1 Tèsàlonyà 1:1 - The New Testament in the Babanki language

¹ A nyòʼò mò Bol nə̀ Silàs nə̀ Timotì nyòʼtə̀ ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Nyìngòŋ ə Tìʼ vəghəŋ nə̀ Bobo Yesò Klistò. Nyìngòŋ ə diʼi ətyɨm ə jùŋ ghə̀ a ghə̀ŋ ə nè la ghə̀ŋ ə tsi nə̀ mbwaʼmə.

1 Tèsàlonyà 1:1 ပူးပေါင်းရင်းမြစ်များ

Shwèʼ 15:22

Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə.

Shwèʼ 15:27

A lè kənyʉ̀ ki a yès tɨmə̀ Judàs nə̀ Silàs wenə̀ və Balnabas nə̀ Bol. Vəwenə a shə̀ʼtə̀ ndə̀ŋndəŋ kənyʉ̀ à ghə̀ŋ a yès nyòʼò a ŋwàʼlə̀ ghèn nə̀ chʉ.

Shwèʼ 15:40

Bol mù tsuʼ Silàs, viʼi vəbyɨməvə jɨ̀m la Nyìngòŋ ntùʼmə̀ à vəwenə, vəwenə mù lù.

Shwèʼ 16:19

Andìʼ a zhʉ a viʼi vyi a və nkìʼ wàyn wùwì ayì nyen li la ghə̀ ko be a shyèʼ ko à vəwenə, vəwenə ghaʼ Bol wenə̀ Silàs ə̀ gùf dyʉ̀ nə̀ vəwenə a kəshi yì a və soʼo viʼi tsu a woŋ.

Shwèʼ 16:25

A nè sə̀ ndiʼ a ntìntìn nəntʉʼʉ, Bol wenə̀ Silàs sə jɨ̀mə̀, zhɨmə̀ ndzàŋsə à Nyìngòŋ, viʼi mfɨŋ vətsenvə sə zhʉtə̀ nyʉ̀ vyi a vəwenə nzhɨmə gàʼà.

Shwèʼ 16:29

Wìʼ ayì dzàŋ ə̀ gàʼ la və vi nə̀ nkɨsə. Və vì nə̀ səwensə, ghə̀ kwen dyʉ̀ fə̀ŋ a shɨ Bol wenə̀ Silàs sə tsɨŋtə̀ fa tsu byìʼàndo fàyn nku ngəʼ à wen.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Shwèʼ 18:5

Silàs wenə̀ Timotì nè lù fà Macedonia ə̀ vì a Kolìn. Bol ghʉsə no nyʉ̀ tsèm a ghə̀ ə̀ nè ə sə shə̀ʼtə tò ntɨm jùŋ à Vəjew be dìʼì laynsə̀ à vəwenə la Yesò dìʼ wìʼ yì a Nyìngòŋ tsuʼ li nghʉ.

Shwèʼ 19:22

Ghə̀ ghʉ a lì mù tɨ̀m viʼi vi vəbò a və ngyàmtə̀ wen a ndiʼì Timotì wenə̀ Elastùs, la vəwenə dyʉ̀ a Macedonia a mbì, ghə̀ be tsìtə a Asìyà.

Shwèʼ 20:4

Ghə̀ njèʼè wenə Sobatel wàyn Ballùs fa Belì, nə̀ Alistakùs nə̀ Sekundùs a vəwenə nlu fa Tèsàlonikà nə̀ Gayòs a ghə̀ nlu fa Delbə̀, nə̀ Tychicùs, nə̀ Tlophimùs a vəwenə nlu fa loʼ Asìyà bènə̀ Timotì.

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

Gàlesìyà 1:2

Yo və vəlemə və byɨmə vì a və diʼ ashen ə tɨmə ətoŋtə a ghə̀ŋ ntsèntə̀sə viʼi və byɨməvə vyi a və diʼi shə ə Gàlesìyà.

Gàlesìyà 1:22

A ndiʼ ali viʼi a və ndiʼ a ntsèntə̀sə viʼi vyi a və byɨmə Klistò a ashə Jùdiyà ə nko kɨ mo.

Efisyàns 1:2

Nyìngòŋ ə Tìʼ vəghəŋ wenə Bobo Yesò Klistò diʼi ətyɨm ə jùŋə a ghə̀ŋ, ku mbwaʼmə a ghə̀ŋ.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Kòlòsyàns 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə ntɨm ə Yesò Klistò mu à tsuʼ Nyìngòŋ ando ghə̀ nghʉ. Yo Timotì lèmə̀ vəghəŋ a byɨmə toŋtə ghə̀ŋ.

2 Tèsàlonyà 1:1

A nyòʼò mò Bol yo Silàs nə̀ Timotì nyoʼtə ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Tìʼ vəghəŋ ə Nyìngòŋ, be diʼ viʼi Bobo Yesò Klistò.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

Hibùlù 13:23

Ghə̀ŋ nkɨ la və shisə li lèmə̀ vəghəŋ Timotì fa nfɨŋ. Ghə̀ sətsen zàŋsə vì, yo wen a vi yen ghə̀ŋ a əmuʼ.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.