1 Kolìntyàns 7:35 - The New Testament in the Babanki language

³⁵ Ma gàʼà kənyʉ̀ na kènkə byìʼì ando ma kəŋ ə gyamtə ghə̀ŋ, a ko diʼ la ma kəŋ ə ku kəbyèʼè a ghə̀ŋ. Ma kəŋ ə nè la nyʉ̀ ə njèʼè to ji yi a və diʼ njèʼè fa tsù, ə be ə nè la ghə̀ŋ ku təwen ə təŋtə no tətsèm ə nshyèʼ to a Bobo.

1 Kolìntyàns 7:35 ပူးပေါင်းရင်းမြစ်များ

Matìyò 19:12

Nyʉ̀ diʼ no ghoʼo a və zì və ne la kə wìʼ à lam. Vətsenvə diʼ kò və lù nlamə mu və bwi vəwenə anə̀ əkànə. Vətsenvə diʼ mu à nè viʼi la vəwenə ndiʼ əkàn. Andiʼ a tʉʼ Yesò viʼi təloʼ tə tsenəvə diʼ mu və tyen lam byìʼì soʼo Fòyn Nyìngòŋ. No ndò a ghə̀ zì ghə̀ byɨmə ə ntsi ando nyʉ̀ venə gàʼà ghə̀ tuʼù zhʉ̀tə.”

Matìyò 22:15

Və Falàsi vətsenvə lù dyʉ̀ zhùŋtə̀ sə baʼtə̀ jì ndi nè la Yesò gàʼ shwè və ghaʼ wen,

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

1 Kolìntyàns 7:2

Alì byìʼì ando mwòmsə ə zizi ghə̀ vi, a wìʼ ghə̀ kwen a ntsìnə̀ kəfwaʼlə, ma sə gàʼa la no tèbe wulɨm ə kò diʼ ə lam wi wen, no tèbe wùwì ə kò be diʼ lam lɨmə wen.

1 Kolìntyàns 7:28

Alì mu wù sətsen ə lam, ko kə andiʼ la wù nè li mbyɨ, mu wàyn ə wùwì sətsen ə lam, ko kə a ndiʼ la ghə̀ nè li mbyɨ. Ali viʼi a və lamkə li lu kiʼi ngəʼsə a mbyi ashə̀, a diʼ ngəʼ a sensə a ma mwomsə ə bʉʼsə ghə̀ŋ fa tsu.

1 Kolìntyàns 7:36

Wìʼ sətsen ə yen la ghə̀ ŋwʉ̀ʼ no zhʉ̀ko, kwoʼtə to wàyn wùwì a wenə wen ghʉ̀ la və ko be a làm, ghə̀ bwensə yen la ghə̀ ə ko ne akayn, ə be koŋə ghə bwensə dyʉ̀ wenə wen lam. Wù sətsen nè alə, ko kə a ndiʼ la ghə̀ ne li mbyɨ.

Efisyàns 5:3

Ghə̀ŋ diʼ alə̀ diʼ viʼi Nyìngòŋ. Və ko be diʼ zhʉ̀ tèbe kənyʉ̀ kumə ə ndzɨ̀mtə̀ ə ki kò ndzɨ̀mtə̀ ə lʉmə nə̀ ashɨ a bàŋ ghə nə̀ nyʉ̀ ə kəfwaʼlə ə tsenəvə a ghə̀ŋ a ntìntìn. Nki nyʉ̀ a venə, və ko diʼ ə zhʉ a ghə̀ŋ a ntìntìn.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.

1 Timotì 1:10

Və shɨtə à viʼi vyi a və tsi nə̀ ki, a ko diʼ ki vəwenə, nə̀ lyʉmə, a ko diʼ vəlɨm və vəwenə, ə bè shɨtə a lyʉmə vi a və kaʼsə tsi nə̀ lyʉmə vətsenvə, nə̀ viʼi vyi a və tsòŋ viʼi baʼlə̀, nə̀ viʼi kənwam, nə̀ nchò nsoʼ sə kənlobtə̀, nə̀ vi a və nè no te ghò ə tsen a əziʼi nəmwèʼè ə tensə.

Taytùs 2:3

Wù bè diʼ əziʼi ki vətovə to a ndə̀ŋndəŋ jì la vəwenə ntsi a nə̀ viʼi a vəwenə ku li tyɨm vəwenə à Nyìngòŋ, kə vəwenə gàʼà ənyʉ̀ byɨvə byìʼì viʼi vətsenvə, kèn la vəwenə nyʉ məlyʉ̀ʼ bomə̀. Vəwenə diʼ ə ndìʼsə̀ tò ənyʉ̀ juŋəvə