1 Tèsàlonyà 2:8 - The New Testament in the Babanki language

⁸ Yes ə shə̀ʼtə̀ ntɨm ə jùŋ a ghə̀ŋ mu à ku Nyìngòŋ, be ku təwen ə tyetə a ghə̀ŋ, byìʼì ando yes ə kòŋ ghə̀ŋ no nànto.

1 Tèsàlonyà 2:8 ပူးပေါင်းရင်းမြစ်များ

Ŋwàʼlə̀ Luk 7:2

Kətʉ kə ve sugyèʼ viʼi Lum vətsenvə ndiʼ tsu, kiʼ wù shyèʼ wen, a ghə̀ nkòŋ wen no nə̀ nànto. Wù shyèʼ a ghèn nkwaʼa no nànto, sə diʼ tò mə pfʉ.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 10:1

Ma kòŋ no nànto be jɨ̀mə̀ to jɨ̀mə̀ a vəlemə vwomə la Nyìngòŋ ə bwoŋsə viʼi Jus.

Lumans 15:29

Ma kɨli la ma sə nvi ghayntə ghə̀ŋ ə Yesò tsentə bwaʼsə vəghəŋ no nànto.

2 Kolìntyàns 12:15

Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Gàlesìyà 4:19

Vunə vwomə və juŋəvə, ma zhʉ̀ lɨ̀m kumə ghə̀ŋ to no ando luwàyn nə̀ azhʉ̀ lɨm ə wàyn. Ma ne nzhʉ lɨ̀m to alə ə zaʼa ando ghə̀ŋ ne ntsi ntsìnə̀ to nə̀ Klistò.

Filìbàyns 1:8

Nyìngòŋ zi ghə̀ tɨmə a nə̀ ncho nsoʼ la ma kòŋ ghə̀ŋ no nə̀ tyɨm ə ghomə no tsèm nə̀ kòŋ yì a Yesò Klistò ə diʼi fa wen ngə̀ŋ.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Filìbàyns 2:20

A dìʼ tò wen a ghə̀ kiʼì əkwoʼtə a mà kiʼì byìʼì ghə̀ŋ be kòŋə̀ ə ngyàmtə̀ ghə̀ŋ.

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

Kòlòsyàns 1:7

Ghə̀ŋ nziʼi ntɨmə jùŋə na ghèn fa Èbafàlàs. Yès əkòŋ wen no nànto yo wen tsentə shwèʼè a Yesò. Ghə̀ shwèʼè a Klistò nə̀ tyɨmə wenə no tsèm. Ghə̀ shwèʼè ə shwèʼ a yès tə ndiʼ nshwèʼè.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

Filimùyn 1:1

A nyòʼò mò Bol nyoʼtə ŋwàʼlə̀ ghèn a wù a Filimùyn. Ma diʼ a ngə̀ŋ nfɨŋ byìʼì ando ma tə shwèʼè a Yesò Klistò. Yo Lèmə̀ vəghəŋ wu byɨmə Timotì ə tɨmə ə toŋtə ə wù. Wù diʼ wù ndoŋ ə yès, Yès ə kòŋ wù no nànto, wù shwèʼè a Yesò ndə̀ŋndəŋ to nə̀ yès.

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

1 Joyn 3:16

Vəghəŋ ə kɨ əkòŋ ə chò fa kènkə la: Yesò Klistò ə nku li sàŋ kətʉ wen ə̀ pfʉ̀ byìʼì vəghəŋ. Vəghəŋ bè diʼ ə ku sàŋ kətʉ vəghəŋ ə pfʉ byìʼì vəlèmə̀ və vəghəŋ.