1 Tèsàlonyà 1:5 - The New Testament in the Babanki language

⁵ byìʼì ando yes ə ko ə ziʼi ntɨm ə jùŋ kumə Yesò Klistò a ghə̀ŋ to fa chʉ̀. Yes ə diʼi nyʉ̀ ə kaynə və vi a kəzhwì kə Ŋwoʼkə nè a ghə̀ŋ. Ghə̀ ngaʼa kənyʉ̀, kɨ to no la kə diʼ nəmwèʼè. Ghə̀ŋ kɨli ando yes ə ntsi a ghə̀ŋ a ntìntìn. Ntsìnə̀ a ghèn ndiʼ ə nè la ghə̀ŋ ziʼi kənyʉ̀.

1 Tèsàlonyà 1:5 ပူးပေါင်းရင်းမြစ်များ

Ŋwàʼlə̀ Mak 16:20

Ndzɨ̀mtə̀sə bàm wen lyɨ̀ ntɨm ə jùŋə aghèn sə̀ shə̀ʼtə̀ dyʉ̀ no fe. Bobo nè nyʉ̀ kanəvə à vəwenə a ntìntìn ndìʼi nchwi la ntɨm jùŋə aghèn dìʼ nəmwèʼè. Amèyn.

Ŋwàʼlə̀ Luk 1:1

Nghoʼo viʼi ndìʼ mu vəwenə mwomsə̀ li ənyòʼ ə shyə̀ʼtə̀ nyʉ̀ vyi a və ncho à yes a ntìntìn.

Shwèʼ 11:21

Nyìngòŋ sə gyàmtə̀ ku àdyoʼ a vəwenə. Viʼi byɨmə no vəghoʼo ə̀ kù tətyɨm tə vəwenə à Bobo.

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Lumans 2:16

Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

1 Kolìntyàns 1:24

Alì a viʼi vyi a Nyìngòŋ ə tsùʼtə li, kò à diʼ viʼi Jus kò à diʼ viʼi ətɨm, vəwenə kɨ la Nyìngòŋ diʼi kədyòʼ kə wen nə̀ ətof ə wenə chò fa Yesò.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 3:16

A ghə̀ŋ kɨli la ghə̀ŋ diʼ ngə̀ŋ Nyìngòŋ, kəzhwì kə Nyìngòŋ kə tsi a ghə̀ŋ a ntìntìn?

1 Kolìntyàns 3:6

Mà tə wè ngwaʼ, Abolòs chì, ali à nè Nyìngòŋ la ghə̀ kwi.

1 Kolìntyàns 4:20

Byìʼì kəshi kəfòyn ə Nyìngòŋ kə diʼ alə̀, a ko diʼ əchʉ̀ ə nkùmə̀, və yenə kədyòʼ a kì a nyʉ̀ yì a viʼi ə nè.

1 Kolìntyàns 9:14

Kə lə diʼ to ndə̀ŋndəŋ ando Bobo ə̀ kù li a soʼ la, viʼi vyi a və shə̀ʼtə̀ ntɨm ə jùŋ diʼ nzhɨ̀ byìʼì wen.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

Gàlesìyà 2:2

Ma nkuʼ tsu byìʼì ando Nyìngòŋ ə diʼi a mò la ma diʼ ə kuʼ. A ndiʼ to ando ma diʼi tsu, ma nyoʼtə gàʼ to fa abàm fa abàm yo viʼi vyi a və ndiʼ tʉtʉ ntsèntə̀sə viʼi vəbyɨməvə a Jelusalèm, ə shətə shə̀ʼtə̀ ntɨm ə jùŋ yì a ma ə nshə̀ʼtə̀ a viʼi a nko diʼ viʼi Jus. Ma ə nshə̀ʼtə̀ ali ndiʼ shyèʼ yì a ma ne luwen nə̀ yi a mà tə nè, kə ghə̀ lə lè to kədyàŋ.

