1 Tèsàlonyà 1:6 - The New Testament in the Babanki language

⁶ Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

1 Tèsàlonyà 1:6 ပူးပေါင်းရင်းမြစ်များ

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Shwèʼ 13:52

Ndzɨ̀mtə̀sə bàm Yesò shì a sə ndìʼì a Antìyòk faŋ a bàm sə saŋlə̀ no nànto, Kəzhwì kə ŋwòʼəkə be tisə vəwenə.

Shwèʼ 5:41

Viʼi ntɨm ə̀ Yesò a vyi lù fa kəshi ayì nə̀ saŋlə ghoʼghə byìʼàndo Nyìngòŋ tsuʼ li vəwenə la vəwenə yen ngəʼ byìʼì zhiʼi wen.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

1 Kolìntyàns 11:1

Ghə̀ŋ ə shəmə ntsìnə̀ ghom ndə̀ŋndəŋ ando ma shəmə ghə̀ Yesò.

1 Kolìntyàns 11:2

Ma bwomsə ghə̀ŋ byìʼì ando ghə̀ŋ ə ko lyesə mò no fa mpfen be shɨtə ghaʼ əziʼi yì a ma ə nziʼi ghə̀ŋ tsu,

1 Kolìntyàns 4:16

Ma sə sensə ghə̀ŋ la, ghə̀ŋ ə shəmə ntsìnə̀ ghom.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

2 Kolìntyàns 8:5

Vəwenə tə ku chò no ando yès tə kwoʼtə. Vəwenə tə sə ku mu vəwenə ku li təwen tə vəwenə a Nyìngòŋ a ambì ə sə be zhʉ to fa yès ando Nyìngòŋ kəŋ.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Efisyàns 5:1

Ghə̀ŋ diʼ alə̀ diʼ vunə Nyìngòŋ, ghə̀ kòŋ ghə̀ŋ no nànto. Kə le diʼi la ntsìnə̀ ghə̀ŋ diʼi ndiʼ to nə̀ ghə̀ Nyìngòŋ.

Filìbàyns 3:17

Vəlèmə vwomə ghə̀ŋ nè tò ə ndzɨ̀mtə̀ ənyʉ̀ a ma nè. Ghə̀ŋ ə ntùʼtə̀ lyè viʼi vyi a və jèʼè a jisə jùŋə sə shì a yès tə̀ dìʼ la ghə̀ŋ ə njèʼè fa tsu.

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.

2 Tèsàlonyà 3:7

No ghə̀ŋ fa ghə̀ŋ a təwen ə kɨ la ghə̀ŋ diʼ ə shyèʼè to ando yès ə shyèʼè. Yès ə ko tə ə bwaʼa achʉʼ a yès tə bo ndiʼ vəghəŋ.

2 Tèsàlonyà 3:9

A ko diʼ la yesə nko kiʼi kədyòʼ ə gàʼ la ghə̀ŋ loʼ yes a əshyèʼ yi a yès ə nè ali faŋ sə shyèʼ to shyèʼ ndi ghə̀ŋ shəmə ə boŋ shyèʼ to nə̀ yes.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

1 Bità 1:6

Ghə̀ŋ ə nsaŋlə̀ li kumə nyʉ̀ a venə no tèbe ando à diʼi luwen təmwòmsə̀ vì a ghə̀ŋ to a jisə a jisə.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

1 Bità 3:13

Ghə̀ŋ sətsen ə mwomsə no nə̀ kədyoʼkə ə nè to nyʉ̀ ə jùŋə və a venə a və nyòʼo lə̀, ko wìʼ a nè kənyʉ̀ kə kəbyɨkə a ghə̀ŋ.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.