1 Kolìntyàns 9:1 - The New Testament in the Babanki language

¹ Ma diʼ no wù ə ntɨm, diʼ fa mo a ngəŋ. Kə lə diʼ la ma nkò ə yen Yesò ə Bobo vəghəŋ mu? Ghə̀ŋ bwin kəvu kəshyèʼ mò ashɨ Bobo?

1 Kolìntyàns 9:1 ပူးပေါင်းရင်းမြစ်များ

Shwèʼ 13:2

Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Shwèʼ 14:14

Bol wenə̀ Balnabas nè zhʉ̀ kənyʉ̀ akì a viʼi a vyi nkəŋə ənè lì sə bàytə̀ ndisə vəwenə ədìʼ la vəwenə kò kòŋ kənyʉ̀ akì, ə̀ nyɨ̀ŋ kwèn a tì nòyn viʼi vi bèmə̀ la,

Shwèʼ 14:4

Viʼi vi a və ndìʼ a ntə̀ʼ ayì sə kiʼi kəngə̀sə̀, viʼi vətsenvə tɨmə a bàm viʼi Jus, vətsenvə tɨmə a bàm viʼi ntɨm Yesò vi.

Shwèʼ 23:11

A nè sə ndiʼ nəntʉʼʉ, Bobo vì tɨ̀mə a mbyɨ̀ Bol ə̀ gàʼ à wen la, “Nkiʼ tyɨm toghə tò a lì! Ando wù tɨmə̀ li a nə̀ wuyenə à mò a shɨ viʼi Jelusalèm, wù diʼ be dyʉ̀ tɨmə tò a lì a shɨ viʼi a Lum.”

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Shwèʼ 9:17

Ananyàs lù ə̀ dyʉ̀ kwèn a ngə̀ŋ ayì ə̀ ghʉ̀ avu wen a kətʉ Saul gàʼà la, “Lèmə̀ ghom Saul, Bobo, a diʼi Yesò yì a wù yì yen a ji ando wù yì mvi a shèn lì, tɨm li mò la mà vi ə̀ nè ashɨ wu mbwènsə̀ yenə shi, bè nè la Kəzhwì kə ŋwòʼəkə vì à wù.”

Shwèʼ 9:3

Ghə̀ ku, Saul mù fʉ̀ ə̀ jèʼ sə boʼsə dyʉ̀ a Damaskus, bayn tsenghə bvʉ̀tə̀ fʉ̀ fa kàŋ ə̀ bàŋ ə̀ kàʼa wen a kəshi a ghə̀ ndiʼì tsu.

Shwèʼ 9:5

Ghə̀ bèm la, “Adìʼ wù ndo, a Bobo?” Gɨ̀ ayì bwènsə̀ la, “Adìʼ mo Yesò yì a wù ku ngəʼ à wen lì.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 11:13

Mà sə gaʼa a ghə̀ŋ viʼi ətɨm luwen. Ghə̀ŋ kɨli la ma diʼ wù ə ntɨm a Nyìngòŋ ə tsuʼ la mà ə̀ shə̀ʼtə̀ kənyʉ̀ kə wen a ghə̀ŋ, ma diʼ nə̀ saŋlə kumə ə shwèʼè na ghenə.

1 Kolìntyàns 1:1

A nyòʼò mò Bol nyòʼò ŋwàʼlə̀ ghèn. A tsuʼ Nyìngòŋ ntsuʼ mo fa wen a kòŋ la mà ndiʼ wù ə ntɨm ə Yesò Klistò. Ma nyòʼò ŋwàʼlə̀ ghèn yo lèmə̀ vəghəŋ Sòstinìs.

1 Kolìntyàns 10:29

Ma gàʼà la wù shɨtə ki kwoʼtə ə wen, a ko diʼ yə̀, byìʼì ando ə kwoʼtə̀ ə wù ə kədyàŋ ə ko diʼ ə tàʼsə la kə ma ne ando ma kòŋ.

1 Kolìntyàns 10:30

Mà sətsèn ə zhɨ̀ əfo ə zhɨvə, ku kəzòŋ a Nyìngòŋ, ko və lu ə ndiʼ ə ghamə mo kumə kəfo kì a ma zhɨ, a diʼ ali ma zhɨ, ku kəzòŋ.

1 Kolìntyàns 11:16

Sətsèn wìʼ nkəŋ ə ngwùmə̀ kənyʉ̀ na kèn a mà gàʼ lə̀, mu yès ko kiʼi ji tsen ə be lyɨ shə̀ʼtə̀ nyʉ̀ na venə fa tsù, ko andiʼ la no tèbe ngə̀ŋ Nyìngòŋ ə kiʼi.

1 Kolìntyàns 3:6

Mà tə wè ngwaʼ, Abolòs chì, ali à nè Nyìngòŋ la ghə̀ kwi.

1 Kolìntyàns 9:19

Ma diʼ alə̀ ko ma lu ndiʼ kəkòs a wìʼ, alì ma ghʉ wenə ghomə a nə̀ kə kəkos kə a viʼi və tsèm ndiʼ mà nè, la viʼi və ghoʼo və be byɨmə.

2 Kolìntyàns 10:7

Ghə̀ŋ yen ənyʉ̀ to fa ji a və kə fa tsu a ghə̀ŋ ashɨ. Wìʼ ə mu sətsèn ə ngàʼa la ghə̀ diʼ wù ə Yesò, ghə̀ tuʼtə ə kwòʼtə ə kɨ la yès be boŋ diʼ to viʼi Yesò to nə̀ wen.

2 Kolìntyàns 11:5

Viʼi ntɨm a venə a ghə̀ŋ ghʉ la à diʼ no viʼi ntɨm və to və lə̀ ə ko chò mò no te kənyʉ̀ kətsen.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Gàlesìyà 5:1

Klistò shisə li vəghəŋ fa əshyèʼ kəkòs, ndi vəghəŋ ə ndiʼ fa vəghəŋ a ngəŋ. Ghə̀ŋ nshɨtə lì ghaʼ təwen ə təŋtə, kə wìʼ be na bwensə ne ghə̀ŋ, ghə̀ŋ əshyèʼè kəkòs a soʼ.

1 Tèsàlonyà 2:6

Yes ə ko ə nè kənyʉ̀ la wìʼ fa ghə̀ŋ, kò no ndo bwomsə yes.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

2 Timotì 1:11

Nyìngòŋ ə ntsuʼ mò la mà ə ndiʼ wù ə ntɨm, shə̀ʼtə̀ ntɨm ə jùŋ a ghèn, bè ziʼi viʼi.