1 Kolìntyàns 9:22 - The New Testament in the Babanki language

²² Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

1 Kolìntyàns 9:22 ပူးပေါင်းရင်းမြစ်များ

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Lumans 14:2

Ghə̀ŋ kɨli la wìʼ ə kiʼi əbyɨmə, a ghə̀ ne la ghə̀ zhɨ̀ no tèbe ghò, ali mu ghə̀ tsen yi a əbyɨmə ə wenə bo bwaʼa zizi ghə̀ lo to mbàsə̀, ko ghə̀ phiʼi nyàm.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

Lumans 15:2

No ndò ə ne to kənyʉ̀ a lèmə̀ wen na saŋlə to saŋlə ndiʼ na kèn kə gyàmtə̀ ə kwisə wen.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 7:16

Wu ə wùwì ə byɨmə wù kɨ fa gho la wù zizi ko wù lu bwòŋsə̀ lɨmə wù a? Wu wulɨm ə byɨmə kɨ fa gho la wù zizi ko wù lu bwòŋsə̀ wi wù a?

1 Kolìntyàns 8:13

Kə le diʼi la nyàm sətsèn ə ndiʼ mu ghə̀ zizi ghə̀ ne la lèmə̀ ghom ne mbyɨ, ko ma bè lu phiʼ nyàm, ndi kə mà ne ghə̀ fəŋ.

1 Kolìntyàns 9:19

Ma diʼ alə̀ ko ma lu ndiʼ kəkòs a wìʼ, alì ma ghʉ wenə ghomə a nə̀ kə kəkos kə a viʼi və tsèm ndiʼ mà nè, la viʼi və ghoʼo və be byɨmə.

1 Kolìntyàns 9:23

Ma ne nyʉ̀ a venə no ətsèm ndiʼ ə ne la ntɨm ə jùŋ kwi dyʉ̀ ambì mà boŋ ə kiʼi mbwaʼsə yì a ghə̀ diʼi tsu.

2 Kolìntyàns 11:29

Ma yenə wìʼ ghə̀ bwaʼa kumə kənyʉ̀ kə Nyìngòŋ, kənyʉ̀ a kì sə ku ngəʼ a mò, ma sə diʼ to sə a diʼ mo. Və ne wìʼ ə fəŋ a mbyɨ, kənyʉ̀ a kì sə ku ngəʼ a mò no nànto.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.