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Efisyàns 3:20

Luwen əkuʼsə ə dyʉ̀ a Nyìngòŋ yi a ghə̀ kiʼi kədyòʼ ə ku fo, və ghoʼo no nànto, chò vyi a vəghəŋ loyn li a jɨ̀m, nə̀ vi a vəghəŋ zizi ko və lu kwòʼtə̀ ə loyn. A diʼ shwèʼ, nə̀ kədyoʼkə wen kì a kə diʼi a vəghəŋ a tyi wen.

Filìbàyns 2:13

Kədiʼ a li byìʼàndo Nyìngòŋ diʼ wenə vəwenə no məzhʉ tsèm, ku kədyòʼ la ghə̀ŋ ə nkòŋ ənè nyʉ̀ a ghə̀ kəŋə la ghə̀ŋ ə nè.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

2 Tèsàlonyà 2:14

Nyìngòŋ ə ndzàŋ li ghə̀ŋ chò fa a ntɨm ə jùŋ yi a yès ə shə̀ʼtə̀ a ghə̀ŋ ndi ghə̀ŋ vi ə boŋ kiʼ əghoʼ yì a Bobo vəghəŋ Yesò Klistò ə kiʼ.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

2 Timotì 2:8

Kwòʼtə̀ Yesò Klistò. Ghə̀ nfʉ̀ fa ngwaʼ ə ngə̀ŋ ə̀ Devìt. Nyìngòŋ ə lusə li wen fa ə pfʉ, a diʼ ntɨm ə jùŋ yi a ma shə̀ʼtə̀.

Hibùlù 10:22

vəghəŋ choʼsə li to a Yesò ə kwentə dyʉ̀ boʼsə a Nyìngòŋ to nə̀ ətyɨm vəghəŋ no tsèm. Kə vəghəŋ a sə vi ə nvi nə̀ fwaynə la və a gham vəghəŋ a kənyʉ̀ byìʼì ando mənlyuŋ mə Yesò Klistò shʉ li làynsə tətyɨm tə vəghəŋ, və be shʉ̀ vəghəŋ, vəghəŋ ə làynsə to sə və shʉ̀ vəghəŋ nə̀ mu mə laynə mə.

Hibùlù 6:11

Yès ə kòŋ la no ghə̀ŋ vətsèm ghʉ̀ kətʉ shyèʼ a ghèn alə̀ ə zàʼa fa kəmwètə ndiʼ ghə̀ŋ nshɨtə kɨ mwetə kəfo kì a ghə̀ŋ ki dyʉ̀sə nə̀ kəwenkə.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

1 Bità 5:3

Kə ghə̀ŋ a zhiʼtə viʼi vyi a və ku la ghə̀ŋ tùʼmə̀ nə̀ vəwenə. Ghə̀ŋ ə nboŋsə diʼ nchwi a vəwenə.

2 Bità 1:10

A le kənyʉ̀ ki a ma sensə ghə̀ŋ, a vəlemə, la ghə̀ŋ tuʼtə ə ghaʼ nyʉ̀ a venə və to ə diʼ la Nyìngòŋ ə tsùʼtə li ghə̀ŋ ə dzàŋ shisə la ghə̀ŋ ə diʼ viʼi Nyìngòŋ. Ghə̀ŋ yi nè alə̀, ko ghə̀ŋ be lu fəŋ fa ghə̀ŋ a byɨmə,

2 Bità 1:19

A lə kənyʉ̀ ki a kə nè vəghəŋ sə shətə kɨ to no kɨ la ntɨm yì a nshə̀ʼtə̀ sə ghoʼkəsə ə shə̀ʼtə̀ kumə wen ə ndiʼ to no nəmwèʼè. Ntɨm ayi ə diʼ to nə̀ kənkàʼtə̀ kə. Ghə̀ baynə a kəbəŋ kə fenəkə. Ghə̀ŋ ə zhʉ ntɨm ayi ndi kətsi kə ə lù kwʉʼ a Yesò yi a ghə̀ baynə to nə̀ chʉzhʉ ə saʼaghə ku əbayn ə wen a ghə̀ŋ tətyɨm.