1 Kolìntyàns 9:19 - The New Testament in the Babanki language

¹⁹ Ma diʼ alə̀ ko ma lu ndiʼ kəkòs a wìʼ, alì ma ghʉ wenə ghomə a nə̀ kə kəkos kə a viʼi və tsèm ndiʼ mà nè, la viʼi və ghoʼo və be byɨmə.

1 Kolìntyàns 9:19 ပူးပေါင်းရင်းမြစ်များ

Matìyò 18:15

Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen.

Lumans 1:14

Ma diʼ wù ə shwèʼè Nyìngòŋ, ko andiʼ la ma kiʼ kənyʉ̀ kə ngeŋ ə mò. Ma diʼ ə nshə̀ʼtə̀ ntɨm ə jùŋ a viʼi vyi a və tsì a kayn nə̀ viʼi a və kumə tsi to tsi. Ma shyèʼ a viʼi vyi a və nyenə la à diʼ viʼi və tofəvə, shyèʼ a viʼi a və yenə la adiʼ nkoyn.

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Lumans 15:2

No ndò ə ne to kənyʉ̀ a lèmə̀ wen na saŋlə to saŋlə ndiʼ na kèn kə gyàmtə̀ ə kwisə wen.

1 Kolìntyàns 10:29

Ma gàʼà la wù shɨtə ki kwoʼtə ə wen, a ko diʼ yə̀, byìʼì ando ə kwoʼtə̀ ə wù ə kədyàŋ ə ko diʼ ə tàʼsə la kə ma ne ando ma kòŋ.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 7:16

Wu ə wùwì ə byɨmə wù kɨ fa gho la wù zizi ko wù lu bwòŋsə̀ lɨmə wù a? Wu wulɨm ə byɨmə kɨ fa gho la wù zizi ko wù lu bwòŋsə̀ wi wù a?

1 Kolìntyàns 9:1

Ma diʼ no wù ə ntɨm, diʼ fa mo a ngəŋ. Kə lə diʼ la ma nkò ə yen Yesò ə Bobo vəghəŋ mu? Ghə̀ŋ bwin kəvu kəshyèʼ mò ashɨ Bobo?

2 Kolìntyàns 12:14

Ghə̀ŋ kɨ la ma vi ə ghayntə ghə̀ŋ luwen andiʼ aghayn a tàʼ, diʼ vì ko andiʼ la ma bèm kəfo a ghə̀ŋ byìʼì ando ma kəŋ to ghə̀ŋ, a ko diʼ fo vəŋə. No fa mpfen a nə̀ boŋsə tuʼmə nə̀ vətìʼ və vunə nə̀ vəpfi tùʼmə̀ nə̀ vunə, a ko diʼ vunə ə ntùʼmə̀ nə̀ vəwenə.

2 Kolìntyàns 4:15

Yès ə yenə ngəʼ a ghèn a ghə̀ŋ a jùŋ ndi Nyìngòŋ ə diʼi ətɨm ə jùŋə ghə̀ a viʼi kə ne viʼi to kədə̀ŋ nku kəzòŋ kuʼsə Nyìngòŋ.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

Gàlesìyà 5:1

Klistò shisə li vəghəŋ fa əshyèʼ kəkòs, ndi vəghəŋ ə ndiʼ fa vəghəŋ a ngəŋ. Ghə̀ŋ nshɨtə lì ghaʼ təwen ə təŋtə, kə wìʼ be na bwensə ne ghə̀ŋ, ghə̀ŋ əshyèʼè kəkòs a soʼ.

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,