼì ando vəghəŋ ə kɨ la ngəʼ ə vi nə̀ ghaʼa tyɨmə.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Kolìntyàns 4:9

Kə kə̀ʼə̀ a mò la Nyìngòŋ ə ghʉ̀ li la yès ə viʼi ntɨm ko diʼ no kəfo, diʼ ə pfʉkə ashɨ viʼi. Kə kə̀ʼə̀ la yès ə diʼ viʼi a və soʼ li ə sə diʼ ə zhwi to ashɨ ə mbyi ə tsèm boʼsə nə̀ ətsɨŋsə Nyìngòŋ sə.

Efisyàns 3:13

A lə kənyʉ̀ kì a ma gaʼa a ghə̀ŋ la kə ghə̀ŋ a bwaʼ byìʼì ngəʼ yì a ghə̀ŋ zhʉ̀ la ma yenə byìʼì ghə̀ŋ. Ghə̀ŋ diʼ ə kɨ la nyʉ̀ a vyi ə diʼ to ghə̀ŋ a njùŋ.

Filìbàyns 1:28

Kə ghə̀ŋ nè fwàynə̀ viʼi vyi a və tamə ghə̀ŋ. Ghə̀ŋ nè kiʼ ətyɨm ə to ghə̀. Ghə̀ŋ sətsen ə nè alə, ghə̀ŋ diʼi a vəwenə la Nyìngòŋ a byɨbsə vəwenə ə bwoŋsə ghə̀ŋ. A diʼ shyèʼ Nyìngòŋ.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

1 Tèsàlonyà 5:9

Vəghəŋ diʼ ə nə̀ alə byìʼì ando Nyìngòŋ ə ko wʉ vəghəŋ ashə ə ku ngəʼ a vəghəŋ. Ghə̀ nè alə ndiʼ Bobo vəghəŋ Yesò Klistò bwoŋsə vəghəŋ.

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

1 Bità 2:21

A diʼ kəshi ə kəŋkə̀ ghə̀ŋ yenə ngəʼ na ghèn byìʼì ando Yesò ə yen li to ndə̀ŋndəŋ ə ngəʼ byìʼì ghə̀ŋ ə diʼ nchwi a ghə̀ŋ la ghə̀ŋ be yenə ngəʼ to nə̀ wen.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.