1 Kolìntyàns 9:18 - The New Testament in the Babanki language

¹⁸ Əmoʼtə ə ghomə lə diʼ no ghò? Əmoʼtə ə ghomə diʼ to la mà nshə̀ʼtə̀ ntɨm ə jùŋ, ko ma bèmə tebè kəfo, ko ma tuʼu ne tebè nə̀ adyòʼ yi a ma kiʼi to nə̀ wìʼ a ghə̀ shə̀ʼtə̀ ntɨm ə jùŋ.

1 Kolìntyàns 9:18 ပူးပေါင်းရင်းမြစ်များ

Joyn 4:36

Luwen wìʼ yi a ghə̀ pfi ə kiʼi əlòʼ ə jùŋ ghə̀. Ghə̀ pfi viʼi və byɨməvə vyi a zizi və kiʼi ə ntsìnə̀ yì a ghə̀ ko lu mè, ndiʼ wù we nə̀ wu pfi ə tsèntə saŋlə.

Shwèʼ 18:3

wenə̀ vəwenə sə tsi be tsèntə nè təshyèʼ a muʼu byìʼàndo vəwenə mbe tasə fo tò nə̀ Bol nə̀ gwʉsə nyamsə, shɨ̀tə̀ təto tsu.

Lumans 14:15

Wù sətsen ə zhɨ̀ nki kəfo kətsen kə, kənyʉ̀ kikə ə ku ngəʼ a kwòʼtə ə lèmə̀ wù, ko kə be a diʼi la wù kòŋ wen. Kə wù a nè la lèmə̀ wù fəŋ byìʼì kəfo kì a wu zhɨ. Wù kɨli la Yesò ə pfʉ a wen.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 3:8

Wìʼ yi a ghə̀ we nə̀ wìʼ yi a ghə̀ chi diʼ to ndə̀ŋndəŋ, no ando diʼ lù kiʼi əmòʼtə wen ando ghə̀ tə nshwèʼè.

1 Kolìntyàns 7:31

Viʼi vyi a və shyèʼ nə̀ əfo nse diʼ ə ndiʼ to sə və ko kiʼ kənyʉ̀ kumə əfo a vyi. Ma gàʼà alə̀ byìʼì ando əfo vyi a və diʼi a mbyi luwen chò chò.

1 Kolìntyàns 8:9

Ghə̀ŋ tuʼmə, kə ji yi a ghə̀ŋ nè nyʉ̀ fa ghə̀ŋ ngeŋ fa tsu a nè viʼi vyi a əbyɨmə ə vəwenə ə bwaʼa fəŋ a mbyɨ.

1 Kolìntyàns 9:12

Viʼi vətsenvə sətsen ə̀ kiʼ kədyòʼ ə nkiʼi əfo ə zhɨvə fa ghə̀ŋ, a ko yès andiʼ nkiʼ chò tèbè fa lì. Alì yès sə diʼ ko andiʼ la yès ne kənyʉ̀ byìʼì kədyòʼ a kènkə a yès kiʼi ndiʼ nshi fo fa ghə̀ŋ. Yès ə boŋsə wensə to wensə byìʼì ando yès ə ko kòŋ ə ne kənyʉ̀ kə taʼsə ntɨm ə jùŋ ə Yesò la kə ghə̀ kwi.

1 Kolìntyàns 9:15

Ma sə diʼ ko andiʼ la ma nè kənyʉ̀ nə̀ kədyòʼ na kènkə, ko ma nyoʼtə tebè luwen la ghə̀ŋ ku kəfo kə tsenkə a mò. Kə bòŋ la mà boŋsə pfʉ pfʉ, azhʉ la wìʼ taʼsə la kə mà ə̀ saŋlə kumə ji yì a ma shə̀ʼtə̀ ntɨm ə jùŋ fa tsù.

1 Kolìntyàns 9:17

Mà tə ndiʼ la ma ne shwèʼ a ghenə fa mò a kòŋ, a və ne diʼ ə lòʼò mò. Alì ma sə ne to byìʼì ando à diʼ kənyʉ̀, a ma diʼ ə ne, mu à gàʼ Nyìngòŋ la ma ə ne.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

1 Tèsàlonyà 2:6

Yes ə ko ə nè kənyʉ̀ la wìʼ fa ghə̀ŋ, kò no ndo bwomsə yes.