1 Kolìntyàns 9:17 - The New Testament in the Babanki language

¹⁷ Mà tə ndiʼ la ma ne shwèʼ a ghenə fa mò a kòŋ, a və ne diʼ ə lòʼò mò. Alì ma sə ne to byìʼì ando à diʼ kənyʉ̀, a ma diʼ ə ne, mu à gàʼ Nyìngòŋ la ma ə ne.

1 Kolìntyàns 9:17 ပူးပေါင်းရင်းမြစ်များ

Matìyò 10:41

A tùʼmə̀ no ndo nə̀ wìʼ byìʼì ando wìʼ a yi ə diʼ nshə̀ʼtə̀ Nyìngòŋ, ghə̀ a kiʼi əmòʼtə to nə̀ nshə̀ʼtə̀ Nyìngòŋ, à shisə tə ndo shisə wìʼ byìʼì ando wìʼ a yi ə diʼ ti akayn ashɨ ə Nyìngòŋ, ə ghə̀ a kiʼi əmòʼtə ə wù kənyʉ̀ kətɨməkə a yì.

Matìyò 24:25

Ghə̀ŋ tùʼù zhʉtə! mà chò li mbì nshə̀ʼtə̀ nyʉ̀ avenə a ghə̀ŋ mibu və lu sə mfʉ̀.

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Joyn 4:36

Luwen wìʼ yi a ghə̀ pfi ə kiʼi əlòʼ ə jùŋ ghə̀. Ghə̀ pfi viʼi və byɨməvə vyi a zizi və kiʼi ə ntsìnə̀ yì a ghə̀ ko lu mè, ndiʼ wù we nə̀ wu pfi ə tsèntə saŋlə.

1 Kolìntyàns 3:14

Nyìngòŋ ə lu ku əmoʼtə no a ndò yi a ghə̀ mwomsə shyèʼ ə wen nə̀ zhiʼi, ko ghə̀ lu fwi.

1 Kolìntyàns 3:8

Wìʼ yi a ghə̀ we nə̀ wìʼ yi a ghə̀ chi diʼ to ndə̀ŋndəŋ, no ando diʼ lù kiʼi əmòʼtə wen ando ghə̀ tə nshwèʼè.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

1 Kolìntyàns 9:16

Ma ko diʼ ə nghaŋsə əwen kumə ando ma shə̀ʼtə̀ ntɨm ə jùŋ. A sə diʼ shwèʼ mu və ghʉ̀ li la mà nè, mu mà faŋ ke nè, a ngəʼ ə byɨ ne ndiʼ a mo kətʉ!

1 Kolìntyàns 9:18

Əmoʼtə ə ghomə lə diʼ no ghò? Əmoʼtə ə ghomə diʼ to la mà nshə̀ʼtə̀ ntɨm ə jùŋ, ko ma bèmə tebè kəfo, ko ma tuʼu ne tebè nə̀ adyòʼ yi a ma kiʼi to nə̀ wìʼ a ghə̀ shə̀ʼtə̀ ntɨm ə jùŋ.

2 Kolìntyàns 8:12

byìʼì ando ghə̀ŋ sə nku kəfo, ghə̀ŋ ə nsaŋlə̀ ə ku ki kə a ghə̀ŋ kiʼi, Nyìngòŋ a shì kəku a kì, mu ghə̀ŋ sətsèn faŋ ke kiʼi kəfo, ko Nyìngòŋ a nki kəfo fa ghə̀ŋ.

Gàlesìyà 2:7

Vəwenə ə mboŋsə li yen la Nyìngòŋ ə wè li shwèʼ a ghenə a mo a kəvu la mà shə̀ʼtə̀ ntɨm ə jùŋ a viʼi a ko diʼ viʼi Jus, ndə̀ŋndəŋ to ando ghə̀ ə mbe wè a kəvu a Bità la ghə̀ shə̀ʼtə̀ a viʼi Jus.

Kòlòsyàns 1:25

Nyìngòŋ be tsuʼ mo a wù ə shwèʼ a viʼi və byɨmə ə Klistò. Əshwèʼè a ghənə diʼ la mà shə̀ʼtə̀ mwetə ntɨmə Nyìngòŋ na ghèn a ghə̀ŋ.

1 Tèsàlonyà 2:4

Yes ə mbòŋsə̀ gaʼa to ando Nyìngòŋ ə kəŋ byìʼì ando ghə̀ tə ə tsuʼ yes la yes shə̀ʼtə̀ ntɨm ə jùŋ ghèn, ko yes lu shə̀ʼtə̀ tebè fa ji yi a viʼi kəŋ. Yes ə shə̀ʼtə̀ ə nè la Nyìngòŋ ə saŋlə byìʼì ando ghə̀ kɨli tətyɨm təŋtə.

Filimùyn 1:14

Alì, ma ko kòŋə̀ ne kənyʉ̀ alə̀ a bwen la wu byɨmə li, ndiʼ kə ndiʼi la no tèbe jùŋ ko a wù nè a mò ə ndiʼ mu wù nè ando wù koŋə, kə ko diʼ la mà ghaʼtə wù ghaʼtə.