1 Tèsàlonyà 3:13 - The New Testament in the Babanki language

¹³ Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

1 Tèsàlonyà 3:13 ပူးပေါင်းရင်းမြစ်များ

Matìyò 25:31

“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen.

Ŋwàʼlə̀ Mak 8:38

No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”

Ŋwàʼlə̀ Luk 1:6

Vəwenə vətsèm ntsi kətsi kə tɨmə kə a shɨ Nyìngòŋ. Nè nyʉ̀ vyi a və gàʼ no tsèm bè ghʉ təsoʼ tə Nyìngòŋ no tətsèm, kò vəwenə lə nkiʼ məghàm no fa mpfen

Lumans 14:4

Wù diʼ no ndò ə nsoʼo wù ə shwèʼè ə wù ə kədyàŋ a? A diʼ to tì shyèʼ ə wen ə kɨ la ghə̀ ne a nkàyn mu ghə̀ ko ne a nkayn lo, ali mu ghə̀ zizi ko ghə̀ lu fəŋ byìʼì ando Bobo kiʼi kədyòʼ a tomsə ə wen.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 15:23

Nò ndò lu lù fa pfʉ to a wen azhʉ. Yesò ə ndiʼ mbì ə lù, diʼ lu be vì ə lùsə viʼi vyi à diʼ viʼi wen.

Gàlesìyà 1:4

Yesò ə nku li wen ə wen ə pfʉ byìʼì mbyɨsə vəghəŋ ə bwoŋsə vəghəŋ fa mbyi ghèn a mbyɨ ə ghoʼ tsu lə̀. A diʼ to kənyʉ̀ ki a Nyìngòŋ ə Tìʼ vəghəŋ ə nkəŋə.

Efisyàns 5:27

Ghə̀ ə nè alə ndi ghə̀ sə lyɨ̀ ngə̀ŋ Nyìngòŋ a nə̀ wùwì əfi ə lam ə wen, ghə̀ ndiʼ ko və ghamə wen, laynə, ko ndiʼ la ghə̀ kiʼi kəməŋ, ko ndiʼ la ghə̀ kiʼi kəlas, ko ndiʼ la ghə̀ kiʼi əmbyɨ ə tsèn.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Kòlòsyàns 1:22

ali Nyìngòŋ ə sə diʼ luwen mu ghə̀ ne li ghə̀ŋ bwensə vi a wen, byìʼì əpfʉ̀ ə kətsoʼ kə wen yì a Wàyn wenə əpfʉ ndi ghə̀ŋ tɨmə ashɨ Nyìngòŋ laynə, ko ghə̀ŋ le kiʼ ə mbyɨ ə tsèn ko wu ki kənyʉ̀ a wìʼ zi ghə̀ gham wu tsu.

1 Tèsàlonyà 2:19

Ma ə kəŋ ə vi a ghə̀ŋ byìʼì ando à diʼ ghə̀ŋ a ghə̀ŋ nè la yes ə kiʼ əkwoʼtə be nè yes saŋlə, diʼ lù fʉ naynə kumə kəfo kì a yes ə lu ə kiʼi azhʉ̀ a Bobo vəghəŋ Yesò bwenə li nvi. A kəfo na kì kə ə diʼ to no ghə̀ŋ?

1 Tèsàlonyà 3:11

Yes ə jɨ̀mə̀ la Nyìngòŋ ə vəghəŋ, ə Ti fa wen a ngeŋ wenə Bobo vəghəŋ Yesò nè la kə kənyʉ̀ kə taʼsə la kə yo wen vi yen ghə̀ŋ.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

1 Tèsàlonyà 4:15

Kənyʉ̀ ki a yes ə ziʼi a ghə̀ŋ diʼ to kənyʉ̀ ki a Bobo ə ziʼi. Vəghəŋ vi a və bo tsì a mbi ko lə yen Yesò ambì ə viʼi vyi a və pfʉkə li a kətsi yi a ghə̀ bwenə vi.

1 Tèsàlonyà 4:17

Nyìngòŋ ə lu lyɨ vəwenə nə̀ vəghəŋ və tsèm vi a və bò tsì, və dyʉ̀ bumtə nə̀ Bobo a boʼsə akàŋ, vəghəŋ nə̀ wen faŋ to amuʼ to məzhʉ̀ ə tsèm.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Tèsàlonyà 1:10

A lu ndiʼ ando ghə̀ vi a kətsi na yi, viʼi Nyìngòŋ və tsèm ndiʼ nə̀ əkaynə, ku əkuʼsə a wen. No ghə̀ŋ lu bè boŋ diʼ a ntìntìn ə viʼi na venə byìʼì ando ghə̀ŋ byɨmə li nyʉ̀ vyi a yès tə ə shə̀ʼtə̀ a ghə̀ŋ.

2 Tèsàlonyà 1:7

Ghə̀ lu nè, ghə̀ŋ viʼi a ghə̀ŋ nyenə ngəʼ luwen ghə̀ŋ kiʼi nzhʉtə, yes boŋ kiʼi. Ghə̀ ə lu nè kənyʉ̀ na kènkə azhʉ̀ a Bobo Yesò bwensə shiʼi vi fa akàŋ ə diʼi wenə wen wenə ə ntsɨŋsə wen a sə kiʼi kədyòʼ.

2 Tèsàlonyà 2:1

Yès ə kəŋ ə gàʼ a ghə̀ŋ kumə to əvi ə Bobo vəghəŋ Yesò Klistò, be kumə ando vəghəŋ və vəwenə lu ə tsèntə diʼ amuʼ. Yès ə sensə ghə̀ŋ a vəlemə la,

Jems 5:8

Nkàntə̀ ghə̀ŋ bè diʼi ə nwensə̀ tò a lì. Ghə̀ŋ ghaʼ tətyɨm ə təŋtə tə to byìʼe məbwènə̀ vì Bobo boʼsə li.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Ŋwàʼlə̀ Jud 1:14

Enòk, a ghə̀ vi a bàm ə ngwaʼ viʼi ntʉfə ə zìtə̀ fa chʉʼ Adàm. Ghə̀ ngaʼa li byìʼì, viʼi venə la “Ghə̀ŋ yen a, Bobo lu vi wenə ətsɨŋsə wen sə laynəsə, sə diʼ to kədə̀ŋ,

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.