1 Tèsàlonyà 2:14 - The New Testament in the Babanki language

¹⁴ Vəlemə, nyʉ̀ vyi a və ə nfʉ a ənòyn ə viʼi vyi a və mbyɨmə a Yesò Klistò a Jùdiyà fʉ̀ li to mə a ghə̀ŋ. Viʼi lòʼ ə ghə̀ŋ nku li ngəʼ a ghə̀ŋ, a diʼ to ndə̀ŋndəŋ ngəʼ sisə a viʼi Jus ə nku a viʼi və byɨməvə na vi.

1 Tèsàlonyà 2:14 ပူးပေါင်းရင်းမြစ်များ

Shwèʼ 11:19

Viʼi vəbyɨməvə vi a və nlù nyɨŋkə byìʼì ngəʼ yi a ghə̀ ndiʼ ando və nzhwi Stifèn ə̀ sàykə̀ dyʉ̀ a loʼ Fònisiya nə̀ a loʼ Saybùs bènə̀ a ntə̀ʼ ghoʼo tsen, a və dzàŋə̀ la Antìyòk. Vəwenə nshə̀ʼtə̀ dyʉ̀ nə̀ ntɨm jùŋ tò à Vəjew.

Shwèʼ 13:50

Viʼi Jus venə sə bosə nghoʼo viʼi a ntə̀ʼ ayì nə̀ kì və ghoʼkəvə a və ngumlə̀ Nyìngòŋ la vəwenə nku ngəʼ à Bol wenə̀ Balnabas. Viʼi avenə mù dzɨ̀m ə̀ shìsə̀ vəwenə fà ntə̀ʼ ayì.

Shwèʼ 14:19

Vəjew vətsenvə lù vì fa ntə̀ʼ Antìyòk a Bisidiyà nə̀ fa Ikonùm ə bòsə nòyn yi ghə̀ zhʉ tò kənyʉ̀ a vəwenə ngàʼà, mù tèmlə Bol ə̀ gùf fʉ̀ nə̀ wen fà ntə̀ʼ ayì, kwòʼtə̀ la ghə̀ pfʉ li.

Shwèʼ 14:2

Viʼi Jus vi a vəwenə ntyèn la vəwenə ko byɨmə à Bobo lì zìtə̀ sə bosə̀ viʼi tɨm vi la tinsə vəwenə sə mfwi à wèn viʼi avenə.

Shwèʼ 14:4

Viʼi vi a və ndìʼ a ntə̀ʼ ayì sə kiʼi kəngə̀sə̀, viʼi vətsenvə tɨmə a bàm viʼi Jus, vətsenvə tɨmə a bàm viʼi ntɨm Yesò vi.

Shwèʼ 14:5

Viʼi tɨm bènə̀ viʼi Islel vətsenvə, boʼsə nə̀ tʉtʉ vəwenə ghʉ la vəwenə a nyàblə̀ nə̀ viʼi ntɨm vi be temlə vəwenə nə̀ ngùʼsə ə zhwilə.

Shwèʼ 17:13

Andìʼ ando Vəjew a və ndìʼ a Tèsàlonikà nzhʉ la Bol be shə̀ʼtə̀ ntɨm jùŋ à viʼi Belì, vəwenə vì tsu sə bosə̀ la vəwenə zìtə̀ soyn.

Shwèʼ 18:12

Andìʼ ando və ghʉ̀ Galiyò la ghə̀ nsoʼo shə loʼ ayi a və ndzàŋə̀ nə̀ Akayà, Vəjew vətsenvə tsèntə̀ ghàʼ Bol ə̀ dyʉ̀ nə̀ wen a kəshi kə nsoʼ

Shwèʼ 8:1

Və nsə nyàblə̀ nə̀ Stifèn a lì, Saul ndiʼ tsu gàʼà tò la və zhwi wen. A bè sə ndiʼ tò a kətsi akì, viʼi vəbyɨməvə vi a və ndìʼ a Jelusalèm zɨ̀tə̀ sə yenə ngəʼ no nànto. Ando və nku ngəʼ à vəwenə a lì, vəwenə nyɨŋkə no vətsèm ə̀ dyʉ̀ a təshyə tə loʼ Judiyà bènə̀ Samalìyà, à faŋ tò viʼi ntɨm Yesò tsu.

Shwèʼ 8:3

Saul bòŋsə̀ zìtə̀ sə kəŋə la viʼi vəbyɨməvə me, ə̀ sə kwenə tò a ngə̀ŋ a ngə̀ŋ, ghaʼtə̀ lʉmə nə̀ ki, we vəwenə a mfɨŋ.

Shwèʼ 9:1

Saul mbu kàyntə̀ tò kədyòʼ la ghə̀ a zhwilə ndzɨ̀mtə̀sə bàm Bobo, ə̀ lù dyʉ̀ à kətʉ kə tʉtʉ vəpfèm və ngə̀ŋ Nyìngòŋ

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

1 Kolìntyàns 10:32

Kə ghə̀ŋ ə ntsi a ji ə ne la viʼi Jus kò viʼi Gɨ̀lìs kò viʼi və byɨməvə Nyìngòŋ fəŋ a mbyɨ.

1 Kolìntyàns 7:17

Kə lə diʼ la no ndò ə̀ diʼ ə ə̀ tsi to a ji yi a Bobo ghʉ̀ la ghə̀ ə ntsi, be tsi to ando ghə̀ ntsì a tʉʼ a Nyìngòŋ ə dzàŋ wen. A lə kənyʉ̀ ki a ma ziʼi a loʼ Nyìngòŋ no a tsèm.

Gàlesìyà 1:22

A ndiʼ ali viʼi a və ndiʼ a ntsèntə̀sə viʼi vyi a və byɨmə Klistò a ashə Jùdiyà ə nko kɨ mo.

1 Tèsàlonyà 1:1

A nyòʼò mò Bol nə̀ Silàs nə̀ Timotì nyòʼtə̀ ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Nyìngòŋ ə Tìʼ vəghəŋ nə̀ Bobo Yesò Klistò. Nyìngòŋ ə diʼi ətyɨm ə jùŋ ghə̀ a ghə̀ŋ ə nè la ghə̀ŋ ə tsi nə̀ mbwaʼmə.

1 Tèsàlonyà 1:6

Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

1 Tèsàlonyà 3:4

Ghə̀ŋ nkɨli nyʉ na vyi byìʼì ando à ə ndiʼ ando vəghəŋ ə mbo diʼ to a muʼ, yes ə shə̀ʼtə̀ a ghə̀ŋ to fa chʉʼ na ghèn la, və be lù ku ngəʼ a vəghəŋ, kə tə jèʼ ə kwʉʼ to ando ghə̀ŋ ə kɨ.

2 Tèsàlonyà 1:1

A nyòʼò mò Bol yo Silàs nə̀ Timotì nyoʼtə ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Tìʼ vəghəŋ ə Nyìngòŋ, be diʼ viʼi Bobo Yesò Klistò.

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.