1 Tèsàlonyà 2:15 - The New Testament in the Babanki language

¹⁵ Viʼi Jus vətsenvə ə zhwilə nshə̀ʼtə̀ sə ghoʼkəsə, sətsensə be zhwi Bobo Yesò, ə sə be dzɨ̀mə̀ shisə yes fa ntə̀ʼsə. Vəwenə ə nè la tinə Nyìngòŋ ə fwi, be diʼ viʼi kəbàyn no tèbe a ndò,

1 Tèsàlonyà 2:15 ပူးပေါင်းရင်းမြစ်များ

Matìyò 23:37

Yesò ne gàʼà myètə̀ mù zìtə̀ sə sheʼkə̀ gàʼà la,“Wemey, ghə̀ŋ viʼi Jelusalèm a ghə̀ŋ nzhwilə̀ nshə̀ʼtə̀sə sə ghoʼkəsə bè tèmlə viʼi vyi a və ntɨmə̀ à ghə̀ŋ ə̀ zhwilə lə̀! A dìʼ à ghan à shə̀ʼ a ma mwòmsə̀ li əpfʉtə ghə̀ŋ ando mpfì mbvʉ lə mpfʉ̀tə vunə wen à wen a ti alì ghə̀ŋ nyɨŋ tò nyɨŋ a?

Matìyò 27:25

Vəwenə bwènsə̀ tò vətsèm la, “Ghʉsə mənlyuŋ mə wen ndiʼ à yès bènə̀ à vunə vyesə.”

Matìyò 5:12

Və sə nè nyʉ̀ a venə, ghə̀ŋ saŋlə tò saŋlə byiʼàndo mòʼtə̀ ghoʼo ghə̀ kə̀ʼtə̀ ghə̀ŋ a kàŋ. A ndiʼ tò alì a və ntsuʼ aghʉ nshə̀ʼtə̀ sə ghoʼkəsə sə mbìsə.

Ŋwàʼlə̀ Luk 24:20

Tʉtʉ vəpfèm və Nyìngòŋ nè viʼi a və soʼo vəghəŋ tə lyɨ wen ku la və zhwi wen, ə mù bayntə wen a kəntò.

Shwèʼ 12:3

Ghə̀ nè yèn la Vəjew ə kòŋə̀ kənyʉ̀ akì, ghə̀ nè la və be ghaʼ Bità. Kənyʉ̀ akènkə mfʉ̀ à Bità a mətsi yì a və nzhɨ kəbayn ke nə̀ fəshɨ̀ŋ fə tsu.

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

Shwèʼ 4:10

Ghə̀ŋ nə̀ viʼi Islel no vətsèm diʼi ə kɨ la wìʼ ghèn a ghə̀ ti à ghə̀ŋ a shɨ lə̀ to tò byìʼì kədyòʼ kə zhiʼ Yesò Klistò ə wù Nazalèt. Yesò Klistò aghèn dìʼ wìʼ yì a ghə̀ŋ tə bàyntə a kəntò, ghə̀ pfʉ alì Nyìngòŋ lùsə̀ wen fa pfʉ.

Shwèʼ 5:30

Ghə̀ŋ tə nè la və bantə Yesò a kəntò ghə̀ pfʉ, alì Nyìngòŋ yì a vətìʼ və vəghəŋ tə nghoʼsə lì lùsə̀ wen fa pfʉ.

Shwèʼ 7:52

Andìʼ nshə̀ʼtə̀ ghoʼo kò a vətìʼ vəŋə və mbì mfàŋ li ke tsuʼ aghʉ wen a? Vəwenə zhwilə li viʼi vi a vəwenə mvì a tʉʼ mbì əshə̀ʼtə̀ byìʼì məvì Wù kənyʉ̀ kə tɨmə kə, à ndiʼ wen yì a ghə̀ŋ mbaʼlə̀ bè zhwi.

1 Kolìntyàns 10:5

Nyìngòŋ ə ne no tèbe alə̀, ko ghə̀ lə nsaŋlə a viʼi və ghoʼovə a vəwenə a ntìntìn, vəwenə sə pfʉkə, le dyʉ̀ a nse ə zɨm.

2 Kolìntyàns 11:26

Mənkuŋ mə nghoʼkəmə shwe li ə lyɨ̀ mo no aghayn a ghoʼo ando ma dyʉ̀ ajèʼ, ma be shwetə əpfʉ avù və tsoŋə. Ma shwetə li əpfʉ avù ə viʼi ə lòʼ yès, nə̀ a avu ə tɨmə. Ma shwetə li əpfʉ a ntə̀ʼ sə ghoʼsə, ə shwetə ashə ə viʼi ko diʼ tsu. Ma shwetə li əpfʉ̀ a mù mə ghoʼkə mə, shwetə əpfʉ avù ə̀ viʼi a və lobtə diʼi la və byɨmə li.