1 Kolìntyàns 7:37 - The New Testament in the Babanki language

³⁷ Alì mu wìʼ ə sətsen ghʉ̀ a wen a tyɨm la ghə̀ a ndiʼ to ali, ghaʼa wèn ə wen ko ghə̀ a lam, ko adiʼ la və tenlə wen tenlə, mu à ghʉ̀ to no wen a wen a tyɨm la ghə̀ ko lam wàyn wùwì ayì, a ndiʼ mù ghə̀ nè to kənyʉ̀ kə jùŋkə.

1 Kolìntyàns 7:37 ပူးပေါင်းရင်းမြစ်များ

1 Kolìntyàns 7:1

Ma gàʼà kənyʉ̀ luwen kumə nyʉ̀ vyi a ghə̀ŋ tə nyoʼ ə bèmtə̀ a mò. Kə bòŋ to no la kə wìʼ lam.

1 Kolìntyàns 7:36

Wìʼ sətsen ə yen la ghə̀ ŋwʉ̀ʼ no zhʉ̀ko, kwoʼtə to wàyn wùwì a wenə wen ghʉ̀ la və ko be a làm, ghə̀ bwensə yen la ghə̀ ə ko ne akayn, ə be koŋə ghə bwensə dyʉ̀ wenə wen lam. Wù sətsen nè alə, ko kə a ndiʼ la ghə̀ ne li mbyɨ.

1 Kolìntyàns 7:38

Kə le diʼ la wìʼ yi a ghə̀ lam wàyn wùwì wen a ghèn diʼ mu ghə̀ ne to no kənyʉ̀ kə jùŋkə, yi a ghə̀ faŋ ke lam mu ghə ə nè li kənyʉ̀, kə bòŋ chò na kì kə.

2 Kolìntyàns 9:7

Nò tèbe ndo ə sə nku, ghə̀ nku to kəfo kì a ghə̀ ghʉ a wen tyɨm la ghə̀ a ku. Kə wìʼ na ku sə və kwiʼi wen kwiʼi. Kə wìʼ na sə ku nku sə ghə̀ kyemə kyemə byìʼì ando Nyìngòŋ kòŋ wìʼ yì a ghə̀ kù nə̀ saŋlə.