1 Kolìntyàns 9:21 - The New Testament in the Babanki language

²¹ Ma dyʉ̀ a viʼi a və ko ghʉ̀ tebè əsoʼ, ma sədiʼ to nə̀ wìʼ a ghə̀ ko ghʉ̀ ə əsoʼ. Nakènkə ko diʼi la ma diʼ alə ko ma, ghʉ̀ əsoʼ ə Nyìngòŋ. Ma ghʉ̀ to no əsoʼ ə Yesò, ali ə dyʉ̀ a viʼi vyi a və ko ghʉ̀ tebè əsoʼ, ma sə ne to alə ndiʼ ə ne la vəwenə tuʼu byɨmə, to kədə̀ŋ.

1 Kolìntyàns 9:21 ပူးပေါင်းရင်းမြစ်များ

Shwèʼ 15:28

Kəzhwì kə ŋwòʼəkə nè li yès kwòʼtə la yès ko diʼ ku ngəʼ tsen à ghə̀ŋ, əchò tò mənyʉ̀tə mèn a yès ə kəŋə gàʼ la ghə̀ŋ ə nè lə̀,

Shwèʼ 16:4

Vəwenə mù lù sə jèʼè shə̀ʼtə dyʉ̀ no a ntə̀ʼ ko a vəwenə ndyʉ̀ tsu, təsoʼ tì a viʼi vəbyɨməvə bènə̀ vəchəʼ a Jelusalèm ŋwʉʼʉ li ə̀ ghʉ la viʼi vəbyɨməvə nghʉ. Vəwenə gàʼ à viʼi ntə̀ʼsə ashì la vəwenə ə mwòmsə̀ əghʉ təsoʼ atì.

Shwèʼ 21:25

Yes ntɨm li ŋwàʼlə̀ à viʼi tɨm vi a və sə diʼ viʼi vəbyɨməvə la, yès ghʉ li la kə wìʼ fà tsu a nzhɨ kəfo a kə sə diʼ mu və moʼò li a nə̀ kəku à vənyìngòŋ, bè gàʼ la kə vəwenə a nlo mənlyuŋ kò pfiʼ nyàm a və sɨŋsə̀ sɨŋsə, bènə̀ la kə wìʼ fa tsu lù tsì nə̀ wùwì kò nə̀ wulɨm a ko diʼ ghə̀ wen.”

Lumans 2:12

Və lu soʼ byɨbsə viʼi ətɨm vi a və ne mbyɨ no və tsèm byìʼì mbyɨsə vəwenə no tèbe ando vəwenə ə ko kɨ Əsoʼ ə Mosìs, ə sə dyʉ̀ a viʼi Jus ə soʼ byɨbsə vəwenə no və tsèm byìʼàndo vəwenə ne mbyɨ ali kɨ əsoʼ a ghèn nə̀.

Lumans 2:14

Viʼi ətɨm ə ko nkiʼi Əsoʼ, kə sə diʼi la vəwenə sə kɨ kənyʉ̀ ki a və diʼ ə ne, no tèbe ando vəwenə ə ko kɨ Əsoʼ.

Lumans 7:22

A diʼ a mo a ti tyɨm ma kòŋ ə wʉ̀ əsoʼ ə Nyìngòŋ,

Lumans 7:25

Ma kù kəzòŋ a Nyìngòŋ à ghə̀ shisə mo fa tsu chò fa a Bobo vəghəŋ Yesò Klistò! Ma yen li la ma kòŋ to no a mo tyɨm ə wʉ̀ əsoʼ ə Nyìngòŋ ali a diʼ a wèn ə wìʼ ə mò, shyèʼ to kəkòs a mbyɨ.

Lumans 8:4

Nyìngòŋ ə ne alə ndiʼ vəghəŋ ə shɨtə tsi mwetə ntsìnə̀ ətɨmə yì a Əsoʼ ə kəŋ. Vəghəŋ diʼ viʼi vyi a və ko tsi ando əwen ə vəghəŋ ə kəŋ, ali boŋsə tsi to ando kəzhwì kə Ŋwoʼkə ə diʼi, a diʼ ntsìnə̀ ətɨmə yì a Əsoʼ ə kəŋ.

Gàlesìyà 3:2

Ghə̀ŋ shə̀ʼtə̀ kənyʉ̀ kəmùʼ ken a mò. Ghə̀ŋ shə̀ʼtə̀ a mò la, Nyìngòŋ nku kəzhwì kə wen a ghə̀ŋ byìʼì ando ghə̀ŋ ghʉ Əsoʼ mu ghə̀ nku byìʼì ando ghə̀ŋ zhʉ̀ ntɨm ə jùŋ ə byɨmə lo?

Gàlesìyà 6:2

Sətsen wìʼ ndiʼ a ngəʼ, ghə̀ŋ ə gyàmtə̀ wen. Ghə̀ŋ sətsen ə nè alə̀, mu ghə̀ŋ ə ghʉ li soʼ a Klistò nkù a vəghəŋ.

Hibùlù 8:10

Məkàyn mèyn ando mà a zhɨ̀ yo viʼi Islel luwen diʼ la: Ma a ghʉ̀ təsoʼ ə tyomtə a vəwenə tətyɨm ə be nyoʼ təsoʼ a titə a vəwenə təkwòʼtə̀. Ma a ndiʼ Nyìngòŋ ə vəwenə, vəwenə diʼ viʼi vwomə.